BIG BREAKING / પાકિસ્તાનના પેશાવરના એફસી ફોર્ટ ટેન્ક ખાતે ધમાકેદાર બ્લાસ્ટ, 10થી વધુનાં મોત તો અનેક ઘાયલ

• પાકિસ્તાનનાં પેશાવરનાં એફસી ફોર્ટ ટેન્ક પર મોટો એટેક
• 12 લોકોનાં મોત નિપજ્યાં તો અનેક લોકો ઘાયલ થયા
• અગાઉ પણ એક મસ્જિદની અંદર થયો હતો બ્લાસ્ટ

પાકિસ્તાનનાં પેશાવર શહેરનાં એફસી ફોર્ટ ટેન્ક પર મોટો એટેક થયો છે. જેમાં 12 લોકોનાં મોત નિપજ્યાં છે તો અનેક લોકો ઘાયલ થયા છે. તદુપરાંત 3 હુમલાખોરોનાં પણ મોત થયા છે.

આ હુમલો એટલો ખતરનાક હતો કે, ઘણાં લાંબા સમય સુધી પણ તેનો અવાજ સંભળાતો રહ્યો. ઉત્તર પશ્ચિમી પાકિસ્તાનનાં સ્થાનીય પત્રકારોનું કહેવું છે કે, ટેન્ક જિલ્લામાં અર્ધસૈનિક સીમાંત કોર (FC) ટેન્ક પર હુમલો કરવામાં આવ્યો છે. એ સિવાય એવી પણ સૂચના છે કે, ટેન્ક સિટી સ્થિત કેમ્પમાં આત્મઘાતી હુમલાખોર પણ ઘૂસી ગયા છે.

#peshawarattack at FC Fort Tank. Heavy exchange of fire. Several feared dead. 3 attackers killed. Explosions still heard.#Pakistan #Terrorist

— Mayank Tiwari (@imayanktiwari) March 30, 2022

આ જ મહિનાની શરૂઆતમાં એક મસ્જિદની અંદર થયો હતો બ્લાસ્ટ

પેશાવરમાં આ પહેલાં આ જ મહિનાની શરૂઆતમાં પણ એક મસ્જિદની અંદર જોરદાર બ્લાસ્ટ થયો હતો. જેમાં ઓછામાં ઓછાં 57 લોકોનાં મોત થયા હતાં તો 200થી વધુ લોકો ઘાયલ થયા હતાં. આ ઘટના કોચા રિસાલદાર વિસ્તારની હતી. પેશાવરનાં સીસીપીઓ ઇજાજ અહસાને આ અંગે પુષ્ટિ કરતા કહ્યું હતું કે, આ બ્લાસ્ટમાં એક પોલીસકર્મીનું પણ મોત થયું છે.

ઇમરાન ખાને પણ આપ્યું હતું નિવેદન

પેશાવરની મસ્જિદમાં થયેલા બ્લાસ્ટ મામલે તો પાકિસ્તાનનાં PM ઇમરાન ખાને પણ નિવેદન આપ્યું હતું. તેઓએ આ હુમલાની આકરી નિંદા કરી હતી. પેશાવરનાં સીએમ મહેમૂદ ખાને પણ આ હુમલાની નિંદા કરી હતી.