નવો નિયમ / ફ્લાઈટ લેટ પડે તો વિમાનમાંથી નીકળી શકાશે બહાર, પણ શું રિફંડ મળશે ?

કેટલીયવાર કેટલાક કારણોસર ફ્લાઈટ્સના સંચાલનમાં મોડું થઈ જતુ હોય છે. તેના કારણે ફ્લાઈટ રદ પણ થતી હોય છે. ફ્લાઈટ્સ રદ કે મોડી પડવાના કારણે યાત્રીઓને હાંલાકી ભોગવવી પડતી હોય છે. ફ્લાઈટ્સ ચાલવાના મામલામાં અમેરિકા અને ચીન બાદ ભારતનો નંબર આવે છે. ત્યારે અનેક ફ્લાઈટ્સ લેટ પડે છે એવામાં તેના સંબંધીત નિયમો તમારે જાણવા જરૂરી છે.

ફ્લાઈટ લેટ પડવા પર પેસેન્જર્સ ફ્લાઈટમાંથી બહાર પણ આવી શકે છે,

ભારતમાં નાગર વિમાન મંત્રાલય ફ્લાઈટ્સ સંબંધીત નિયમો બનાવે છે. નાગરિક વિમાન મંત્રાલયમાં આવતી બ્યૂરો ઓફ સિવિલ એવિએશને હાલમાં કેટલાક નિયમો જાહેર કર્યા છે. જેમાં ફ્લાઈટ લેટ પડવા પર પેસેન્જર્સ ફ્લાઈટમાંથી બહાર પણ આવી શકે છે, તે નિયમ સામેલ છે.

કેટલાક કારણોસર બોર્ડિંગ બાદ પણ ફ્લાઈટ લેટ પડે છે

ઉલ્લેખનીય છે કે, ઐરપોર્ટમાં ચેક ઈન કર્યા બાદ બોર્ડિંગ કરી દેવામાં આવે છે. પરંતુ કેટલાક કારણોસર બોર્ડિંગ બાદ પણ ફ્લાઈટ લેટ પડે છે, ત્યારે આવી સ્થિતિમાં યાત્રીઓએ વિમાનમાં બેસીને જ રાહ નહીં જોવી પડે. તેઓ વિમાનમાંથી બહાર પણ નીકળી શકશે.

બ્યૂરો ઓફ સિવિલ એવિએશન સિક્યોરિટી દ્વારા આ નિર્ણય લેવામાં આવ્યો છે. જેમાં ફ્લાઈટ લેટ પડવા પર વિમાનમાંથી બહાર નીકળી એગ્ઝિટ ગેટથી બહાર પણ નીકળી શકાશે. વિમાનમાંથી બહાર આવવાનો ટાઈમ ડ્યૂરેશન જે તે એરલાઈન્સ અને ઐરપોર્ટ સિક્યોરિટી ડીસાઈડ કરશે.

આ પણ વાંચોઃ ED બાદ હવે CBIએ કે. કવિતાની ધરપકડ કરી, તિહાર જેલમાં પૂછપરછ બાદ એક્શન

ફ્લાઈટ લેટ પડવા પર જો યાત્રીઓ બહાર નીકળી જાય તો તેમને રિફંડ આપવામાં આવશે કે નહી ?

આપને જણાવી દઈયે કે, ફ્લાઈટ લેટ પડવા પર જો યાત્રીઓ બહાર નીકળી જાય તો તેમને રિફંડ આપવામાં આવશે કે નહી ? તે અંગે બ્યૂરો ઓફ સિવિલ એવિએશન સિક્યોરિટીએ કોઈ સ્પષ્ટતા નથી કરી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો