સવાલો / ઈસ્લામ વિશે હું કશું નથી જાણતી: પાકિસ્તાની ભાભી સીમા પર ઉઠી હવે શંકાની સોય! એક નિવેદન બાદ ઉઠી તપાસની માંગ

• ભારત-પાકિસ્તાનની પબજી ગેમની લવ સ્ટોરી ભારે ચર્ચામાં
• સીમાના જવાબથી લોકોના મનમાં ઉભા થયા સવાલો
• ઇસ્લામના એક પણ કલમા સીમાને યાદ નથી

છેલ્લા કેટલાક સમયથી પબજી ગેમની લવ સ્ટોરીએ ભારત-પાકિસ્તાનમાં ખુબ જ ચર્ચા જગાવી છે. લોકોને હજુ પણ વાત ગળે નથી ઉતરતી કે સીમા હૈદર નામની પાકિસ્તાની મહિલા પોતાના ચાર બાળકોને લઇને પ્રેમી સાથે રહેવા ભારત આવી ગઇ. સીમાનો પ્રેમી સચીન ગ્રેટર નોઇડામાં રહે છે અને ઉંમરમાં તે સીમાથી નાનો પણ છે. સીમાનો દાવો છે કે તે પબજી ગેમ રમતી વખતે એકબીજાને પ્રેમ કરવા લાગ્યા હતા ત્યારબાદ સીમા પાકિસ્તાનમાં પોતાનું ઘર વેંચ પૈસા લઇને ભારત આવી ગઇ છે. 

मुसलमानों का छोटा से छोटा बच्चा इस्लाम से जुड़े इन बेसिक सवालों का जवाब आराम से दे सकता है जबकि पाकिस्तान से आई महिला सीमा हैदर को सूरह फातिहा तक नहीं आता! जाँच एजेंसियों को इस मैडम कि गहनता से जाँच करनी चाहिए! कहीं कुछ ऐसी बात तो नहीं जिसे इसके द्वारा छुपाया जा रहा हो… pic.twitter.com/VtFkCCNbfa

— Ashraf Hussain (@AshrafFem) July 12, 2023

હિન્દુ ધર્મ અંગિકાર કરી લેશે

સીમાનું કહેવું છે કે હવે તે ગંગામાં ડૂબકી મારી સ્નાન કરશે અને હિન્દુ ધર્મ અંગિકાર કરી લેશે. સીમાએ પોતાના બાળકોના નામ પણ બદલી નાખ્યા છે. સીમા વિશેની આવી તો અનેક વાતો છે જે લોકોને માનવામાં આવતી નથી, સીમા એક પછી એક એવી વાતો કરી રહી છે જેનાથી લોકોના મનમાં શંકા ઉદભવી રહી છે. આથી જ સોશિયલ મીડિયા પર ભારતના લોકો સીમાને પાકિસ્તાની જાસુસી એજન્સી આઇએસઆઇની એજન્ટ ગણાવી રહ્યાં છે. આ દરમિયાન જ સોશિયલ મીડિયા પર એક વીડિયો વાયરલ થઇ રહ્યો છે જેનાથી લોકોના મગજમાં વધુ કેટલાક સવાલો ઉદભવી રહ્યાં છે. 

ઇસ્લામના એક પણ કલમા સીમાને યાદ નથી

ન્યુઝ રિપોર્ટરના સવાલ પુછવા પર સીમા જણાવે છે કે તે માત્ર પોતાના પતિ અને સસરાને જ ઓળખે છે. સસરાની બે પત્ની છે. તો રિપોર્ટરે પ્રશ્ન કર્યો કે શું તે નમાજ પઢે છે, તો જવાબમાં સીમા બોલે છે કે રમઝાનમાં એક વખત નમાજ પઢી હતી, અન્ય દિવસોમાં નમાજ નથી પઢતી. ત્યારબાદ રિપોર્ટર સીમાને સુરત ફતિહા સંભળાવવાનું કહે છે, આ અંગે સીમા કહે છે કે સોરી સર, નહીં. હું ભૂલી ગઇ છું. ઇસ્લામના એક પણ કલમા સીમાને યાદ નથી. આ વીડિયો જોયા બાદ લોકો સીમાની ગંભીરતાથી તપાસ કરવાની માગણી કરી રહ્યાં છે.