કાયમ આવું જ રહેવું જોઈએ / સંસદમાં સુખદ દ્રશ્ય, PM મોદી બેઠક પર જઈને સોનિયા ગાંધીને મળ્યાં, બન્ને વચ્ચે શું વાત થઈ?

• સંસદના ચોમાસા સત્રનો પ્રારંભ
• પીએમ મોદી સંસદમાં સોનિયા ગાંધીને મળ્યાં 
• સોનિયા ગાંધીના હાલચાલ જાણ્યા 
• સોનિયાએ પીએમને મણિપુર હિંસા મામલે ચર્ચાનો કર્યો આગ્રહ 

સંસદનું ચોમાસું સત્ર શરુ થઈ ગયું છે. સરકારને આશા છે કે આ વખતે સારુ કામ થશે અને મહત્વના બીલો પાસ થઈ શકશે. જોકે વિપક્ષે પણ અનેક મુદ્દે બાંયો ચઢાવી હોવાથી આ સત્ર પણ તોફાની બની રહેવાની સંભાવના છે. આ દરમિયાન પીએમ મોદીએ એક સંસદમાં એક શુભ કામ કર્યું હતું.  

Prime Minister Narendra Modi has a brief chat with Congress Parliamentary Party leader Sonia Gandhi in the Lok Sabha.

— Press Trust of India (@PTI_News) July 20, 2023

સંસદમાં સોનિયા-મોદી વચ્ચે શું વાત થઈ
સંસદના ચોમાસુ સત્રના પ્રથમ દિવસે વડાપ્રધાન મોદીએ ગુરૂવારે કોંગ્રેસ અધ્યક્ષ સોનિયા ગાંધી સાથે મુલાકાત કરી હતી. વડાપ્રધાન મોદી સોનિયા ગાંધીને મળવા માટે તેમની બેઠક સુધી ગયા હતા અને તેમના ખબર-અંતર પૂછ્યાં હતા. પીએમ મોદી ગૃહમાં દાખલ થયા જે પછી તરત તેઓ સોનિયાને મળ્યાં હતા. બન્ને વચ્ચે થોડો સમય વાત પણ થઈ હતી. પીએમ મોદી અને સોનિયા ગાંધી વચ્ચે શું થયું તે અંગે અટકળો લગાવવામાં આવી રહી હતી. પરંતુ હવે કોંગ્રેસના સાંસદ અધીર રંજન ચૌધરીએ બંને નેતાઓ વચ્ચે શું થયું તે જણાવ્યું છે. તેમણે કહ્યું કે સોનિયા ગાંધીએ વડા પ્રધાન નરેન્દ્ર મોદીને ગૃહમાં મણિપુરની પરિસ્થિતિ પર ચર્ચા કરવા વિનંતી કરી. આ દરમિયાન પીએમ નરેન્દ્ર મોદીએ તેમની તબિયત વિશે પણ પૂછપરછ કરી હતી.

મણિપુરમાં હિંસાના મુદ્દે ગૃહમાં ચર્ચા થવી જોઈએ-સોનિયાએ પીએમને કહ્યું 
ચૌધરીના જણાવ્યા મુજબ સોનિયા ગાંધીએ મોનસૂન સત્રના પહેલા દિવસે જ લોકસભાની અંદર વડાપ્રધાન મોદી સાથે ટૂંકી વાતચીત દરમિયાન આ માંગ કરી હતી. ગૃહની બેઠકના થોડા સમય પહેલાં જ મોદી ગૃહમાં શાસક પક્ષ અને વિપક્ષના સભ્યોની ગેલેરી તરફ ગયા હતા અને નેતાઓનું અભિવાદન કર્યું હતું. જ્યારે તેઓ વિપક્ષની ગેલેરીમાં પહોંચ્યા ત્યારે તેમણે સોનિયા ગાંધી સાથે ટૂંકી વાતચીત કરી હતી. સામાન્ય રીતે સંસદ સત્રના પ્રથમ દિવસે નેતાઓ એકબીજાને શુભેચ્છા પાઠવતા હોય છે. ચૌધરીએ કહ્યું કે વડાપ્રધાન મોદી સાથેની વાતચીત દરમિયાન સોનિયા ગાંધીએ આગ્રહ કર્યો કે મણિપુરમાં હિંસાના મુદ્દે ગૃહમાં ચર્ચા થવી જોઈએ.

 

 

 

 

View this post on Instagram

 

 

 

 

 

 

 

 

 

 

 

A post shared by Rahul Gandhi (@rahulgandhi)

દીકરીઓના દોષીઓને માફી નહીં-પીએમ 
ઉલ્લેખનીય છે કે સંસદમાં જતા પહેલા બહાર પીએમ મોદીએ મણિપુરમાં મહિલાઓ સાથે હેવાનિયત પર નિવેદન આપતાં દુખ વ્યક્ત કર્યું હતું કે આ ઘટના કોઈ પણ સભ્ય સમાજ માટે શરમજનક છે અને તેનાથી આખા દેશનું અપમાન થયું છે. વડાપ્રધાને દેશવાસીઓને ખાતરી આપી હતી કે, આ કેસમાં દોષિતોને છોડવામાં નહીં આવે અને કાયદા અનુસાર કડક કાર્યવાહી કરાશે. "મણિપુરની દીકરીઓ સાથે જે થયું તેના દોષીઓને ક્યારેય પણ માફ ન કરી શકાય.