નવુ ટીઝર / વધુ એક ફિલ્મની સાથે ધમાલ મચાવશે રણબીર કપૂર, 'બહ્માસ્ત્ર' બાદ બનશે 'શમશેરા'

• વધુ એક ફિલ્મની સાથે ધૂમ મચાવશે રણબીર કપૂર
• રણબીર કપૂર અભિનીત શમશેરા ફિલ્મનું નવુ ટીઝર સામે આવ્યું
• આ ફિલ્મની રિલીઝ ડેટ પણ જાહેર કરવામાં આવી

રણબીરની શમશેરા

હવે રણબીરના ચાહકોને તેનુ વધુ એક રૂપ જોવા મળશે અને તે છે ડાકુનુ. રણબીર કપૂર અભિનીત શમશેરા ફિલ્મનું નવુ ટીઝર સામે આવ્યું છે. આ સાથે આ ફિલ્મની રિલીઝ ડેટ પણ જાહેર કરવામાં આવી છે. પ્રશંસકો રણબીરની ફિલ્મ શમશેરાની આતુરતાપૂર્વક રાહ જોઇ રહ્યાં છે. ફિલ્મના ટીઝરમાં સૌથી પહેલા સંજય દત્ત બતાવવામાં આવે છે, જે શમશેરાનો પરિચય આપે છે. તો વાણી કપૂર પણ આ ટીઝરમાં દેખાય છે અને શમશેરા અંગે બોલે છે. ત્યારબાદ પણ રણબીર કપૂર અંધારામાં બેઠેલા દેખાય છે અને શમશેરા અંગે દર્શકો સાથે વાતચીત કરે છે. 

સંજય દત્ત અને વાણી કપૂર પણ ફિલ્મમાં

સંજય દત્ત ફિલ્મ શમશેરા અંગે કહે છે, 'આ કહાની છે તેની, જે કહેતા હતા કે ગુલામી કોઈની પણ સારી હોતી નથી. ન પોતાના લોકોની અને ન પારકાની. ત્યારબાદ વાણી કપૂર કહે છે, આ કહાની છે એની જેને બાપની વિરાસતમાં આઝાદીનુ સપનુ મળ્યું. ત્યારબાદ રણબીર કપૂર કહે છે, પરંતુ આઝાદી તમને કોઈ આપતુ નથી. આઝાદી છીનવીને લેવામાં આવે છે. કર્મ થી ડકૈત, ધર્મથી આઝાદ.'

22 જુલાઈએ રિલીઝ થશે ફિલ્મ

રણબીર કપૂર, સંજય દત્ત અને વાણી કપૂર અભિનીત આ ફિલ્મ 22 જુલાઈએ રિલીઝ થશે. ફિલ્મને 3 ભાષાઓમાં રિલીઝ કરવામાં આવશે. હિન્દી, તામિલ અને તેલુગૂ. આ ફિલ્મ તમે ટૂંક સમયમાં સિનેમાઘરમાં જોઈ શકશો.