મનોરંજન / આજે પ્રોમિસ ડે પર પાર્ટનર ખુશ થઈ જશે, વચનોની ભરેલા આ મેસેજ મોકલો, સંબંધ જિંદગીભર સચવાશે

ફેબ્રુઆરી મહિનો આવે એટલે જાણે કે હવામાં જ પ્રેમ દેખાય છે. ગુલાબી ઠંડીની વચ્ચે મનગમતા વ્યક્તિ સાથે પ્રેમની અભિવ્યક્તિ કરવાની સિઝન. એમાં પણ વેલેન્ટાઇન વીક દરમિયાન રોજ નવા નવા ડે દ્વારા પ્રેમને અભિવ્યક્ત કરવામાં આવે છે.

આજે 11 ફેબ્રુઆરીએ 'પ્રોમિસ ડે' ઉજવાશે. પ્રેમમાં વાયદાનું પણ અનેરું મહત્ત્વ અને સ્થાન છે. ઇતિહાસમાં એવા પણ દાખલા છે પ્રિય પાત્રને આપેલું એક વચન નિભાવવા માટે ગમે તે કરી છૂટયા હોય. 'વચન' આપવું એ જેટલું જરૂરી છે તેનાથી વાંચું જરૂરી છે તે 'વચન'ને નિભાવવી બતાવવું, અને તમે પણ જો આજના દિવસે તમારી ગમતી વ્યક્તિને કોઈ વચન એટલે કે પ્રોમિસ આપવા માંગતા હોય તો આ અમુક આઇડીયાઝ તમારા માટે.

આમ તો વચન એવું આપવું જોઈએ તમારા પાર્ટનરને કે જે તમે જીવનભર નિભાવી શકો. ઘણા હિન્દી ગીતો પણ એવા છે કે જે આવા જ જિંદગીબહારના સાથની વાત કરે છે જેમ કે, " વાદા રહા સનમ, હોંગે જુદા ના હમ" કે પછી હોય ".. ફીર હો ના જુદા હાં યે વાદા રહા", "વાદા કર લે સાજના તેરે બીના મે ના રહું હો કે જુદા" .. ખેર આવા તો ઘણા હિન્દી ગુજરાતી ગીતો છે જે તમે તમારા પ્રેમી/પ્રેમિકાને વચન સ્વરૂપે મેસેજમાં કહી શકો છો. તો આ અવસરે ગુજરાતના ખૂબ જાણીતા કવિ સ્વ. રમેશ પારેખની આ રચના પણ ક્યાંક તમને કામ આવશે.

એવું કૈં કરીએ કે આપણ એકબીજાને ગમીએ !
હાથ હાથમાં આપી, સાથે હૈયું પણ સેરવીએ,
ભૂલચૂકને ભાતીગળ રંગોળીમાં ફેરવીએ !
શા માટે રઢિયાળી રાતે એકલ એકલ ભમીએ ?
દાઝ ચડે એવી કે આપણ એ બ્હાને પણ મળીએ
ગોફણમાં ચાંદો ઘાલી હું ફેકું તારે ફળીયે
સામેસામી તાલી દઈદઈ રસબસ રાસે રમીએ !
– રમેશ પારેખ

વધુ વાંચો: રણવીર અલ્હાબાદિયા, સમય રૈના સહિતના ઇન્ફ્લુઅન્સર સામે FIR દાખલ, બે વર્ષ રહેવું પડશે જેલમાં?

આ સિવાય પણ તમે સ્વીટ સિમ્પલ મેસેજ કરવા માંગતા હોય તો અપનાવી લો આ આઇડિયા.

• " હું પ્રોમિસ કરું છું કે દરરોજ તારા હસવાનું કારણ બનીશ, અને દરેક પરિસ્થિતિમાં તને હસાવતો રહીશ"
• " હું પ્રોમિસ કરું છું કે વરસાદના દિવસોમાં તારી છત્રી બનીશ અને ઠંડીની ઋતુમાં તાપ"

અને આ વ્યસ્ત સમયમાં તમે કોઈને સૌથી મોંઘી ગિફ્ટ આપવા માંગો છો તો એ છે તમારો સમય એ માટે તમે કહી શકો કે,

• " હું હંમેશા તારા માટે સમય ફાળવીશ, ભલે જિંદગીમાં કેટલાય કામ કેમ ના હોય પણ તારાથી વિશેષ કશું જ નથી."

• જો કે આ સિવાય પણ જે લોકો પરિણીત છે તેઓ સપ્તપદીમાં લીધેલા વચનોને પણ દોહરાવી શકે છે.
• "હું પ્રોમિસ આપું છું કે હું તને ખૂબ પ્રેમ કરીશ, તારી રિસ્પેક્ટ કરીશ અને રોજ આપણા સંબધને ઉજવીશ"
• " હું પ્રોમિસ કરું છું કે હું હંમેશા તારી સાથે પડછાયો બનીને ઊભી રહીશ "

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ