BIG BREAKING / PM મોદીએ તાબડતોબ બોલાવી મીટિંગ, ઓડિશા રેલ અકસ્માત મામલે વર્તમાન પરિસ્થિતિની કરશે સમીક્ષા

• ઓડિશા ટ્રેન અકસ્માતને લઈ PM મોદી એક્શન મોડમાં  
• અત્યાર સુધીના બચાવ કાર્ય વિશે જાણવા માટે મીટિંગ બોલાવી 
• ઓડિશા રેલ અકસ્માત મામલે વર્તમાન પરિસ્થિતિની કરશે સમીક્ષા 

ઓડિશાના બાલાસોરમાં શુક્રવારે સાંજે થયેલા અકસ્માતમાં હવે PM મોદી એક્શન મોડમાં આવ્યા છે. વાત જાણે એમ છે કે, PM મોદીએ અત્યાર સુધીના બચાવ કાર્ય વિશે જાણવા માટે એક મીટિંગ બોલાવી છે. સમાચાર લખાય છે ત્યાં સુધી આ ઘટનામાં 288 લોકોના મોત થયા છે અને 900 થી વધુ લોકો ઘાયલ હોવાનું કહેવાય છે. 

ઓડિશામાં થયેલ રેલ અકસ્માત મામલે PM મોદીએ બોલાવી બેઠક | VTV Gujarati#PMNarendraModi #Odisha #train #accident #TrainAccident #trending pic.twitter.com/UP7dlqxsMG

— VTV Gujarati News and Beyond (@VtvGujarati) June 3, 2023

બાલાસોર ટ્રેન દુર્ઘટનાને લઈ NDRF, ભારતીય સેના, ભારતીય વાયુસેના, સ્ટેટ ડિઝાસ્ટર રિલીફ ફોર્સ, આર્મી મેડિકલ કોર્પ્સ અકસ્માત સ્થળે બચાવ અને રાહત કામગીરી કરી રહ્યા છે. કેન્દ્રીય રેલ્વે મંત્રી અશ્વિની વૈષ્ણવ અને રાજ્યના સીએમ નવીન પટનાયકે શનિવારે (3 જૂન) સવારે ઘટનાસ્થળની મુલાકાત લીધી છે, રેલ્વે મંત્રીએ આ ઘટનાની ઉચ્ચ સ્તરીય સ્વતંત્ર તપાસના આદેશ આપ્યા છે.

PM Modi convenes meeting to review Odisha triple train accident

Read @ANI Story | https://t.co/dO7IcnNS9M#PMNarendraModi #OdishaTrainAccident #Odisha pic.twitter.com/n7UKKzrRWn

— ANI Digital (@ani_digital) June 3, 2023

બચાવ કામગીરી આજે સાંજ સુધીમાં પૂર્ણ થઈ જશે: NDRF
મહત્વનું છે કે, NDRFના ડીજી અતુલ કરવલે જણાવ્યું છે કે, NDRFની 9 ટીમો અકસ્માત સ્થળ પર તૈનાત છે. અમારી પ્રથમ ટીમ ઘટનાના પોણા કલાકમાં જ ત્યાં પહોંચી ગઈ હતી. 300 થી વધુ લોકો બચાવ કાર્યમાં રોકાયેલા છે અને અમે આજે સાંજ સુધીમાં ત્યાં કામગીરી પૂર્ણ કરી શકીશું.

રક્તદાન માટે લાંબી લાઈનો 
બાલાસોર ટ્રેન દુર્ઘટનામાં ઘાયલોની મદદ માટે રક્તદાન કરી રહ્યા છે , લોકો રક્તદાન કરવા માટે જિલ્લા હોસ્પિટલમાં પહોંચી રહ્યા છે. રક્તદાન કરવા આવેલા એક વ્યક્તિએ કહ્યું, લોકોની હાલત ખૂબ જ નાજુક છે, ઘણા એવા લોકો છે જેમના પગ અને હાથ નથી. મેં રક્તદાન કર્યું જેથી કોઈનો જીવ બચી શકે અને તેઓ પોતાના ઘરે જઈ શકે.

એક પ્રશ્નના જવાબમાં કેન્દ્રીય રેલ્વે રાજ્ય મંત્રી રાવસાહેબ પાટીલ દાનવેએ કહ્યું કે, અમારી પ્રથમ પ્રાથમિકતા ઘાયલોને હોસ્પિટલમાં દાખલ કરવાની છે. અકસ્માત માનવ ભૂલ કે ટેકનિકલ કારણોસર થયો છે તે નક્કી કરવા માટે ઉચ્ચ સ્તરીય તપાસ સમિતિની રચના કરવામાં આવી છે.