હર હર મહાદેવ / શિવપુરાણમાં આપવામાં આવ્યા છે ગરીબી દૂર કરવાના ઉપાયો, તમે પણ અજમાવી જુઓ

• શ્રાવણ મહિનામાં શિવની પૂજા કરવી ઉત્તમ માનવામાં આવે છે
• શિવપુરાણમાં જણાવેલ ઉપાય અપનાવો
• ગરીબી અને સમસ્યાથી મળશે મુક્તિ

ભગવાન શિવ સાથે જોડાયેલ અનેક રહસ્ય શિવપુરાણમાં જણાવવામાં આવ્યા છે. શ્રાવણ મહિનામાં ભગવાન શિવની પૂજા કરવી ઉત્તમ માનવામાં આવે છે. શિવ પૂજા કરવાથી તમામ સંકટ દૂર થાય છે. આર્થિક સમસ્યાખી પરેશાની હોય તો શ્રાવણ મહિનામાં કેટલાક ખાસ ઉપાય કરવાથી મુક્તિ મળી શકે છે. 

ધન પ્રાપ્તિ માટેના ઉપાય
હરસિંગારના ફૂલ અર્પણ કરો
માનવામાં આવે છે કે, સમુદ્ર મંથન દરમિયાન હરસિંગારના ફૂલની ઉત્પત્તિ થઈ હતી. તે સમયે દેવતાઓને આ ફૂલ મળ્યું હતું. શિવ પુરાણમાં જણાવવામાં આવ્યું છે કે, ભગવાન શિવની પૂજામાં આ ફૂલ ચઢાવવાથી ઉત્તમ ફળ પ્રાપ્ત થાય છે. હરસિંગાર અથવા પારિજાતના ફૂલથી શિવપૂજા કરવાથી તમામ સુખ સમૃદ્ધિ પ્રાપ્ત થાય છે. 

શિવલિંગ પર બિલીપત્ર ચઢાવો
શિવપુરાણમાં જણાવવામાં આવ્યું છે કે, શ્રાવણ મહિનામાં ભગવાન શિવને એક લાખ બિલીપત્ર અર્પણ કરવા જોઈએ. આ ઉપાય કરવાથી તમામ ઈચ્છા પૂરી થાય છે અને ભૌતિક સુખની પ્રાપ્તિ થાય છે. 

શિવલિંગ પર અક્ષત અર્પણ કરો
શિવપુરાણમાં જણાવવામાં આવ્યું છે કે, આર્થિક પરેશાનીથી મુક્તિ મેળવવા નિયમિતરૂપે ભગવાન શિવને ચોખા (અક્ષત) અર્પણ કરવાથી ધન પ્રાપ્તિ થાય છે. આ ચોખા તૂટેલા ના હોવા જોઈએ. 

મગથી શિવલિંગનો અભિષેક
શિવપુરાણમાં જણાવવામાં આવ્યું છે કે, શ્રાવણ મહિનામાં ભગવાન શિવનો મગથી અભિષેક કરવો જોઈએ. જે માટે રાત્રે મગ પાણીમાં પલાળી દો અને બીજા દિવસે સવારે ભગવાન શિવને અર્પણ કરી દો. આ પ્રકારે કરવાથી દરિદ્રતા દૂર થાય છે. 

ઘીથી શિવલિંગનો અભિષેક
શિવપુરાણ અનુસાર જે વ્યક્તિ શિવલિંગ પર ઘીનો અભિષેક કરે છે, તે વ્યક્તિનું આરોગ્ય સ્વસ્થ રહે છે. આરોગ્ય સંબંધિત સમસ્યા દૂર થાય તે માટે શિવલિંગ પર ઘીનો અભિષેક કરવો જોઈએ.