સ્વાસ્થ્ય / બ્રેડ ખાવાના શોખીન હોવ તો ચેતજો! કેન્સર થવાનો રહે છે ખતરો, રિસર્ચમાં થયો શૉકિંગ ખુલાસો

Pravin Joshi

Last Updated: 04:45 PM, 23 February 2024

FOLLOW ON

શેર કરો

શું તમને દરરોજ સવારે નાસ્તામાં બ્રેડ ખાવાનું ગમે છે? જો હા, તો તમને જણાવી દઈએ કે એક રિસર્ચમાં સામે આવ્યું છે કે રોજ બ્રેડ ખાવાથી કોલોરેક્ટલ કેન્સરનો ખતરો વધી જાય છે. એટલું જ નહીં આલ્કોહોલનું સેવન કરવાથી કેન્સરનો ખતરો પણ વધી જાય છે.

મોટાભાગના લોકો નાસ્તામાં બ્રેડ ખાવાનું પસંદ કરે છે. જો તમે પણ બ્રેડ ખાવાના શોખીન છો તો તમને જણાવી દઈએ કે એક રિસર્ચ અનુસાર બ્રેડ ખાવાથી કોલોરેક્ટલ કેન્સર થવાનો ખતરો વધી જાય છે. એટલું જ નહીં સંશોધનમાં એ પણ સાબિત થયું છે કે આલ્કોહોલનું સેવન કોલોરેક્ટલ કેન્સરનું જોખમ પણ ઘણી હદ સુધી વધારી શકે છે. એક જાણીતા નિષ્ણાંતના જણાવ્યા અનુસાર, જર્નલ ઑફ ન્યુટ્રિએન્ટ્સમાં પ્રકાશિત એક સંશોધન કહે છે કે સફેદ બ્રેડ અને આલ્કોહોલનું સેવન કોલોરેક્ટલ કેન્સર થવાનું જોખમ નોંધપાત્ર રીતે વધારે છે. તમને જણાવી દઈએ કે કોલોરેક્ટલ કેન્સર એ એક કેન્સર છે જે આંતરડા અને ગુદાના છેલ્લા છેડે થાય છે. જો કે, કોલોરેક્ટલ કેન્સર વધવા માટે લાંબો સમય લે છે. તેથી જો પ્રારંભિક તબક્કામાં શોધી કાઢવામાં આવે તો તેની સારવાર કરી શકાય છે.

ઈતિહાસમાં પહેલી વાર બન્યું : તમામ દર્દીઓનું કેન્સર મટી ગયું, આવી રીતે થયો 'અદ્દભુત ચમત્કાર | clinical trial of dostarlimab cured 18 patients in us of colorectal cancer doctors are ...

આંકડા જાહેર કર્યા

ચીનની ઝેજિયાંગ યુનિવર્સિટી મેડિકલ સ્કૂલના સંશોધકોએ યુકે બાયો બેંક સાથે મળીને આ સંશોધન કર્યું હતું. જેમાં 1 લાખ 18 હજારથી વધુ લોકો સામેલ હતા. સંશોધનમાં દરરોજ ખાવામાં આવતી 139 ખાદ્ય વસ્તુઓ અને તેમાં રહેલા પોષક તત્વોની તપાસ કરવામાં આવી હતી. એવું જાણવા મળ્યું કે જે લોકો નિયમિતપણે સફેદ બ્રેડ અને આલ્કોહોલનું સેવન કરે છે, તેઓમાં 13 વર્ષમાં કોલોરેક્ટલ કેન્સરના લગભગ 1,466 કેસ જોવા મળ્યા હતા. આ અભ્યાસ ન્યુટ્રિએન્ટ્સ જર્નલમાં પ્રકાશિત થયો છે.

આ લોકોમાં વધુ સમસ્યાઓ જોવા મળે છે

અભ્યાસમાં જાણવા મળ્યું છે કે વ્હાઇટ બ્રેડમાં કાર્સિનોજેન સંયોજનો જોવા મળે છે. જ્યારે આ અભ્યાસ 1.18 લાખ લોકો પર કરવામાં આવ્યો હતો, ત્યારે એવું જોવા મળ્યું હતું કે જેઓ વધુ સફેદ બ્રેડ અને આલ્કોહોલનું સેવન કરે છે તેમને કોલોરેક્ટલ કેન્સરનું જોખમ વધારે છે. જો કે, તે એવા લોકોમાં વધુ હતું જેઓ પહેલાથી જ કેટલીક અન્ય બીમારીઓથી પીડિત હતા. અભ્યાસમાં જણાવાયું છે કે ફાઇબર, કેલ્શિયમ, ફોસ્ફરસ અને મેગ્નેશિયમની પૂરતી માત્રા ધરાવતા ખોરાકનું સેવન કરીને કલરેક્ટર્સ વિકસાવવાનું જોખમ ઘટાડી શકાય છે.

તમારા શરીરમાં વારંવાર થઇ રહી છે આ સમસ્યા? તો સાવધાન! હોઇ શકે છે આ કેન્સરના લક્ષણ/ how not to mistake colorectal cancer for common gastrointestinal disorders

વધુ વાંચો : 40 વર્ષ પછીની મહિલાઓમાં આ બીમારીઓનું જોખમ વધારે, જાણો કઇ રીતે મળશે રાહત

કોલોરેક્ટલ કેન્સરના કેસો વધ્યા

અમેરિકન કેન્સર સોસાયટી અનુસાર, કોલોરેક્ટલ કેન્સર એક મોટા ખતરા તરીકે ઉભરી રહ્યું છે. કોલોરેક્ટલ કેન્સર એ વિશ્વભરમાં કેન્સરનો સૌથી સામાન્ય પ્રકાર છે. જેના દર્દીઓની સંખ્યા ત્રીજા ક્રમે છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ

Alcohol Bread Cancer colorectalcancer research risk riskofcancer colorectal cancer