પાકિસ્તાનના ક્રિકેટર ઉમર અકમલ પર ભ્રષ્ટાચારના આરોપ બાદ ત્રણ વર્ષ માટે પ્રતિબંધ લગાવી દેવામાં આવ્યો છે. એ હવે ક્રિકેટના કોઇ પણ ફૉર્મેટમાં રમી શકશે નહીં.
પાકિસ્તાનના ક્રિકેટર ઉમર અકમલ પર ત્રણ વર્ષ માટે લાગ્યો બેન
ક્રિકેટના કોઇ પણ ફોર્મેટમાં નહીં રમી શકે ક્રિકેટ
પાકિસ્તાન ક્રિકેટ બોર્ડે સોમવારે પોતાના સત્તાવાર ટ્વિટર હેન્ડલ પર આ વાતની જાણકારી આપી
પાકિસ્તાનના ક્રિકેટર ઉમર અકમલ પર ત્રણ વર્ષ માટે પ્રતિબંધ લગાવી દેવામાં આવ્યો છે. હવે એ ક્રિકેટના કોઇ પણ ફોર્મેટમાં રમી શકશે નહીં. પાકિસ્તાન ક્રિકેટ બોર્ડે સોમવારે પોતાના સત્તાવાર ટ્વિટર હેન્ડલ પર આ વાતની જાણકારી આપી. ઉમર અકમલને પીસીબીના અનુશાસનાત્મક પૈનલના અધ્યક્ષ જસ્ટિસ ફઝલ-એ-મીરાન ચૌહાણે ત્રણ વર્ષનો પ્રતિબંધ સોંપ્યો છે.
તમને જણાવી દઇએ કે ઉમર અકમલ પર ભ્રષ્ટાચારના આરોપ લાગ્યો હતો અને એ મામલામાં એની પર કાર્યવાહી થઇ છે. ઉમર અકમલને પાકિસ્તાન સુપર લીગ શરૂ થવાના એક દિવસ પહેલા જ એમાં ભાગ લેવાથી રોકી દેવામાં આવ્યો હતો.
પીસીબી એ ઉમર અકમલની વિરુદ્ધ તપાસ શરૂ કરવાના કારણોનો ખુલાસો કર્યો નથી, પરંતુ એની પર બોર્ડની ભ્રષ્ટાચાર નિરોધક સંહિતાની ધારા 2.4.4 હેઠળ ફેબ્રુઆરીમાં થયેલા બે મામલા હેઠળ આરોપ લગાવવામાં આવ્યા છે.
Umar Akmal handed three-year ban from all cricket by Chairman of the Disciplinary Panel Mr Justice (retired) Fazal-e-Miran Chauhan.
ઉમર અકમલને પાકિસ્તાન સુપર લીગની 2020 સીઝનની પહેલી મેચ પહેલા પૂર્વ નિલંબિત કરી દેવામાં આવ્યો હતો. એ પાકિસ્તાનના પૂર્વ વિકેટકિપર બેટ્સમેન કામરાન અકમલનો નાનો ભાઇ છે.
ઉમર અકમલ પાકિસ્તાન માટે છેલ્લી વખત ઑક્ટોબરમાં રમી હતી. એ 16 ટેસ્ટ, 121 વન ડે, 84 ટી-20 મેચ રમીને ક્રમશ: 1003, 3194,1690 રન બનાવી ચુક્યા છે.
પોતાના કરિયરની સારી શરૂઆત કરનાર અકમલની મોટાભાગે પ્રશાસકો સાથે બબાલ થતી રહી છે. એમને ફેબ્રુઆરીમાં લાહોરમાં સ્થિત રાષ્ટ્રીય ક્રિકેટ એકેડમીમાં એક ટ્રેનરને ફિટનેસ ટેસ્ટ દરમિયાન કથિત રીતે અપશબ્દ પણ કહ્યા હતા.