નવરાત્રી 2024 / નવરાત્રીના પ્રથમ નોરતે ચઢાવો આ ભોગ, માતા શૈલપુત્રી થશે પ્રસન્ન

Navratri 1st Day: નવરાત્રિના 9 દિવસો માતાજીને વિવિધ વસ્તુઓ અર્પણ કરવામાં આવે છે. જ્યોતિષીઓ પાસેથી જાણો નવરાત્રીના પહેલા દિવસે મા શૈલપુત્રીને પ્રસન્ન કરવા માટે તમારે કયો પ્રસાદ ચઢાવવો જોઈએ. સનાતન ધર્મમાં નવરાત્રીનું ખૂબ મહત્વ છે. નવરાત્રિના 9 દિવસ સુધી મા દુર્ગાના વિવિધ સ્વરૂપોની પૂજા કરવામાં આવે છે.

વૈદિક કેલેન્ડર મુજબ આ વર્ષે શારદીય નવરાત્રી 3જી ઓક્ટોબરથી શરૂ થઈ રહી છે, જે નવમીના દિવસે સમાપ્ત થશે. ધાર્મિક માન્યતા અનુસાર આ નવ દિવસો સુધી દેવી દુર્ગાના નવ અલગ-અલગ સ્વરૂપોની પૂજા કરવાથી તમામ મનોકામનાઓ પૂર્ણ થાય છે. આ રિપોર્ટમાં અમે તમને જણાવીશું કે નવરાત્રિના પહેલા દિવસે મા શૈલપુત્રીને કઈ કઈ વસ્તુઓ ચઢાવવી જોઈએ, જેથી તેમને માતા રાનીના આશીર્વાદ મળે.

નવરાત્રીના પહેલા દિવસે શું ચઢાવવું?

જ્યોતિષીઓના મત્તે હિંદુ કેલેન્ડર મુજબ અશ્વિન મહિનાની શુક્લ પક્ષની પ્રતિપદાથી શારદીય નવરાત્રિ શરૂ થાય છે. આ વર્ષે નવરાત્રિ 3જી ઓક્ટોબરથી શરૂ થશે અને નવમીના દિવસે 12મી ઓક્ટોબરે સમાપ્ત થશે. નવરાત્રિના પ્રથમ દિવસે માતા શૈલપુત્રીની પૂજાનું વિશેષ મહત્વ છે. સફેદ રંગ દેવીને ખૂબ જ પ્રિય માનવામાં આવે છે, તેથી તેને સફેદ રંગની વસ્તુઓ અર્પણ કરવી શુભ માનવામાં આવે છે.

જેમાં બરફી, ઘરના દૂધમાંથી બનેલી ખીર અને રબડી જેવી સ્વાદિષ્ટ વાનગીઓનો સમાવેશ થાય છે. આ વસ્તુઓ દેવી શૈલપુત્રીને અર્પણ કરવાથી તે જલ્દી પ્રસન્ન થાય છે અને ભક્તોને તેમના આશીર્વાદ મળે છે.

માતા શૈલપુત્રીને પ્રસન્ન કરવાનો મંત્ર

યા દેવી સર્વભૂતેષુ શૈલપુત્રીના રૂપેણ સંસ્થિતા

નમસ્તસ્યૈ નમસ્તસ્યૈ નમસ્તસ્યૈ નમો નમઃ ।।

વંદે વાંચ્છિત લાભાય ચંદ્રાર્ધકૃતશેખરામ્।

વૃષારૂઢાં શૂલધરાં શૈલપુત્રી યશસ્વિનીમ।।

આ પણ વાંચોઃ ઓક્ટોબરમાં આ ગ્રહ બદલશે પોતાની ચાલ, જે કરાવશે જબરદસ્ત ફાયદો, આમાં હોઇ શકે છે તમારી રાશિ

સ્વચ્છતાનું ધ્યાન રાખો

આ બધી બાબતોની સાથે-સાથે સ્વચ્છતાનું પણ ધ્યાન રાખો નવરાત્રિના પહેલા દિવસે સવારે વહેલા ઊઠીને આખા ઘરની સફાઈ કરો. પછી મંદિરને સાફ કરી અને નવું કપડું પાથરો. બધી મૂર્તિઓને તિલક લગાવો. આ પછી પૂજા કરો. નવરાત્રીના પ્રથમ દિવસે કળશ સ્થાપન થાય છે.

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ