શૈક્ષણિક / અમદાવાદમાં રવિવારે પણ સ્કૂલો ચાલુ રહેશે! DEOએ બહાર પાડ્યો આદેશ, જાણો કેમ લેવાયો નિર્ણય

અમદાવાદની સ્કૂલો રવિવારે ચાલુ રહી શકે છે. હકીકતમાં ભારે વરસાદને કારણે શાળાઓમાં જાહેર થયેલી રજાઓના કારણે રવિવારે શાળા શરૂ રાખી શકશે. સંચાલકોને કહેવાયું છે કે તેઓ રવિવારે પણ સ્કૂલો ચાલુ રાખી શકે છે. જિલ્લા શિક્ષણ અધિકારીએ શાળાઓને આ મુજબનો પરિપત્ર બહાર પાડ્યો છે.

અભ્યાસમાં પડેલી ખોટની ભરપાઈ કરવા નિર્ણય

વરસાદને કારણે બંધ રહેલી સ્કૂલોમાં વિદ્યાર્થીઓને અભ્યાસમાં પડેલી ખોટની ભરપાઈ કરવા સંચાલકો રવિવારે સ્વૈચ્છિક રીતે શાળાઓ ચાલુ રાખી શકશે અને અભ્યાક્રમ પૂર્ણ કરી શકશે

જિલ્લા શિક્ષણ અધિકારીના આદેશ પ્રમાણે, અમદાવાદ શહેરની તમામ સરકારી, ગ્રાન્ટેડ અને સ્વનિર્ભર શાળાઓના સંચાલકો જરૂર જણાય તો સ્થાનિક પરિસ્થિતિને ધ્યાનમાં રાખીને સ્વૈચ્છિક ધોરણે રવિવારે પણ શાળા ચાલુ રાખી શકશે. આ સમય દરમિયાન અભ્યાસક્રમ પૂર્ણ કરવો, પુનરાવર્તન કરાવવું અને મૂલ્યાંકન જેવી શૈક્ષણિક પ્રવૃત્તિઓનું આયોજન કરી શકાશે.

રવિવારે સ્કૂલોએ આવવું મરજિયાત

જોકે, આ માટે શાળાઓએ વિદ્યાર્થીઓની સલામતી અને હવામાનની સ્થિતિને પ્રાથમિકતા આપવાની રહેશે. સાથોસાથ, વાલીઓને આ અંગે અગાઉથી જાણ કરવાની રહેશે અને શિક્ષકોની ઉપલબ્ધતાને ધ્યાનમાં રાખીને જ આયોજન કરવાનું રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ