વનડે રેન્કિંગ / ક્રિકેટ વર્લ્ડમાં ખુશાલી! ટી 20 સીરિઝ પહેલાં રોહિત શર્મા માટે મોટા ગુડ ન્યૂઝ, મળી દુનિયાની મોટી સિદ્ધી

ઓસ્ટ્રેલિયા ODI શ્રેણીમાં શાનદાર પ્રદર્શનનું રોહિત શર્માને ઈનામ મળ્યું છે. રોહિત શર્મા હવે દુનિયાનો નંબર વન વનડે બેટર બની ગયો છે. રોહિત શર્માએ ICC ODI રેન્કિંગમાં પણ નંબર વન સ્થાન મેળવ્યું છે. રોહિત શર્માએ ODI કેપ્ટન શુભમન ગિલને પાછળ છોડીને આ સ્થાન મેળવ્યું છે. આ સાથે, રોહિત વિશ્વનો નંબર વન ODI બેટ્સમેન બનનાર સૌથી મોટી ઉંમરનો ખેલાડી બની ગયો છે.

રેન્કિંગમાં કોનો કેટલો નંબર

નવીનતમ ODI રેન્કિંગમાં, રોહિત શર્મા 781 રેટિંગ પોઈન્ટ સાથે ગિલ અને ઇબ્રાહિમ ઝદરનને પાછળ છોડીને ટોચ પર પહોંચી ગયો છે. બીજી તરફ, શુભમન ગિલ નંબર વનથી ત્રીજા નંબર પર સરકી ગયો છે.

ઓસ્ટ્રેલિયા પ્રવાસમાં ચમક્યો રોહિત

રોહિત ભારતનો અનુભવી બેટ્સમેન છે અને તેણે તાજેતરમાં ઓસ્ટ્રેલિયા સામેની ત્રણ મેચની વનડે શ્રેણીમાં વાપસી કરી હતી અને તેણે સદી ફટકારી હતી. પર્થમાં રમાયેલી પહેલી વનડેમાં રોહિતનું બેટ શાંત રહ્યું, પરંતુ તે પછીની બે મેચમાં તેના જૂના ફોર્મમાં જોવા મળ્યો. આ સમયગાળા દરમિયાન, રોહિત વનડેમાં ભારત માટે ત્રીજા સૌથી વધુ રન બનાવનાર બેટ્સમેન બન્યો.

વધુ વાંચો : 21મા હપ્તા પહેલાં કેન્દ્ર સરકારે ખેડૂતોને આપી આ મોટી ગિફ્ટ, જગતના તાતમાં વ્યાપી ખુશાલી

રોહિત શર્માની વનડે કારકિર્દી

રોહિત શર્માની ODI કારકિર્દી શાનદાર રહી છે. તેણે અત્યાર સુધીમાં 276 ODI મેચોમાં 11,370 રન બનાવ્યા છે. તેની સરેરાશ 49.22 છે, અને તેણે 33 સદી અને 59 અડધી સદી ફટકારી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ