Diwali 2023 / દિવાળી માટે વાસ્તુ ટિપ્સ: તહેવાર આવે તે પહેલા ઘરમાંથી કાઢીને ફેંકી દો આ 5 વસ્તુઓ, તો જ દૂર થશે દરિદ્રતા

• દિવાળીથી પહેલાં ઘરમાંથી કેટલીક વસ્તુ કાઢવી જોઈએ
• માં લક્ષ્મીની કૃપા મેળવવા ઘરમાંથી વાસ્તુદોષ દૂર કરવો જોઈએ
• તેનાથી ઘરની દરિદ્રતા અને નકારાત્મક દૂર થાય છે

દિવાળીનો પર્વ દરવર્ષે કાર્તિક કૃષ્ણપક્ષની અમાસની તિથિનાં ઊજવવામાં આવે છે. પંચાગ અનુસાર આ વર્ષે દિવાળી 12 નવેમ્બર એટલે કે આજથી એક અઠવાડિયા રહીને છે. આ દિવસે લોકો પોતાના ઘરમાં દીવા પ્રગટાવે છે અને લક્ષ્મી-ગણેશનું વિધિવત પૂજન પણ કરે છે. તેવામાં લોકો દિવાળીથી પહેલાં માં લક્ષ્મીનાં પૂજનની તૈયારી કરવા લાગે છે. દિવાળીની પૂજાની તૈયારીમાં ઘરનાં વાસ્તુનું પણ ખાસ ધ્યાન રાખવામાં આવે છે. તેવામાં વાસ્તુ અનુસાર આ પાંચ વસ્તુઓને દિવાળીથી પહેલા ઘરની બહાર ફેંકી દેવી જોઈએ જેથી કોઈપણ પ્રકારનો વાસ્તુદોષ ઉત્પન્ન ન થાય.

બંધ ઘડિયાળ
વાસ્તુશાસ્ત્ર અનુસાર દિવાળીની સફાઈ દરમિયાન જો તમને તમારા ઘરમાં કોઈપણ પ્રકારની બંધ ઘડિયાળ દેખાય છે તો તેને ઠીક કરાવો અથવા તો ઘરની બહાર નિકાળી દો. વાસ્તુશાસ્ત્ર અનુસાર બંધ ઘડિયાળ વાસ્તુદોષનું કારણ બને છે.  બંધ ઘડિયાળ ઘરમાં નેગેટિવ એનર્જી ઉત્પન્ન કરે છે.

ફાટેલા-જૂના કપડાં
વાસ્તુશાસ્ત્ર અનુસાર દિવાળીની સફાઈ દરમિયાન તમારે તમારા ઘરમાંથી ફાટેલા અને જૂના કપડાઓ ઘરની બહાર કરી દેવા જોઈએ.  ઘરમાં ફાટેલા કપડાં રાખવાથી નકારાત્મકતા આવે છે. તેવામાં જો તમે માં લક્ષ્મીની કૃપા મેળવવા ઈચ્છો છો તો દિવાળીથી પહેલા ઘરમાંથી આ પ્રકારનાં કપડાં કાઢી દેવા જોઈએ.

સૂકાયેલા કાંટાવાળા છોડ
વાસ્તુશાસ્ત્ર અનુસાર દિવાળીની સફાઈ દરમિયાન આ વાતનું ધ્યાન રાખવું કે ઘરમાં કોઈપણ પ્રકારનાં કાંટેદાર છોડ ન હોય. કારણકે તે નકારાત્મક ઊર્જા ઉત્પન્ન કરે છે. 

તૂટેલી મૂર્તિઓ
ઘરમાં જો દેવી-દેવતાઓની તૂટેલી મૂર્તિઓ હોય તો તેને દિવાળીથી પહેલા ઘરની બહાર નિકાળી દેવી જોઈએ. તૂટેલી મૂર્તિથી વાસ્તુદોષ ઉત્પન્ન થાય છે.

કારોળિયાની જાડ
વાસ્તુશાસ્ત્ર અનુસાર ઘરમાં કરોળિયાની જાળ દરિદ્રતાનું કારણ બને છે. કહેવામાં આવે છે કે જો ઘરમાં જાળા લાગી ગયાં હોય તો વ્યક્તિનાં ભાગ્ય પર તાળા લાગી જાય છે. તેવામાં જો ઘરમાં કરોળિયાનાં જાડ હોય તો તેને દિવાળી પહેલાં સાફ કરી લેવા જોઈએ.