દિવાળી ભેટ / ચૂંટણી સમયે આડા ફાટનાર દિનુ મામા બન્યાં બરોડા ડેરીના નવા ચેરમેન, ભાજપમાં પરત ફરતા જ લાગી ફરી લોટરી, સમર્થકો ખુશખુશાલ

• બરોડા ડેરીના નવા ચેરમેનની કરાઈ જાહેરાત
• દિનુ મામા બન્યાં બરોડા ડેરીના નવા ચેરમેન
• બોર્ડ બેઠકમાં દિનુ મામાના નામની સત્તાવાર જાહેરાત કરાઈ
• ડેરીના ચેરમેન બનતા જ દિનુ મામાએ આપ્યું નિવેદન

બરોડા ડેરીને લઈને મહત્વના સમાચાર સામે આવી રહ્યા છે. જેમાં બરોડા ડેરીના નવા ચેરમેન તરીકે દિનુ મામાની જાહેરાત થઇ છે. બોર્ડ બેઠકમાં દિનુ મામાના નામની ચેરમેન તરીકે સત્તાવાર જાહેરાતની સાથે જ દિનુ મામાના સમર્થકોમાં ખુશીનો કોઈ પર નથી. ઢોલ, શરણાઈના સુરે મો મીઠા કરાવી ઉજવણી કરવામાં આવી હતી. 

દિનુ મામા ડેરીના ચેરમેન બનતાં સમર્થકો ખુશખુશાલ 

બીજી બાજુ ડેરીના ચેરમેન બનતા જ દિનુ મામાનું નિવેદન સામે આવ્યું છે. દીનું મામાએ કહ્યું કે ડેરીના ચેરમેન તરીકે મેં 9 વર્ષ પૂર્ણ કર્યા છે અને અત્યાર સુધીમાં બેંકોનું એક પણ રૂપિયાનું દેવું નથી કર્યું. આગામી સમયમાં પણ આવી જ રીતે બરોડા ડેરીનો સ્વચ્છ વહીવટ કરતા રહીશું. તેવી ખાતરી આપી હતી. વધુમાં જાહેરાત બાદ વાઘોડિયાના ધારાસભ્ય ધર્મેન્દ્રસિંહ વાઘેલાનું નિવેદન પણ સામે આવ્યું છે. દિનુ મામાને શુભેચ્છા પાઠવી હતી અને અને પશુપાલકોને પોષણક્ષમ ભાવ મળી રહે તે દિશામાં પ્રયત્નો કરવામાં આવે તેવો આશાવાદ વ્યક્ત કર્યો હતો. વધુમાં ધર્મેન્દ્રસિંહએ કહ્યું કે દૂધ ઉત્પાદકોને ભાવફેરની વધુ રકમ આપશે તેવી આશા છે.

ડેરીના ચેરમેન તરીકે મેં 9 વર્ષ પૂર્ણ કર્યા છે: દિનુ મામા

સાથે સાથે ડભોઈના ધારાસભ્ય શૈલેષ મહેતાએ પણ આ અંગે પોતાનું મંતવ્ય રજુ કર્યું હતું. દિનુ મામા અને જી.બી.સોલંકીની જોડી ફરી બેસી છે અને બંને આગેવાનો ડેરીનો ખુબ અનુભવ ધરાવતા હોવાથી આગામી સમતમાં ડેરીને વિકાસનો પંથ મળશે. તેમ અંતમાં શૈલેષ મહેતાએ ઉમેર્યું હતું.