ટી-20 વર્લ્ડ કપ / BIG NEWS : હોટલની રુમમાંથી પિચ ક્યુરેટર મોહનસિંહની લાશ મળતા ખળભળાટ, અફઘાન-ન્યૂઝીલેન્ડ મેચની તૈયાર કરી હતી પિચ

• પીચ ક્યુરેટર મોહન સિંહનું સંદિગ્ધ હાલતમાં મોત થતા ખળભળાટ 
• અફઘાન-ન્યૂઝીલેન્ડની આજની મેચની તૈયાર કરી હતી પિચ
• હોટલમાંથી લાશ મળી આવી, હત્યા કે આપઘાત, સવાલ છેડાયો

રવિવારે અફઘાનિસ્તાન અને ન્યૂઝીલેન્ડ જે ટી-20 વર્લ્ડ કપમાં રમી રહ્યા છે તેના ચીફ પીચ ક્યુરેટરનું શંકાસ્પદ સંજોગોમાં અવસાન થયું છે. 

હોટલની રુમમાં લાશ મળી આવી 
મોહન સિંહે આજની અફઘાનિસ્તાન-ન્યૂઝીલેન્ડ મેચની પિચ તૈયાર કરી હતી. રિપોર્ટ અનુસાર હોટલની રુમમાં મોહનસિંહ મૃતપાય હાલતમાં મળી આવ્યાં હતા જોકે તેમના મોતના કારણનો કોઈ ખુલાસો કરાયો નથી. સ્થાનિક પોલિસે અકસ્માતને મોતનો ગુનો દાખલ કરીને તપાસ આરંભી દીધી છે. 

મોતનું કારણ અકબંધ, પોલીસે તપાસ શરુ કરી

મોહનસિંહના સંદિગ્ધ મોતનુું હાલ પુરતું કોઈ કારણ આપવામાં આવ્યું નથી. પોલીસે તપાસ શરુ કરી દીધી છે. તેમની હત્યા થઈ હોવાની પોલીસે આશંકા છે. 

મોહનસિંહ મૂળ પંજાબના મોહાલીના વતની
મોહન સિંહ અબુ ધાબીના શેખ ઝાયેદ ક્રિકેટ સ્ટેડિયમના મુખ્ય ક્યુરેટર હતા. મોહન સિંહ મૂળ પંજાબના હતા.અને ૨૦૦૩ માં યુએઈ શિફ્ટ થયા હતા. લાંબા સમયથી યુએઈમાં રહેતા મોહન સિંહે પંજાબના મોહાલીમાં બીસીસીઆઇના ભૂતપૂર્વ ચીફ ક્યુરેટર દલજીત સિંહ સાથે કામ કર્યું છે.

મોહનસિંહના નિધન પર પૂર્વ ચીફ ક્યુરેટર દલજીત સિંહે જણાવ્યું કે જ્યારે તેઓ મારી પાસે આવ્યા ત્યારે તેઓ ખૂબ આશાસ્પદ હતા. તે ગઢવાલનો રહેવાસી હતો, જે ખૂબ મહેનતુ હતા.