Mahashivratri 2024 / મહાશિવરાત્રિએ પાકિસ્તાન પણ 'હર હર મહાદેવ'ના નાદથી ગૂંજી ઉઠશે, એકસાથે 62 તીર્થયાત્રીઓએ નાખ્યા ધામા

ભારતના પાડોશી દેશ પાકિસ્તાનમાં પણ મહાશિવરાત્રીનો તહેવાર ધામધૂમથી ઉજવવામાં આવશે. 62 હિંદુઓ ત્યાં મહાશિવરાત્રીની ઉજવણીમાં ભાગ લેવા બુધવારે વાઘા બોર્ડર દ્વારા ભારતથી લાહોર પહોંચ્યા હતા “મહાશિવરાત્રિની ઉજવણીમાં ભાગ લેવા માટે કુલ 62 હિંદુ તીર્થયાત્રીઓ ભારતથી લાહોર  પહોંચ્યા છે.. "લાહોરમાં ETPB દ્વારા આયોજિત મહાશિવરાત્રીના મુખ્ય સમારોહનું આયોજન 9 માર્ચે લાહોરથી લગભગ 300 કિલોમીટર દૂર ચકવાલના ઐતિહાસિક કટાસ રાજ મંદિરમાં કરવામાં આવશે.

મહાશિવરાત્રીની આ ઉજવણીમાં કોણ કોણ ભાગ લેશે?

હાશ્મીના જણાવ્યા અનુસાર, "રાજકીય, સામાજિક અને ધાર્મિક નેતાઓ આ કાર્યક્રમમાં ભાગ લેશે." તેમણે એમ પણ કહ્યું કે વાઘામાં ધાર્મિક સ્થળોના અધિક સચિવ રાણા શાહિદ સલીમે વિશ્વનાથ બજાજના નેતૃત્વમાં આવેલા હિન્દુઓનું સ્વાગત કર્યું.

લાહોરના કૃષ્ણ મંદિરમાં 62 હિન્દુઓ જશે

શિવરાત્રીની ઉજવણી માટે પાકિસ્તાન પહોંચેલા આ શ્રદ્ધાળુઓ 10 માર્ચે કટાસથી લાહોર પરત ફરશે. લાહોર આવ્યા બાદ તેઓ 11 માર્ચે ત્યાંના કૃષ્ણ મંદિરના દર્શન કરશે. આ સાથે આ હિન્દુ સમૂહ લાહોરનો કિલ્લો જોવા પણ જશે. આ લોકો લાહોરના અન્ય ઐતિહાસિક સ્થળોની પણ મુલાકાત લેશે અને 12 માર્ચે ભારત પરત ફરશે.

આ પણ વાંચોઃ મહાશિવરાત્રીના ઉપવાસમાં ચા કે કોફી પી શકાય કે નહીં? જાણૉ શું છે માન્યતા

 

પાકિસ્તાનમાં આ કયું ભોલેનાથ મંદિર છે?

પાકિસ્તાનમાં બનેલું આ કટાસ રાજ મંદિર કટાસ નામના તળાવથી ઘેરાયેલું છે, જેને હિન્દુઓ દ્વારા પવિત્ર માનવામાં આવે છે. આ સંકુલ પાકિસ્તાનના પંજાબ પ્રાંતના પોટોહર પઠાર વિસ્તારમાં આવેલું છે. એવું માનવામાં આવે છે કે મંદિરનું તળાવ શિવના આંસુમાંથી બનાવવામાં આવ્યું હતું, જ્યારે તેઓ તેમની પત્ની સતીના મૃત્યુ પછી શોકમાં પૃથ્વી પર ભટકતા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો