- PM મોદીએ રોજગાર મેળા અંતર્ગત આપ્યાં નિમણૂક પત્રો
- દેશનાં 45 સ્થળો પર કુલ 51 હજાર લોકોની કરી ભરતી
- વીડિયો કોન્ફેરેન્સ દ્વારા કર્યું યુવાનોનું સંબોધન
PM નરેન્દ્ર મોદીએ આજે રોજગાર મેળા અંતર્ગત 51,000 લોકોને અપોઈન્મેંટ લેટર એટલે કે નિમણૂક પત્રો આપ્યાં. આજે સમગ્ર દેશમાં 45 સ્થળોએ આ રોજગાર મેળાનું આયોજન કરવામાં આવ્યું જેમાં PM મોદીએ વીડિયો કોન્ફરન્સિંગ દ્વારા રોજગાર મેળામાં વિવિધ પદો માટે 51 હજાર યુવાનોની ભરતી કરી. ગૃહ મંત્રાલયના આ રોજગાર મેળા કાર્યક્રમ હેઠળ વિવિધ સશસ્ત્ર પોલીસ દળો જેમ કે સેન્ટ્રલ રિઝર્વ પોલીસ ફોર્સ (CRPF), બોર્ડર સિક્યુરિટી ફોર્સ (BSF), સશાસ્ત્ર સીમા બલ (SSB), આસામ રાઈફલ્સ, સેન્ટ્રલ ઈન્ડસ્ટ્રીયલ સિક્યુરિટી ફોર્સ (CISF), ઈન્ડો તિબેટીયન બોર્ડર પોલીસ (ITBP), નાર્કોટિક્સ કંટ્રોલ બ્યુરો (NCB) તેમજ દિલ્હી પોલીસમાં ભરતી થઈ છે.
PM મોદીએ કર્યો સંબોધન
PM મોદીએ સંબોધન દરમિયાન કહ્યું કે,' ઑટોમોબાઈલ, દવા, પર્યટન, અને ફૂડ પ્રોસેસિંગનાં ક્ષેત્રોમાં તેજીથી વૃદ્ધિ થવા અને યુવાનો માટે રોજગારનાં નવા અવસરો પેદા થવાની આશા છે.' તેમણે કહ્યું કે,' માત્ર પર્યટન ક્ષેત્રમાંથી જ 2030 સુધી અર્થવ્યવસ્થામાં 20 લાખ કરોડ રૂપિયાનું યોગદાન મળવાની આશા છે જે ક્ષેત્રમાં 13-14 કરોડ નવી રોજગારી પેદા કરવાની ક્ષમતા છે.' યુવાનોનું સંબોધન કરતાં તેમણે કહ્યું કે,' દરેક ક્ષેત્રનો વિકાસ થવો જોઈએ. ખાદ્યથી લઈ દવા ઉદ્યોગ સુધી, અંતરિક્ષથી લઈ સ્ટાર્ટઅપ સુધી. જ્યારે દરેક ક્ષેત્ર પ્રગતિ કરશે ત્યારે અર્થવ્યવસ્થા વધશે. '
દવા ઉદ્યોગોનો થશે વિકાસ
દવા ઉદ્યોગનું ઉદાહરણ આપતાં PMએ કહ્યું કે,' વર્તમાનમાં 4 લાખ કરોડ રૂપિયાનું આ ક્ષેત્ર 2030 સુધી વધીને 10 લાખ કરોડ થઈ જવાની આશા છે. તેનો અર્થ શું છે ? તેનો અર્થ છે કે આ દશકામાં દવા ઉદ્યોગને યુવાનોની ઘણી જરૂર છે. રોજગારી પેદા થશે. '
10 લાખ લોકોને નોકરી આપવાનો લક્ષ્ય
22 ઓક્ટોબર 2022નાં પ્રધાનમંત્રીએ રોજગાર મેળાનો પ્રથમ ફેઝ શરૂ કર્યો હતો. તેમણે 2023નાં અંત સુધીમાં 10 લાખ લોકોને નોકરી આપવાનો લક્ષ્ય રાખ્યો છે. માહિતી અનુસાર છેલ્લાં 9 મહિનામાં 7 રોજગાર મેળાઓનું આયોજન કરવામાં આવ્યું છે જેમાં 4 લાખ 48 હજારથી વધારે લોકોને લેટર આપવામાં આવ્યાં છે.
સુરક્ષા થશે વધુ મજબૂત
PMO દ્વારા નિવેદનમાં કહેવામાં આવ્યું કે, આ ભરતીથી દેશની સુરક્ષા વ્યવસ્થા વધુ મજબૂત બનશે. આ ભરતી હેઠળ દિલ્હી પોલીસને પણ સશક્ત કરવામાં આવશે. આ સાથે તે આતંકવાદનો સામનો કરવા, ઉગ્રવાદનો સામનો કરવા, ડાબેરી વિરોધી ઉગ્રવાદ અને દેશની સરહદોની સુરક્ષામાં પણ મદદ કરશે.
તાલીમ લેવાની તક
PMOના નિવેદનમાં કહેવામાં આવ્યું કે, રોજગાર મેળો યુવાનોને સશક્ત બનાવવા માટે એક વિશેષ પગલું છે, જેના હેઠળ તે દેશના વિકાસમાં યુવાનોને તકો પ્રદાન કરશે. IGOT કર્મયોગી પોર્ટલ પરના ઓનલાઈન મોડ્યુલ, કર્મયોગી દ્વારા નવા ભરતી કરનારાઓને પોતાને તાલીમ આપવાની તક પણ મળશે. કોઈપણ ઉપકરણ શીખવા માટે અહીં 673 ઈ-લર્નિંગ કોર્સ ઉપલબ્ધ છે.
