વિશ્વ / આ દેશમાં મોબાઈલમાં એપ ઈન્સ્ટોલ કરાવવા દુકાન પર જવું પડે, નિયમ હેરાનીભર્યો

North Korea : ઉત્તર કોરિયામાં લાખો લોકો સ્માર્ટફોનનો ઉપયોગ કરે છે. એક રિપોર્ટ અનુસાર ઉત્તર કોરિયાની કુલ વસ્તીના લગભગ 44 ટકા લોકો મોબાઈલ ફોનનો ઉપયોગ કરે છે. શું તમે જાણો છો કે લોકો તેમના મોબાઈલમાં એપ્સ કેવી રીતે ઇન્સ્ટોલ કરે છે? ઉત્તર કોરિયામાં ફક્ત એન્ડ્રોઇડ આધારિત ઉપકરણો જ દેખાય છે. અન્ય દેશોમાં ની અંદર કોઈપણ એપ્લિકેશન ઇન્સ્ટોલ કરવા માટે તમારે ફક્ત Google Play Store અથવા Virtual App Store પર જવું પડશે, ત્યારબાદ ફોનમાં એપ્લિકેશન ઇન્સ્ટોલ કરી શકાય છે. ઉત્તર કોરિયામાં એપ ઇન્સ્ટોલેશનના નિયમો અલગ છે.

ઉત્તર કોરિયાના લોકોને જવું પડે છે એપ સ્ટોર પર

વિગતો મુજબ ઉત્તર કોરિયામાં મોબાઇલ પર એપ્લિકેશન ઇન્સ્ટોલ કરવા માટે વ્યક્તિએ ફિઝિકલ એપ્લિકેશન સ્ટોર એટલે કે દુકાન પર જવું પડશે, જેની માહિતી મીડિયા અહેવાલોમાંથી પ્રાપ્ત થઈ છે. ઉત્તર કોરિયાના વપરાશકર્તાઓ વિશ્વભરમાં ઇન્ટરનેટનો ઉપયોગ કરી શકતા નથી, અહીં ફક્ત થોડા વપરાશકર્તાઓને જ આ દેશની ઇન્ટરનેટ સેવા મળે છે. તેનું નામ ઈન્ટ્રાનેટ છે.

આ એપ્સ ફક્ત અહીં જ થાય છે ઇન્સ્ટોલ

અહીં ઉપલબ્ધ એપ્સ ફક્ત ઉત્તર કોરિયામાં જ વિકસાવવામાં આવી છે. શોપિંગ એપ્સ, ગેમિંગ એપ્સ અને સોશિયલ મીડિયા એપ્સ વગેરે અહીં ઉપલબ્ધ છે. Nknews.org ના રિપોર્ટ અનુસાર અહીંની સૌથી લોકપ્રિય એપનું નામ માય કમ્પેનિયન છે જે એક રીતે નેટફ્લિક્સ અને ઇબુક રીડરના સંયોજન તરીકે કામ કરે છે. ઘણી સમાન એપ્સ ઉપલબ્ધ છે. જ્યારે નોર્થ કોરિયાના લોકોને એપ્સ ઈન્સ્ટોલ કરવાની હોય છે ત્યારે તેમને ખૂબ જ વિચિત્ર પ્રોસેસ ફોલો કરવી પડે છે. ઉત્તર કોરિયાના લોકો પાસે ઇન્ટરનેટની ઍક્સેસ નથી. આ માટે તેઓએ ફિઝિકલ એપ્લિકેશન સ્ટોર એટલે કે દુકાન પર જવું પડશે, જ્યાંથી તેઓ ઉત્તર કોરિયાની સરકાર દ્વારા માન્ય એપ્સ ડાઉનલોડ કરી શકશે. આ ભૌતિક સ્ટોર્સ પર હાજર ટેકનિશિયન એપ્સ ઇન્સ્ટોલ કરી શકે છે. જોકે કેટલાક યુઝર્સ એપ્સને કોપી અને મેમરી કાર્ડ પર પેસ્ટ કરીને પણ શેર કરે છે.

વધુ વાંચો : ગજબ કારનામું! આંખમાંથી કાઢે છે દૂધની પિચકારી! 2.8નો સ્પ્રે મારી બનાવ્યો ગિનિસ બુક ઓફ રેકોર્ડ

ઉત્તર કોરિયામાં ઇન્ટરનેટનો ઉપયોગ કેવી રીતે કરવો ?

ઉત્તર કોરિયામાં માત્ર થોડા હજાર લોકો પાસે વિશ્વનું ઈન્ટરનેટ છે. અન્ય લોકો પાસે સ્થાનિક ઇન્ટ્રાનેટની ઍક્સેસ છે. આ ઇન્ટરનેટને Kwangmyong નામ આપવામાં આવ્યું છે. આ સરકાર દ્વારા નિયંત્રિત નેટવર્ક છે, જેના પર લોકોને સેન્સર્ડ માહિતી મળે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ