Rajasthan Exit Poll 2023 / રાજસ્થાનમાં પરંપરા જળવાશે કે સત્તાનું થશે પુનરાવર્તન: જાણો શું કહી રહ્યા છે એક્ઝિટ પોલના અનુમાન

Published By: Pravin Joshi

Last Updated: 08:20 PM, 2 December 2023

FOLLOW ON

શેર કરો

Rajasthan Exit Poll : રાજસ્થાનમાં કોની સરકાર બનશે તે 3જી ડિસેમ્બરે મતગણતરી પછી જ સ્પષ્ટ થશે, પરંતુ એક્ઝિટ પોલના ડેટા પરથી ચોક્કસ સંકેત મળી શકે છે. રાજસ્થાનમાં 25 નવેમ્બરે મતદાન થયું હતું.

રાજસ્થાનમાં 25 નવેમ્બરે 199 બેઠકો પર મતદાન થયું હતું
રાજસ્થાનમાં લગભગ 75 ટકા મતદાન થયું હતું
રાજસ્થાનમાં 3 એક્ઝિટ પોલે ભાજપને આપ્યા સારા સમાચાર

રાજસ્થાનમાં કોની સરકાર બનશે તે 3જી ડિસેમ્બરે મતગણતરી પછી જ સ્પષ્ટ થશે, પરંતુ એક્ઝિટ પોલના ડેટા પરથી ચોક્કસ સંકેત મળી શકે છે. રાજસ્થાનમાં 25 નવેમ્બરે 199 બેઠકો પર મતદાન થયું હતું. અશોક ગેહલોતના નેતૃત્વમાં કોંગ્રેસ પાર્ટીએ ત્રણ દાયકા જૂની પરંપરા તોડીને સતત બીજી વખત સરકાર બનાવવાનો પૂરેપૂરો પ્રયાસ કર્યો હતો, તો બીજી તરફ વિપક્ષમાં બેઠેલી ભાજપને વિશ્વાસ છે કે આ વખતે જનતા તેને તક આપશે. રાજસ્થાનમાં લગભગ 75 ટકા મતદાન થયું હતું. પોકરણ વિધાનસભા ક્ષેત્રમાં સૌથી વધુ 87.79 ટકા મતદાન થયું હતું. તિજારા 85.15 ટકા મતદાન સાથે બીજા ક્રમે છે. મારવાડ જંકશન વિધાનસભા ક્ષેત્રમાં સૌથી ઓછું 61.10 ટકા મતદાન નોંધાયું હતું.

હવે રિવાજ બદલાશે કે રાજ? અંતે 44 દિવસ બાદ રાજસ્થાનમાં પ્રચાર પડઘમ શાંત, આ ફેક્ટર નક્કી કરશે નવી સરકારનું ભાવિ | Finally after 44 days of campaigning calm in Rajasthan ...

રાજસ્થાનમાં મુખ્યત્વે કોંગ્રેસ અને ભાજપ વચ્ચે મુકાબલો

રાજસ્થાનમાં મુખ્યત્વે કોંગ્રેસ અને ભાજપ વચ્ચે મુકાબલો છે. જોકે, બહુજન સમાજ પાર્ટી, આમ આદમી પાર્ટી, રાષ્ટ્રીય લોકતાંત્રિક પાર્ટી, આઝાદ સમાજ પાર્ટી (કાંશીરામ), માર્ક્સવાદી કમ્યુનિસ્ટ પાર્ટી (CPI-M), ભારત આદિવાસી પાર્ટી, જનનાયક જનતા પાર્ટી, ભારતીય ટ્રાઇબલ પાર્ટી જેવા પક્ષોએ પણ હરીફાઈ કરવાનો પ્રયાસ કર્યો હતો.

એક્ઝિટ પોલ	BJP	CONGRESS	OTH
પોલસ્ટ્રેટ	100-110	90-100	00
જન કી બાત	100-122	62-85	14-15
ન્યૂઝ18	111	74	14
ટાઈમ્સ નાઉ	108-128	56-72	13-21
ઈન્ડિયા ટુડે	80-100	86-106

Topic | VTV Gujarati

પોલસ્ટ્રેટના એક્ઝિટ પોલ

પોલસ્ટ્રેટના એક્ઝિટ પોલમાં પણ રાજસ્થાનમાં ભાજપને લીડ મળી રહી છે. ભાજપને 100 થી 110 બેઠકો મળવાની ધારણા છે. કહેવાય છે કે કોંગ્રેસને 90થી 100 બેઠકો મળશે.

જન કી બાત' એક્ઝિટ પોલ

'જન કી બાત' એક્ઝિટ પોલમાં રાજસ્થાનમાં ભાજપ સરકારની આગાહી કરવામાં આવી છે. ભાજપને 100-122 બેઠકો મળવાની આશા છે. એક્ઝિટ પોલમાં કોંગ્રેસને 62થી 85 સીટો આપવામાં આવી છે. અન્યને 14-15 બેઠકો મળવાનું અનુમાન છે.

ન્યૂઝ18ના એક્ઝિટ પોલ

ન્યૂઝ18ના એક્ઝિટ પોલમાં ભાજપને રાજસ્થાનમાં 111 બેઠકો મળવાની આગાહી કરવામાં આવી છે. કોંગ્રેસને 74 અને અન્યને 14 બેઠકો મળવાનું કહેવાય છે.

ટાઈમ્સ નાઉના એક્ઝિટ પોલ

ટાઈમ્સ નાઉના એક્ઝિટ પોલમાં ભાજપને 108થી 128 બેઠક મળવાનું અનુમાન છે. જ્યારે કોંગ્રેસને 56થી 72 બેઠક મળવાનું અનુમાન. જ્યારે 13-21 બેઠકનું અનુમાન અન્યને મળી શકે છે.

ઈન્ડિયા ટુડે એક્ઝિટ પોલ્સ

ઈન્ડિયા ટુડેના એક્ઝિટ પોલ્સ, એક્સિસ માય ઈન્ડિયાએ રાજસ્થાનમાં નજીકની હરીફાઈની આગાહી કરી છે. ભાજપને 80-100 અને કોંગ્રેસને 86-106 બેઠકો મળવાનું અનુમાન છે.

એબીપી ન્યૂઝ-સીવોટર એક્ઝિટ પોલ્સ

એબીપી ન્યૂઝ-સીવોટરના એક્ઝિટ પોલમાં અંદાજ છે કે રાજસ્થાનમાં ભાજપને સંપૂર્ણ બહુમતી મળી શકે છે. ભાજપને 94થી 114 બેઠકો મળવાનું કહેવાય છે. કોંગ્રેસને 71-91 બેઠકો મળવાનું અનુમાન છે. અન્યને 9-19 બેઠકો મળી શકે છે.

ઇન્ડિયા ટીવી એક્ઝિટ પોલ્સ

ઈન્ડિયા ટીવી-સીએનએક્સના સર્વે અનુસાર રાજસ્થાનમાં કોંગ્રેસને આગળ છે. કોંગ્રેસને 94-104 બેઠકો મળવાનું અનુમાન છે. કહેવાય છે કે ભાજપને 80-90 બેઠકો મળશે. અન્યને 14-18 બેઠકો મળી શકે છે.

સંકળાયેલા મુદ્દાઓ

BJP ExitPoll2023 Rajasthan RajasthanExitPoll congress exitpolls Rajasthan Exit Poll 2023