નવસારી / મોદી જે કહે છે તે કરે છે, નવસારી પણ બનશે ઔધોગિક હબ: PM મોદીના સંબોધનની મોટી વાતો

પ્રધાનમંત્રી નરેન્દ્ર મોદી આજે ગુજરાતના પ્રવાસે છે. તેઓ આજે ગુજરાતીઓ માટે હજારો કરોડ રૂપિયાના વિકાસકાર્યોની ભેટ આપી રહ્યાં છે. ત્યારે તેમણે નવસારી ખાતેથી રૂપિયા 44 હજાર કરોડથી વધુના વિવિધ વિકાસકાર્યોના લોકાર્પણ અને ખાતમુહૂર્ત કર્યા હતા. આ દરમિયાન તેમણે મોદી સરકારના વિકાસ કાર્યોની પણ વાત રજૂ કરી હતી. 

'મોદી જે કહે છે કે તે કરી બતાવે છે'
PM મોદીએ નવસારીમાં વિકાસ કાર્યોની ભેટ આપતા સૌ ઉપસ્થિત લોકોને પોતાની મોબાઈલની ફ્લેશ લાઈટ ચાલુ કરી વિકાસ ઉત્સવમાં સહભાગી થવાના આહ્વાન કરતા જણાવ્યું હતું કે, 44 હજાર કરોડ રૂપિયાની પરિયોજના માટે તમામ લોકોને અભિનંદન. તેમણે કહ્યું કે, આજકાલ એક ચર્ચા ખૂબ મહત્વની થઈ રહી છે, જે ચર્ચા ગળી મહોલ્લામાં પણ થઈ રહી છે. જે ચર્ચા છે મોદીની ગેરેન્ટીની. બાળકો પણ કહે છે કે, મોદી જે કહે છે કે તે કરી બતાવે છે.

વાંચવા જેવું: અમદાવાદના પેલેડિયમ મોલની 800 દુકાનોને AMCની નોટિસ, જાણો શું છે કારણ

'ગુજરાતના લોકો તો પહેલાથી જ જાણે છે'
પ્રધાનમંત્રી મોદીએ કહ્યું કે, ગુજરાતના લોકો તો પહેલાથી જ જાણે છે કે, મોદીની ગેરેન્ટી એટલે ગેરેન્ટી પૂરી થવાની ગેરેન્ટી.  તેમને યાદ હશે કે, હું ગુજરાત હતો ત્યારે પાંચ એફની વાત કરતો હતો. જેનો મતલબ હતો કે ફાર્મ, ફાર્મ ટુ ફાઈબર, ફાઈબર ટુ ફેક્ટરી, ફેક્ટરી ટુ ફેશન, ફેશન ટુ ફોરન. ખેડૂતોએ ઉગાડેલા કપાસના ઉદાહરણ આપી પાંચ એફ વિશે સમજ આપી હતી.  PM મિત્ર પાર્ક પણ આનો એક ભાગ છે. તેમણે કહ્યું કે, નવસારીમાં આજે PM મિત્ર પાર્કનું કામ શરૂ થઈ રહ્યો છે. તે ટેક્સટાઈલ માર્કેટ માટે દેશનો એવો પહેલો પાર્ક છે. જેનાથી કપડા ઉદ્યોગનો વિકાસ થશે.
 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો