કેબિનેટ નિર્ણય / 21મા હપ્તા પહેલાં કેન્દ્ર સરકારે ખેડૂતોને આપી આ મોટી ગિફ્ટ, જગતના તાતમાં વ્યાપી ખુશાલી

પીએમ કિસાન યોજનાના 21મા હપ્તા પહેલા, સરકારે ખેડૂતોને એક મોટી ભેટ આપી છે. 28 ઓક્ટોબરના રોજ, કેન્દ્રીય મંત્રીમંડળે ખાતર વિભાગના પ્રસ્તાવને મંજૂરી આપી. સરકારે રવિ સિઝન માટે ફોસ્ફેટિક અને પોટાશિક (P&K) ખાતરો માટે પોષક તત્વો આધારિત સબસિડી (NBS) દર નક્કી કર્યા છે. તેમાં જણાવાયું છે કે રવિ સિઝન માટે અંદાજિત બજેટ ₹37,952.29 કરોડ હશે. આનાથી ખેડૂતોને હવે સસ્તા ભાવે ખાતર મળશે તેની ખાતરી થશે.

કયા ખાતર પર કેટલી સબસિડી

પ્રધાનમંત્રી નરેન્દ્ર મોદીની અધ્યક્ષતામાં મળેલી મંત્રીમંડળે ચાલુ રવિ સિઝન માટે નાઇટ્રોજન (N) પર પ્રતિ કિલો રૂ. 43.02, ફોસ્ફરસ (P) પર પ્રતિ કિલો રૂ. 47.96, પોટાશ (K) પર પ્રતિ કિલો રૂ. 2.38 અને સલ્ફર (S) પર પ્રતિ કિલો રૂ. 2.87 ની સબસિડી દરોને મંજૂરી આપી છે. માહિતી અને પ્રસારણ મંત્રી અશ્વિની વૈષ્ણવે પત્રકારોને જણાવ્યું હતું કે, "2025ના રવિ પાક માટે મંજૂર કરાયેલી સબસિડી ગયા વર્ષ કરતાં લગભગ 14,૦૦૦ કરોડ રૂપિયા વધુ છે. તેમણે કહ્યું કે આયાત કિંમત અને પોષક તત્વોની જરૂરિયાત, સબસિડીનો બોજ અને MRP જેવા અન્ય પરિબળોને ધ્યાનમાં રાખીને પોષણ આધારિત સબસિડી (NBS) યોજના હેઠળ સબસિડી દર નક્કી કરાયાં છે.

વધુ વાંચો : PHOTOS : બોલીવૂડની ખુબસૂરત અદાકારા અદિતી રાવ હૈદરી ટોપ ટ્રેન્ડિંગમાં, ખુબસૂરતીથી કાયલ બની જશો

1 ઓક્ટોબરથી દરો લાગુ થશે

સબસિડી દર 1 ઓક્ટોબરથી અમલમાં આવશે. દેશના ઘણા ભાગોમાં રવિ (શિયાળુ) વાવણી શરૂ થઈ ગઈ છે. આ સિઝનમાં ઘઉં, સરસવ અને ચણા મુખ્ય પાક છે. કેન્દ્ર સરકારની મંજૂરીથી ખેડૂતોને સબસિડીવાળા, સસ્તા અને વાજબી કિંમતના ખાતરો ઉપલબ્ધ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ