તમારા કામનું / PPF vs NPS: જાણો નિવૃત્તિ માટે બંનેમાંથી કઈ સ્કીમ સૌથી વધારે બેસ્ટ? જાણો વિગત

જો તમે હજુ સુધી તમારા રિટાયરમેન્ટ માટેની તૈયારી શરૂ નથી કરી તો આજે જ કરી લો. કેમ કે નોકરી કરતાં કરતાં જો ભવિષ્ય માટે રોકાણ કરવાનું શરૂ કરી દેશો તો મોજ-મસ્તીમાં તમે વૃદ્ધાવસ્થાનો આનંદ માણી શકશો. એટલા માટે હંમેશા નોકરીના પહેલા દિવસથી જ રોકાણ શરૂ કરવાની સલાહ આપવામાં આવે છે.

રિટાયરમેન્ટ પછી ઘણીવાર નાણાકીય પડકારો વધી જાય છે એટલા માટે તમે તમારી નિવૃત્તિનું સારી રીતે આયોજન કરો તે ખૂબ જ જરૂરી છે. રિટાયરમેન્ટ માટે નાણાં બચાવવા માટે સરકાર દ્વારા કર્મચારી ભવિષ્ય નિધિ (PF)ને અને નેશનલ સિસ્ટમ પ્લાન રજૂ કરવામાં આવ્યો હતો. એવામાં ચાલો જાણીએ કે પીએફ અને નેશનલ પેન્શન સિસ્ટમ વચ્ચે તમારા માટે કયો વિકલ્પ વધુ સારો હોઈ શકે છે?

તમે એવા કિસ્સાઓ વિશે પણ સાંભળ્યું હશે જ્યાં કંપની તેના કર્મચારીઓના પીએફના પૈસા જમા કરાવતી નથી અને તેના કારણે તેમને સંઘર્ષ કરવો પડે છે. આ ઉપરાંત વ્યક્તિનું પીએફ એકાઉન્ટ બંધ કરવા માટે ઘણી મુશ્કેલીઓનો સામનો કરવો પડે છે. નેશનલ પેન્શન સિસ્ટમમાં આવી કોઈ સમસ્યા નથી. તમે તમારી ઈચ્છા મુજબ આ સ્કીમમાં રોકાણ કરી શકો છો અને કોઈપણ મધ્યસ્થી અથવા સંસ્થાની ગેરહાજરીને કારણે, તમે તમારા રોકાણ પર સંપૂર્ણ નિયંત્રણ ધરાવો છો.

પીએફની તુલનામાં તમને નેશનલ પેન્શન સિસ્ટમમાં વધુ સારું વળતર મળે છે. પીએફ ખાતામાં જમા નાણાં પરનું વળતર તેના પર નિર્ભર કરે છે કે સરકાર ફંડ પર કેટલું વળતર આપવા માંગે છે. બીજી તરફ, નેશનલ પેન્શન સિસ્ટમ એક મ્યુચ્યુઅલ ફંડ જેવી છે જે બજાર સાથે જોડાયેલ છે અને મેનેજરો સમયાંતરે તમારા રોકાણો વિશે ખુલાસો કરતા રહે છે, જેના કારણે તે વધુ પારદર્શક છે. 

વધુ વાંચો: માત્ર 11 મહિનાનું જ કેમ બને છે રેન્ટ એગ્રીમેન્ટ? શું તમે જાણો છો! આ છે તેની પાછળનું તર્ક

આટલું જ નહીં, તમારે પીએફ ખાતામાં દર મહિને એક નિશ્ચિત રકમ જમા કરાવવી પડશે. બીજી બાજુ, તમે નેશનલ પેન્શન સિસ્ટમ એકાઉન્ટમાં ₹ 500 થી રોકાણ કરવાનું શરૂ કરી શકો છો અને તમારું એકાઉન્ટ સક્રિય રાખવા માટે, તમારે દર વર્ષે માત્ર ₹ 1000 જમા કરાવવા પડશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો