જસદણમાં અકસ્માત / VIDEO : એકદમ જોરથી દોડી આવીને આખલાએ બાઈક સવારને ઉલાળ્યો, કાળજું કંપાવતા CCTV સામે આવ્યાં

રાજકોટ જિલ્લાના જસદણ શહેરમાં ચિતલીયા રોડ પર આજે અકસ્માતની ઘટના સામે આવી છે. રસ્તા પર અચાનક આવેલા પશુએ બાઈક ચાલકને અડફેટે લેતાં તે રોડ પર પટકાયો હતો. અકસ્માત બાદ આસપાસના લોકો તાત્કાલિક ઘટનાસ્થળે દોડી આવ્યા અને ઇજાગ્રસ્તને સારવાર માટે નજીકની હોસ્પિટલમાં ખસેડવાની વ્યવસ્થા કરી હતી.

બાઈક ચાલકેને ગંભીર ઈજા પહોંચી

પ્રાથમિક માહિતી મુજબ બાઈક ચાલકને હાથ-પગ સહિત શરીરના વિવિધ ભાગોમાં ઇજા પહોંચી હોવાનું જાણવા મળ્યું છે. ઘટનાને કારણે થોડા સમય માટે રોડ પર ટ્રાફિક પણ પ્રભાવિત થયો હતો. સ્થાનિક લોકો દ્વારા રસ્તા પર રખડતા પશુઓની સમસ્યા અંગે ફરી એકવાર ચિંતા વ્યક્ત કરવામાં આવી છે. અકસ્માત અંગે વધુ તપાસ હાથ ધરવામાં આવી રહી છે.

ઘટના CCTVમાં કેમેરામાં કેદ

આ કાળજું કંપાવતી ઘટના CCTVમાં કેમેરામાં કેદ થઈ હતી જેમાં પશુ અચાનક રોડ પર આવતું અને બાઈક ચાલકને અડફેટે લેતું જોઈ શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ