Tata Motors / નાણાકીય વર્ષમાં કઈ કારનું બજારમાં થયું ધૂમ વેચાણ, ટાટાને લાગ્યો 'પંચ', આ બે કંપનીઓ 'ટોપ' પર

ટાટા મોટર્સના જણાવ્યા અનુસાર, 31 માર્ચ, 2024ના રોજ પૂરા થયેલા નાણાકીય વર્ષમાં તેનું કુલ સ્થાનિક જથ્થાબંધ વેચાણ 9,49,015 યુનિટ હતું, જે 2022-23ના 9,31,957 યુનિટના આંકડા કરતાં બે ટકા વધુ છે. પાછલા નાણાકીય વર્ષમાં, પેસેન્જર વાહનોનું વેચાણ 5,73,495 યુનિટ હતું, જે નાણાકીય વર્ષ 2022-23ના 5,41,087 યુનિટના આંકડા કરતાં 6 ટકા વધુ છે. સ્થાનિક બજારમાં કોમર્શિયલ વાહનોનો પુરવઠો ગયા નાણાકીય વર્ષમાં 4 ટકા ઘટીને 3,78,060 યુનિટ થયો હતો, જે એક વર્ષ અગાઉના સમાન સમયગાળામાં 3,93,317 યુનિટ હતો.

Tata Motors Consolidated Sales Results – Q4 FY24.

Click on the link to know more - https://t.co/EhbFRI6CZ8#TataMotors #ConnectingAspirations pic.twitter.com/zHEee6TwJJ

— Tata Motors (@TataMotors) April 1, 2024

મારુતિ વેચાણ
નાણાકીય વર્ષ 2023-24માં, મારુતિ સુઝુકી ઈન્ડિયાએ 17,93,644 યુનિટનું સ્થાનિક વેચાણ કર્યું હતું, જે કંપનીનો સૌથી મોટો સ્થાનિક વેચાણનો આંકડો છે (એક નાણાકીય વર્ષમાં). આ સમયગાળા દરમિયાન, કંપનીએ 2,83,067 યુનિટની રેકોર્ડ નિકાસ પણ કરી હતી. આ સાથે કંપનીએ ગયા નાણાકીય વર્ષ દરમિયાન કુલ 20 લાખથી વધુ યુનિટ્સનું વેચાણ કર્યું છે.

આ પણ વાંચોઃ  મોટા નુકસાનથી બચવા ઉનાળામાં કારનું ફ્યૂઅલ ટેન્ક ક્યારેય પણ ફૂલ ન કરાવો, જાણો કારણ

માર્ચ 2024માં ટાટા મોટર્સનું વેચાણ

માર્ચમાં ટાટા મોટર્સનું કુલ સ્થાનિક હોલસેલ વેચાણ બે ટકા વધીને 90,822 યુનિટ થયું હતું. એક વર્ષ અગાઉ આ જ મહિનામાં કંપનીએ સ્થાનિક બજારમાં 89,351 યુનિટ્સનું વેચાણ કર્યું હતું. કંપનીના જણાવ્યા અનુસાર, માર્ચમાં સ્થાનિક બજારમાં ઇલેક્ટ્રિક વાહનો સહિત પેસેન્જર વાહનોનું વેચાણ 50,297 યુનિટ હતું. જે ગયા વર્ષના સમાન ગાળામાં 44,225 યુનિટ કરતાં 14 ટકા વધુ છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો