ફેસિલિટી / અમદાવાદીઓ માટે રાહતના સમાચાર: ઉત્તર ઝોનમાં એકસાથે 9 જગ્યાએ શરૂ કરાશે પે એન્ડ પાર્કની સુવિધા

• અમદાવાદમાં ઉત્તર ઝોનમાં વાહનચાલકોને રાહત
• બાપુનગર ફ્લાય ઓવરબ્રિજની નીચે પે એન્ડ પાર્ક ઉભુ કરાશે
• 6 ઓનસ્ટ્રીટ, 1 ઓફસ્ટ્રીટ પાર્કિંગ વ્યવસ્થા પણ ઉભી કરાશે

અમદાવાદમાં ઉત્તર ઝોનમાં વાહન ચાલકોને રાહત મળી રહે તે માટે ઉત્તર ઝોનમાં 9 જગ્યાએ પે એન્ડ પાર્ક ઉભા કરવામાં આવશે.  ત્યારે બાપુનગર ફ્લાય ઓવરબ્રિજ નીચે પે એન્ડ પાર્ક ઉભું કરવામાં આવશે. તેમજ નરોડા રેલ્વે સ્ટેશન ઓવરબ્રિજની નીચે પણ પે એન્ડ પાર્ક ઉભું કરવામાં આવશે.  જેમાં 6 ઓનસ્ટ્રીટ, 1 ઓફસ્ટ્રીટ પાર્કિગ વ્યવસ્થા પણ ઉભી કરાશે. તેમજ 1337 ટુ વ્હિલર અને 485 ફોરવ્હીલર પાર્કિંગની વ્યવસ્થા ઉભી કરવામાં આવશે.

પાર્કિંગ માટે ખાસ પાર્કિંગ પ્લોટની વ્યવસ્થાઓ કરાઈ છે
અમદાવાદ શહેરને સ્માર્ટ સિટીનો દરજ્જો આપવામાં આવ્યો છે. પરંતુ આ સ્માર્ટ સિટીમાં સૌથી વધુ સમસ્યા ટ્રાફિકની છે. કારણ કે, લોકો પાર્કિંગની વ્યવસ્થાના અભાવે મનપડે ત્યાં પાર્કિંગ કરીને જતા રહે છે.જેથી પાર્કિંગ માટે ખાસ પાર્કિંગ પ્લોટની વ્યવસ્થાઓ કરાઈ છે. 
એક વર્ષ અગાઉ નવી પાર્કિંગ પોલીસી અમલમાં લાવવામાં આવી હતી
એક વર્ષ અગાઉ અમદાવાદ મ્યુનિસિપલ કોર્પોરેશન દ્વારા નવી પાર્કિંગ પોલીસી અમલમાં લાવવામાં આવી હતી. જેમાં અમદાવાદમાં બહારગામથી વાહન લઈ આવતા લોકોને હવે પબ્લિક ટ્રાન્સપોર્ટ નજીક જ પાર્કિંગ અને રાઈડની સુવિધા આપવામાં આવશે. જેમાં નજીકના પાર્કિંગ સ્થળો પર વાહન પાર્ક કરી ચાલક અમદાવાદ મનપાએ ઊભી કરેલી સુવિધા મુજબ જાહેર પરિવહનમાં શહેરની અંદર મુસાફરી કરી શકશે. આવા પાર્ક એન્ડ રાઈડની જગ્યાએ ઈ બાઈક, સાઇકલ, સટલ સર્વિસ, તેમજ અન્ય સુવિધા ઊભી કરી મુસાફરી આસાન બનાવવામાં આવશે જેથી શહેરમાં પ્રાઈવેટ વાહન રસ્તા પર ઓછા દેખાવા મળશે.