બ્રેકિંગ ન્યુઝ
બ્રેકિંગ ન્યુઝ
10 ફોટો ગેલેરી
Last Updated: 12:45 PM, 18 June 2026
FOLLOW ON
શેર કરો
1/10
ગુજરાતમાં વરસાદે ધમાકેદાર બેટિંગ શરૂ કરી દીધી છે. છેલ્લા 24 કલાક દરમિયાન રાજ્યના અનેક જિલ્લાઓમાં ભારે પવન સાથે વરસાદ વરસ્યો હતો. રાજ્યના કુલ 62 તાલુકાઓમાં નોંધપાત્ર વરસાદ નોંધાતા અનેક વિસ્તારોમાં પાણી ભરાવાની સ્થિતિ સર્જાઈ હતી. બીજી તરફ ખેડૂતો માટે આ વરસાદ આશીર્વાદરૂપ સાબિત થયો છે. હવામાન વિભાગ દ્વારા આગામી દિવસોમાં પણ રાજ્યના કેટલાક વિસ્તારોમાં વરસાદની આગાહી કરવામાં આવી છે, જેના કારણે ચોમાસાના માહોલને વધુ વેગ મળવાની શક્યતા વ્યક્ત કરવામાં આવી રહી છે.
આ તસવીર શેર કરો
2/10
રાજકોટ જિલ્લામાં પણ વરસાદી માહોલ જામ્યો છે. ખાસ કરીને જસદણમાં મેઘરાજાની ધમાકેદાર એન્ટ્રી જોવા મળી હતી. વરસાદ શરૂ થતાં જ ખેડૂતોના ચહેરા પર ખુશી છવાઈ ગઈ હતી. લાંબા સમયથી વરસાદની રાહ જોઈ રહેલા ખેડૂતો માટે આ વરસાદ રાહત અને આશાનું કિરણ બનીને આવ્યો છે.
આ તસવીર શેર કરો
3/10
જસદણ અને આસપાસના વિસ્તારોમાં પણ સારો વરસાદ નોંધાયો હતો. વરસાદના આગમન સાથે જ વાતાવરણમાં ઠંડક પ્રસરી ગઈ હતી. છેલ્લા કેટલાક દિવસોથી અનુભવાતી ગરમી અને બફારાથી લોકોને રાહત મળી હતી. વરસાદને કારણે સમગ્ર વિસ્તારમાં ચોમાસાનો માહોલ સર્જાયો હતો.
આ તસવીર શેર કરો
4/10
દેવભૂમિ દ્વારકા જિલ્લાના ખંભાળિયામાં પણ વહેલી સવારથી વરસાદી માહોલ જોવા મળ્યો હતો. ખંભાળિયા શહેર તેમજ આસપાસના ગ્રામ્ય વિસ્તારોમાં વરસાદ વરસતા લોકોમાં ખુશી જોવા મળી હતી. વરસાદના કારણે વાતાવરણમાં ઠંડક પ્રસરી જતાં લોકોને ગરમીમાંથી રાહત મળી હતી.
આ તસવીર શેર કરો
5/10
જામનગર શહેરમાં પણ ધોધમાર વરસાદ ખાબક્યો હતો. શહેરના અનેક વિસ્તારોમાં વરસાદી માહોલ જામતા રસ્તાઓ ભીના થઈ ગયા હતા. વરસાદના કારણે સમગ્ર શહેરનું વાતાવરણ ઠંડુગાર બન્યું હતું અને લોકોને કાળઝાળ ગરમીમાંથી રાહત મળી હતી.
આ તસવીર શેર કરો
6/10
જામનગરના સાત રસ્તા, ગુરુદ્વાર વિસ્તાર, તળાવની પાર સહિતના અનેક વિસ્તારોમાં સારો વરસાદ નોંધાયો હતો. વરસાદ શરૂ થતાં જ શહેરના વિવિધ વિસ્તારોમાં લોકો ચોમાસાની મજા માણતા જોવા મળ્યા હતા. લાંબા સમય બાદ આવેલા વરસાદે લોકોને ગરમીમાંથી રાહત અપાવી હતી.
આ તસવીર શેર કરો
7/10
રાજકોટ જિલ્લાના ગોંડલમાં પણ મેઘરાજાની એન્ટ્રી થઈ હતી. વહેલી સવારથી ગોંડલમાં ધીમી ધારે વરસાદ વરસ્યો હતો. વરસાદના કારણે ખેડૂતોમાં ખુશીની લાગણી જોવા મળી હતી. ખેતી માટે જરૂરી ભેજ મળતાં ખેડૂતોમાં સારો ઉત્સાહ જોવા મળ્યો હતો.
આ તસવીર શેર કરો
8/10
ગોંડલમાં ઝરમર વરસાદ પડતાં વાતાવરણમાં ઠંડક પ્રસરી ગઈ હતી. છેલ્લા કેટલાક દિવસોથી અસહ્ય બફારાનો સામનો કરી રહેલા લોકોને વરસાદથી મોટી રાહત મળી હતી. શહેર તેમજ આસપાસના વિસ્તારોમાં વરસાદને કારણે ચોમાસાનો માહોલ છવાઈ ગયો હતો.
આ તસવીર શેર કરો
9/10
છોટાઉદેપુર જિલ્લામાં પણ મેઘરાજાએ એન્ટ્રી સાથે જ લોકોને તરબોળ કરી દીધા હતા. બોડેલી વિસ્તારમાં વરસાદ શરૂ થતાં જ તંત્રની પ્રિ-મોન્સૂન કામગીરીની પોલ ખુલી ગઈ હતી. પ્રથમ જ વરસાદમાં અનેક વિસ્તારોમાં પાણી ભરાઈ જતાં સ્થાનિક લોકોને મુશ્કેલીઓનો સામનો કરવો પડ્યો હતો.
આ તસવીર શેર કરો
10/10
બોડેલીની સોમનાથ સોસાયટી નજીક પહેલા જ વરસાદમાં પાણી ભરાઈ ગયા હતા. ઉપરાંત કુમાર શાળાના માર્ગ પાસે પણ પાણી ભરાવાની સ્થિતિ સર્જાઈ હતી. જેના કારણે વિદ્યાર્થીઓ અને સ્થાનિક રહીશોને ભારે હાલાકીનો સામનો કરવો પડ્યો હતો. મુખ્ય રસ્તાઓ પર પાણી ભરાઈ જતાં વાહનચાલકો અને રહીશોને અવરજવર કરવામાં મુશ્કેલી પડી હતી. વિદ્યાર્થીઓને પાણીમાંથી પસાર થવા મજબૂર બનવું પડ્યું હતું. એક તરફ વરસાદથી ખેડૂતોમાં ખુશીનો માહોલ છે તો બીજી તરફ કેટલાક વિસ્તારોમાં પાણી ભરાવાની સમસ્યાએ સ્થાનિક તંત્ર માટે પડકાર ઉભો કર્યો છે. આગામી દિવસોમાં પણ વરસાદની આગાહીને ધ્યાનમાં રાખીને લોકો અને તંત્ર બંને સતર્ક બન્યા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
