ક્રાઈમ / 'શહેરમાં ક્યાં ક્યાં ડ્રગ્સ મળે છે તેની મને ખબર છે' વડોદરાની તમન્ના સૈયદનો વીડિયો વાયરલ

વડોદરાની મુસ્લિમ યુવતી તમન્ના સૈયદનો એક વીડિયો વાયરલ થયો છે જેમાં તે એવું કહેતી જોવા મળી રહી છે શહેરમાં ક્યાં ક્યાં ડ્રગ્સ મળે છે તેની તેને ખબર છે. વાયરલ વીડિયોમાં યુવતી એવું કહેતી જોવા મળી રહી છે કે મને વિગતો મોકલનાર વ્યક્તિનું કહેવું હતું કે, જો કોઈને રંગેહાથ પકડવો હોય તો રૂ. 100 આપીને મોકલવાથી ટેબ્લેટ વેચવાવાળો પકડાઈ જાય, રૂ. 200 આપીને મોકલવાથી ચરસ-ગાંજાવાળો પકડાઈ જાય અને રૂ. 250 આપીને મોકલવાથી એમ.ડી. ડ્રગ્સ વેચવાવાળો વ્યક્તિ સ્થળ પર જ રંગેહાથ ઝડપાઈ શકે છે.

કયા વિસ્તારમાં ડ્રગ્સ વેચાતા હોવાનો દાવો

યુવતીનો દાવો છે કે વડોદરાના ફતેગંજ, નિઝામપુરા, નવાયાર્ડ, રામવાડી ખુલ્લેઆમ ડ્રગ્સ વેચાઈ રહ્યાં છે. યુવતીએ પોતાની પાસે માહિતી આવે છે તો પોલીસ પાસે નહીં આવતી હોય? તેવો સવાલ પણ ઉઠાવ્યો

પોલીસની ઊંઘ ઉડી

વાયરલ વીડિયો બાદ પોલીસની પણ ઊંઘ ઉડી છે. પોલીસે આ કેસમાં તપાસ શરુ કરી હોવાનું જણાવાઈ રહ્યું છે.

વધુ વાંચો : એલર્ટ! ગુજરાતમાં ફેલાઈ રહી છે આ બીમારી, કેન્દ્ર સરકારે તાબડતોબ લીધું મોટું એક્શન, સાચવજો બધા

ગુજરાતમાં 13,600 કરોડનું ડ્રગ્સ ઝડપાયું

નશાના નાશના દાવા વચ્ચે ગુજરાત ડ્રગ્સનું હબ બની રહ્યું છે. છેલ્લા 5 વર્ષમાં રાજ્યમાં 13,600 કરોડનું ડ્રગ્સ ઝડપાયું છે. 5346 આરોપીઓની ધરપકડ કરવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ