ગીર સોમનાથ / ગરીબોના હક પર કોની તરાપ? વેરાવળમાં 300થી વધુ ઘઉં અને ચોખાના શંકાસ્પદ કટ્ટા ઝડપાયા, સસ્તા અનાજમાં કાળા બજારીનો ખેલ જગ જાહેર

• ગરીબોના હક પર તરાપ 
• શંકાસ્પદ સસ્તા અનાજનો જથ્થો મળ્યો
• ઘઉં અને ચોખાનો જથ્થો જપ્ત કર્યો

ગીર સોમનાથના વેરાવળ ખાતે 300થી વધુ ઘઉં અને ચોખાના શંકાસ્પદ કટ્ટા ઝડપાયા છે. રાશનના આ ઘઉં અને ચોખ્ખાના ગેરકાયદે કટા કોડીનારના દેવસી ભાલીયા નામના વ્યક્તિએ મોકલ્યા હોવાનો આક્ષેપ કરાયો છે

આ કટ્ટા કોઈ દેવસી ભાલિયાના હોવાનું ખુલ્યું
વેરાવળ નજીક અસલમ સરકાર નામના ખેડૂતની વાડીમા 350 જેટલા શંકાસ્પદ રાશનના ઘઉં અને ચોખ્ખા ભરેલા કટ્ટા પડ્યા હોવાની ફરિયાદ પુરવઠા વિભાગને મળતા પુરવઠા વિભાગની ટીમ વાડીમા ત્રાટકી હતી. અહીં ચોખ્ખાના 259 અને ઘઉંના 94 કટ્ટા મળી આવ્યા છે. વાડી માલિકની પુછપરછ હાથ ધરાતા તેમણે આ કટ્ટા કોઈ દેવસી ભાલિયાના હોવાનું જણાવ્યું હતું. આ કટ્ટા સિલ પેક કટ્ટા સસ્તા અનાજની દુકાનમા જે કટ્ટા હોય છે તે તે પ્રમાણે જણાઈ આવતા સિઝ કરાયા છે.

પુરવઠા વિભાગે તપાસ હાથ ધરી
વેરાવળ ખાતે અસલમ સરકાર નામના શખ્સની વાડીમાંથી ઝડપાયેલા ઘઉં અને ચોખ્ખાના આ કટ્ટાનો જથ્થો તો માત્ર નામ પૂરતો જ હોવાનું અને આથી અનેક ગણો જથ્થો પગ કરી ગયો હોવાનું સૂત્રો મારફતે જાણવા મળી રહ્યું છે. ગરીબો માટેનો અનાજનો આ પુરવઠો આ પ્રમાણે બારોબાર વેચાઈ જતો હોવાનું કૌભાંડ તો વર્ષોથી ચાલી રહ્યું છે. આ તો દેખાડવાના અને ચાવવાના અલગ-અલગ હોવાનું ચર્ચાઈ રહ્યું છે. આ દેવસી ભાલીયા મૂળ કોડીનારનો મોટો કાળા બજારીયો હોવાનું અને તે રાશનના અનાજ, કેરોસીન તેમજ અન્ય જણસીનો બેરોકટોક મોટી કાળા બજારી કરતો હોવાનું પણ જગ જાહેર છે. આ દેવસી તંત્રને પણ સાચવતો હોવાની ચર્ચા છે. આથી જ તેના પેટનું પાણી પણ હલતું નથી. હવે જોવું રહ્યું કે ગુજરાતની ગરીબો માટેની સંવેદનશીલ સરકાર અને તેનું તંત્ર આ કાળા બજારીયા દેવસી સામે કેવા પગલાં ભરે છે...?