બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / ટેક અને ઓટો / Samsungના 3 નવા બજેટ સ્માર્ટફોનની એન્ટ્રી! Galaxy A08, M08 અને F08 ટૂંક સમયમાં થશે લોન્ચ
5 ફોટો ગેલેરી
Last Updated: 02:14 PM, 30 July 2026
FOLLOW ON
શેર કરો
1/5
સેમસંગ ફરી એકવાર બજેટ સ્માર્ટફોન માર્કેટમાં મોટું પગલું ભરવા જઇ કરી રહ્યું છે. જો તમે પોસાય તેવી કિંમતે નવો ફોન ખરીદવાની રાહ જોઈ રહ્યા હોય, તો તમારા માટે સારા સમાચાર છે. કંપની ટૂંક સમયમાં Galaxy A08 4G, Galaxy M08 4G અને Galaxy F08 4G લોન્ચ કરી શકે છે. ઉલ્લેખનીય છે કે, આ ત્રણેય સ્માર્ટફોન તેમના લોન્ચિંગ પહેલાં વિવિધ સર્ટિફિકેશન પ્લેટફોર્મ્સ પર જોવા મળ્યા છે, જે સ્પષ્ટ સંકેત આપે છે કે તેમનું લોન્ચિંગ નજીક છે. પરિણામે, એવી વ્યાપક અપેક્ષા છે કે સેમસંગ ખૂબ જ જલ્દી આ નવા બજેટ ફોન્સ રજૂ કરશે. આવો આ આગામી સ્માર્ટફોન્સ વિશે અત્યાર સુધી સામે આવેલી તમામ મુખ્ય વિગતો પર એક નજર કરીએ.
આ તસવીર શેર કરો
2/5
અમેરિકી FCC ડેટાબેઝ અનુસાર, Galaxy A08 4G હવે SM-A085M અને SM-A085M/DS મોડલ નંબરો સાથે લિસ્ટેડ કરવામાં આવ્યું છે. આ સૂચવે છે કે, સેમસંગ સિંગલ-SIM અને ડ્યુઅલ-SIM એમ બંને વર્ઝનનું પરીક્ષણ કરી રહ્યું છે, જે ભારત જેવા બજારો માટે એક સકારાત્મક બાબત છે. કનેક્ટિવિટીની વાત કરીએ તો, આ ફોન GSM, WCDMA, LTE, બ્લૂટૂથ, FM રેડિયો અને 2.4GHz તથા 5GHz Wi-Fi ને સપોર્ટ કરશે. એટલુ જ નહીં તેમાં સેમસંગનું વર્ટિકલ ડ્યુઅલ રિયર કેમેરા સેટઅપ જાળવી રાખવામાં આવ્યું છે.
આ તસવીર શેર કરો
3/5
FCC લિસ્ટિંગ અનુસાર, Galaxy A08 4G માં Samsung ની LC-196 બેટરીનો ઉપયોગ કરવામાં આવ્યો છે, જેની કેપેસિટી 5,830mAh છે અને તેને સંભવતઃ 6,000mAh બેટરી તરીકે માર્કેટમાં રજૂ કરવામાં આવશે. Galaxy A07 4G માં જોવા મળતી 5,000mAh બેટરીની સરખામણીમાં આ એક નોંધપાત્ર અપગ્રેડ છે. આ ફોન Samsung ના 15W EP-T1510 ચાર્જર સાથે આવે છે, જે 15W વાયર્ડ ચાર્જિંગને સપોર્ટ કરતું હોવાનું સૂચવે છે. ત્રણેય ડિવાઇસ ડ્યુઅલ-બેન્ડ Wi-Fi ને સપોર્ટ કરે છે અને તેમાં લગભગ સમાન હાર્ડવેર આપવામાં આવ્યું છે.
આ તસવીર શેર કરો
4/5
આ ત્રણેય ફોન ભારતીય BIS વેબસાઇટ પર SM-A085F/DS, SM-M085F/DS અને SM-E085F/DS મોડલ નંબર સાથે પણ જોવા મળ્યા છે. તેઓ ગયા વર્ષે ઓક્ટોબરમાં લોન્ચ થયેલા Galaxy A07, M07 અને F07નું સ્થાન લેશે. અગાઉના મોડલ્સમાં 6.7-ઇંચની HD+ સ્ક્રીન, MediaTek Helio G99 ચિપ, 4GB RAM, 64GB સ્ટોરેજ, 50MPનો મુખ્ય કેમેરા, 8MPનો સેલ્ફી કેમેરા, IP54 રેટિંગ અને Android 15 પર આધારિત One UI 7 ઓપરેટિંગ સિસ્ટમ જેવી વિશેષતાઓ હતી.
આ તસવીર શેર કરો
5/5
સેમસંગે એ પણ જાહેરાત કરી છે કે, તે છ વર્ષ સુધી એન્ડ્રોઇડ ઓએસ અને સુરક્ષા અપડેટ્સ પ્રદાન કરશે. કંપનીએ હજુ સુધી A08, M08 અને F08 મોડલ્સની લોન્ચ તારીખો કે પૂરી સ્પેસિફિકેશન્સ અંગે કોઈ ઓફિશિયલ માહિતી આપી નથી. જોકે, સતત મળતા સર્ટિફિકેશન્સ સૂચવે છે કે તેની ઓફિશિયલ જાહેરાતનો સમય નજીક આવી રહ્યો છે. (Disclaimer અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે vtvgujarati.com આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.)
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
