- બંગાળ હિંસામાં અત્યાર સુધી 8 લોકોના મોત
- ભાજપ કાર્યકર અભિજિન સરકારની હત્યા
- ઉપદ્રવીઓએ અભિજિતના પાલતૂ ગલુડિયાને પણ મારી નાખ્યું
બંગાળમાં ચૂંટણી પરિણામો બાદ ચાલી રહેલી રાજકીય હિંસાનું તાંડવ મચ્યું છે. રાજ્યપાલ ધનખડેએ જણાવ્યું કે પ્રધાનમંત્રીએ મને ફોન કરીને હિંસા અંગે ચિંતા વ્યક્ત કરી છે. તેમણે કહ્યું કે પ્રધાનમંત્રીએ રાજ્યની કાયદો અને વ્યવસ્થાની ખરાબ થઈ રહેલી સ્થિતિ અંગે ગંભીર ચિંતા અને નારાજગી વ્યક્ત કરી છે. રાજ્યપાલે પણ ચિંતા દર્શાવી છે અને જણાવ્યું હતું કે રાજ્યમાં તોડફોડ, લૂંટ અને હત્યાઓનો દોર ચાલી રહ્યો છે. કાયદો અને વ્યવસ્થાની સ્થિતિ સંભાળવા માટે તાત્કાલિક પગલાં ભરવાની જરુર છે.
ભાજપનો દાવો 6 કાર્યકરની હત્યા
પશ્ચિમ બંગાલમાં વિધાનસભાની ચૂંટણીના પરિણામો આવ્યાં બાદ મોટા પાયે હિંસા વકરી છે. ભાજપ અને ટીએમસીના કાર્યકરોની વચ્ચે થયેલી કથિત હિંસામાં ભાજપે તેના 6 કાર્યકરોની હત્યા થઈ હોવાનો દાવો કર્યો છે.સામે પક્ષે ટીએમસીએ પણ તેના્ 3 કાર્યકરોની હત્યા થઈ હોવાનું જણાવ્યું છે. કેન્દ્રીય ગૃહમંત્રાલયે રાજ્ય સરકાર પાસેથી રિપોર્ટ માંગ્યો છે.ભાજપ નેતા અને વરિષ્ઠ વકીલ ગૌરવ ભાટિયાએ સુપ્રીમ કોર્ટમાં અરજી કરીને બંગાળ હિંસાની સીબીઆઈ તપાસ કરાવવાની માંગ કરી છે.
ભાજપ અધ્યક્ષ જેપી નડ્ડા બંગાળની મુલાકાતે
ભાજપના રાષ્ટ્રીય અધ્યક્ષ જેપી નડ્ડા બે દિવસના બંગાળના પ્રવાસે પહોંચ્યા છે. નડ્ડાએ કથિત હિંસામા માર્યા ગયેલા ભાજપના કાર્યકર અભિજિત સરકારના પરિવારજનો સાથે મુલાકાત કરી હતી અને તેમને ન્યાય અપાવવાની ખાતરી આપી હતી.
બંગાળમાં ભાજપ કાર્યકર અભિજિત સરકારની હત્યા,કુલ આઠની હત્યા થઈ હોવાનો દાવો
સત્તાવાર રીતે બંગાળ હિંસામાં 8 લોકોના મોત થયા છે તેમાં કે ભાજપના કાર્યકર અભિજિત સરકાર પણ સામેલ છે. મોત પહેલા અભિજિત સરકારે બે વાર ફેસબુક પર લાઈવ કર્યું હતું તેમાંના એક વીડિયોમાં અભિજિતે કહ્યું કે તેઓ મારી આંખ સામે બોંબ ફેકી રહ્યાં છે અને મારા ઘર તથા ઓફિસની તોડફોડ કરી રહ્યાં છે.મારી ભૂલ ફક્ત એટલી કે હું ભાજપનો કાર્યકર છું.
મારા ગલુડિયાને પણ મારી નાખ્યું
બીજો વીડિયોમાં અભિજિતે કહ્યું હતું તેમણે મારા ઘરને બર્બાદ કરી નાખ્યું અને તે પણ નારકેલદંગા પોલીસ અધિકારીઓની સામે. તેમણે મારા માસૂમ પપીઝને પણ મારી નાખ્યું. શું તેઓ મનુષ્યો છે. તેઓ મારી પર અત્યાચાર શા માટે કરી રહ્યાં છે. આ વીડિયોમાં હોગકોગ ફેશન નામની એક દુકાનમાંથી યુવાનો કપડા લઈને ભાગતા જોઈ શકાતા હતા. તેમાંના કેટલાક લોકોના ચહેરા પર લીલો રંગ જોવા મળતો હતો અને વીડિયો બનાવી રહેલા વ્યક્તિનો અવાજ પણ સંભળાતો હતો કે આ જ થવું જોઈતું હતું... અમે તો માહોલ બનાવી રહ્યાં હતા.
નંદીગ્રામ ભાજપ ઓફિસમાં તોડફોડ
ભાજપે પત્રકારોની સાથે એક વીડિયો પણ શેર કર્યો છે જેમાં નંદીગ્રામમાં ભાજપની ઓફિસમાં થયેલી તોડફોડમાં દર્શાવાઈ હતી. ભાજપના રાષ્ટ્રીય પ્રવક્તા અનિલ બલુનીએ જણાવ્યું કે ભાજપના એક કાર્યકરની હત્યા થઈ છે, હત્યા પહેલા પાર્ટી કાર્યકરે ફેસબુક પર લાઈવ કર્યું હતું.
