NRI ન્યુઝ / ધો. 12 ક્લિયર કર્યા બાદ છે વિદેશનો પ્લાનિંગ? તો આ 6 Exam તમને ફોરેન યુનિવર્સિટીમાં અપાવશે એન્ટ્રી

• ઘણા ભારતીય વિદ્યાર્થીઓ વિદેશમાં આગળનો અભ્યાસ કરવા માંગે છે.
• સરળ લોનને કારણે વિદેશમાં અભ્યાસ કરવો ખૂબ જ સરળ બની ગયો છે. 
• વિદેશ જવા માંગતા વિદ્યાર્થીઓ કેટલીક પરીક્ષાઓ પાસ કરવી પડે છે. 

અત્યારે વિદેશમાં જઈને ત્યાં વસવાનું ચલણ ઘણું વધી રહ્યું છે, એ સિવાય ઘણા વિદ્યાર્થીઓ વિદેશમાં અભ્યાસ કરવા માંગે છે. હાલની પરિસ્થિતિમાં ગ્લોબલાઈઝેશન, સારી કનેક્ટિવિટી અને સરળ લોનને કારણે વિદેશમાં અભ્યાસ કરવો ખૂબ જ સરળ બની ગયો છે. 

આ સિવાય વિદ્યાર્થીઓ માટે વિઝા નિયમોમાં પણ ઘણી છૂટછાટ છે. વિદ્યાર્થીઓ તેમની ક્ષમતાના આધારે સારી શિષ્યવૃત્તિ મેળવીને વિદેશમાં અભ્યાસ કરવાનું તેનું સપનું પૂરું કરી શકે છે. પરંતુ સવાલ એ છે કે ભારતીય વિદ્યાર્થીઓ વિદેશમાં જઈને અભ્યાસ કેવી રીતે કરી શકે છે? આ માટે વિદેશ જવા ઇચ્છુક વિદ્યાર્થીઓ કેટલીક મહત્વપૂર્ણ પરીક્ષાઓ પાસ કરવી પડે છે. આજે અમે તમને તેના વિશે જણાવવા જઈ રહ્યા છીએ. 

વિદેશમાં ભણાવવા માટે અંગ્રેજી ઘણું મહત્વનું છે. તેથી તમારા માટે અંગ્રેજી ભાષાની પરીક્ષા પાસ કરવી જરૂરી છે. યુનિવર્સિટીઓ GRE, GMAT, SAT, ACT, TOEFL અને IELTS સ્કોર્સ પૂછે છે. જો તમે પણ 12મા પછી કોઈ વિદેશી યુનિવર્સિટીમાં એડમિશન લેવા ઈચ્છતા હોવ તો જાણી લો વિદેશની આવી 6 ટોપ સ્ટડી પરીક્ષાઓ વિશે.

IELTS અને TOEFL પરીક્ષા

IELTS અને TOEFL પરીક્ષાઓ તમને અંગ્રેજી ભાષા માટે સર્ટિફિકેટ લેવામાં મદદ કરશે. વિદેશમાં અભ્યાસની ટિકિટ મેળવવા માટે તમારે અંગ્રેજી ભાષાની આ ટોચની પરીક્ષાઓ પાસ કરવી આવશ્યક છે. અમેરિકા, યુકે, કેનેડા, ઓસ્ટ્રેલિયા સહિત લગભગ 100 દેશોની યુનિવર્સિટીઓ અને કોલેજોમાં પસંદગી માટે TOEFL પરીક્ષા આપવાની હોય છે. ઉપરાંત, ઘણી જગ્યાએ IELTS સ્કોર માન્ય છે. તેમની સત્તાવાર વેબસાઇટ્સ ielts.org અને ets.org/toefl.html છે. 

SAT અને ACT પરીક્ષાઓ

અમેરિકન યુનિવર્સિટીઓ અને કોલેજોમાં પ્રવેશ માટે SAT પરીક્ષા લેવામાં આવે છે. અમેરિકાનું કોલેજ બોર્ડ આ પરીક્ષાનું આયોજન કરે છે. SAT પરીક્ષા વર્ષમાં 7 વખત આપવામાં આવે છે - જાન્યુઆરી, માર્ચ, મે, જૂન, ઓક્ટોબર, નવેમ્બર અને ડિસેમ્બરમાં. ઘણી અમેરિકન કોલેજોને પ્રવેશ માટે ACT ટેસ્ટની જરૂર પડે છે. આ માટે સત્તાવાર વેબસાઇટ satsuite.collegeboard.org/sat છે.

GRE પરીક્ષા

જો તમે પ્રોફેશનલ અથવા પોસ્ટ-ગ્રેજ્યુએશન સ્તરે અભ્યાસ કરવા માંગતા હો, તો તમારે GRE પરીક્ષા આપવી પડી શકે છે. વિદેશી યુનિવર્સિટીઓમાં પ્રવેશ માટે તે માન્ય એન્ટ્રન્સ એક્ઝામ છે. આ પરીક્ષા અંગ્રેજી ભાષામાં હોય છે. જેમાં ઉમેદવારના મૌખિક, મેથેમેટિકલ અને સામાન્ય જ્ઞાનની કસોટી કરવામાં આવે છે. આ પરીક્ષા એજ્યુકેશનલ ટેસ્ટીંગ સર્વિસીસ ઓફ અમેરિકા દ્વારા લેવામાં આવે છે. ભારતમાં તેના કમ્પ્યુટર આધારિત આવૃત્તિને બનાવવામાં આવે છે. આ માટે સત્તાવાર વેબસાઇટ ets.org/gre.html છે.

વધુ વાંચો: સરકાર જ ઉઠાવશે ફોરેનમાં રહેવા-ભણવાનો ખર્ચ, સ્કૉલરશીપ માટે આ રીતે કરો આવેદન 

GMAT પરીક્ષા

MBA સહિત અનેક વ્યાવસાયિક તાલીમ માટે GMAT પરીક્ષાની જરૂર પડી શકે છે. જો તમે વિદેશથી MBA કરવા માંગો છો, તો તમારે GMAT પરીક્ષા પાસ કરવી પડશે. આ પછી જ તમને અન્ય દેશોની ટોચની બિઝનેસ કોલેજોમાં પ્રવેશ મળશે. સારી યુનિવર્સિટીમાં એડમિશન મેળવવા માટે ઓછામાં ઓછા 700 માર્ક્સ મેળવવા જરૂરી છે. સત્તાવાર વેબસાઇટ mba.com/exams/gmat-exam છે.