દુઃખદ / ફિલ્મ જગતમાં શોકની લહેર: સાઉથની ફિલ્મોના ફેમસ એક્ટર-કોમેડિયનનું 82 વર્ષની વયે નિધન, હૈદરાબાદમાં લીધા અંતિમ શ્વાસ

• સાઉથ ઇન્ડસ્ટ્રી માંથી દુખદ સમાચાર સામે આવ્યા છે
• તેલુગુ સિનેમાના જાણીતા અભિનેતા ચંદ્ર મોહનનું નિધન 
• અભિનેતાએ આજે ​​સવારે અંતિમ શ્વાસ લીધા હતા

સાઉથ ઇન્ડસ્ટ્રી માંથી દુખદ સમાચાર સામે આવ્યા છે. તેલુગુ સિનેમાના જાણીતા અભિનેતા ચંદ્ર મોહનનું નિધન થયું છે. 82 વર્ષના પીઢ અભિનેતાએ આજે દુનિયાને અલવિદા કહ્યું છે. એવું કહેવામાં આવી રહ્યું છે કે અભિનેતાને હૃદય સંબંધિત બિમારીઓને કારણે હોસ્પિટલમાં દાખલ કરવામાં આવ્યા હતા, ત્યારબાદ તેમને હાર્ટ એટેક આવ્યો હતો. જ્યારથી આ સમાચાર સામે આવ્યા છે ત્યારથી ઇન્ડસ્ટ્રી સાથે જોડાયેલ સ્ટાર્સ અને ફેન્સ તેમને શ્રદ્ધાંજલિ આપી રહ્યા છે.

Deeply saddened by the news of Chandra Mohan garu's passing. Sending thoughts of comfort and strength to his near and dear ones during this difficult time. May his soul rest peacefully. pic.twitter.com/H3Xg3NFDWn

— Venkatesh Daggubati (@VenkyMama) November 11, 2023

અભિનેતાએ આજે ​​સવારે અંતિમ શ્વાસ લીધા હતા
અહેવાલો અનુસાર, અભિનેતા ચંદ્ર હૈદરાબાદની એપોલો હોસ્પિટલમાં હૃદય સંબંધિત બિમારીની સારવાર લઈ રહ્યા હતા. દરમિયાન આજે (11 નવેમ્બર) તેમને હાર્ટ એટેક આવ્યો અને સવારે 9:45 વાગ્યે તેમણે અંતિમ શ્વાસ લીધા હતા. કહેવામાં આવી રહ્યું છે કે અભિનેતાની અંતિમ વિદાય અને અંતિમ સંસ્કાર સોમવારે હૈદરાબાદમાં થશે. 

સ્ટાર્સે પોસ્ટ શેર કરીને દુઃખ વ્યક્ત કર્યું
જુનિયર એનટીઆરએ ટ્વિટર પર ટ્વીટ કરીને અભિનેતાના નિધન પર શોક વ્યક્ત કર્યો છે અને તેમના પરિવાર પ્રત્યે સંવેદના વ્યક્ત કરી છે. અભિનેતાએ લખ્યું, 'કેટલાક દાયકાઓ સુધી ફિલ્મોમાં અલગ-અલગ ભૂમિકા ભજવીને પોતાની ઓળખ બનાવનાર ચંદ્ર મોહન ગરુનું નિધન અત્યંત દુઃખદ છે. તેમના પરિવાર પ્રત્યે મારી ઊંડી સંવેદના. તેમના આત્માને શાંતિ મળે.' આ સિવાય દિગ્દર્શક મારુતિ, અભિનેતા સાંઈ ધરમ તેજ અને નિર્માતા શ્રીનિવાસ કુમારે પણ ચંદ્રાને શ્રદ્ધાંજલિ આપી છે.

Saddened by the demise of Veteran Telugu actor Chandra Mohan garu. He will be remembered for his versatile acting performances. Praying for sadgati to departed soul and strength to his family and well wishers.
Om shanti🙏 pic.twitter.com/QoM5QUWwsS

— P Muralidhar Rao (@PMuralidharRao) November 11, 2023

આવી રહી ફિલ્મી સફર  
ચંદ્રનો જન્મ 23 મે, 1941ના રોજ થયો હતો. તેણે પોતાના કરિયરની શરૂઆત 1966માં આવેલી ફિલ્મ 'રંગુલા રત્નમ'થી કરી હતી. જે બાદ એમને ઘણી ફિલ્મોમાં કામ કર્યું હતું. અભિનેતાએ તેની કારકિર્દીમાં લગભગ એક હજાર ફિલ્મોમાં કામ કર્યું છે, જેમાંથી તેણે 1975માં મુખ્ય ભૂમિકા ભજવી હતી. અભિનેતા કોમેડી તેમજ ગંભીર પાત્રો ભજવવા માટે જાણીતા હતા.

REST IN PEACE CHANDRA MOHAN GARU … YOU WILL ALWAYS BE REMEMBERED 🙏🏼 pic.twitter.com/Un5LkSSAOo

— Allu Arjun (@alluarjun) November 11, 2023

ચંદ્રએ અનેક ઉત્તમ પાત્રો ભજવીને ઈન્ડસ્ટ્રીમાં પોતાની અલગ ઓળખ બનાવી હતી. તેમની શાનદાર અભિનય માટે તેમને 2 નંદી પુરસ્કારો સાથે ફિલ્મફેર પુરસ્કારથી નવાજવામાં આવ્યા છે.