હડકંપ / કમ્યુનિસ્ટ પાર્ટીએ પ્રધાનમંત્રી કેપી શર્મા ઓલીને લઇને લીધો એવો નિર્ણય કે નેપાળમાં સર્જાયો રાજકીય ભૂકંપ

• નેપાળની રાજનીતિમાં મોટો ભૂકંપ
• કમ્યુનિસ્ટ પાર્ટીએ પ્રધાનમંત્રી કેપી શર્મા ઓલીને પાર્ટીમાંથી હટાવ્યા
• ઓલીનું સભ્યપદ પણ રદ્દ કરાયું

નેપાળના પ્રધાનમંત્રી કેપી શર્મા ઓલીને કમ્યુનિસ્ટ પાર્ટીથી બહારનો રસ્તો દેખાડી દેવાયો છે. આ સાથે જ પાર્ટીએ કેપી શર્મા ઓલીનું સભ્ય પદ પણ રદ્દ કરી દેવામાં આવ્યું છે. આ અગાઉ 20 ડિસેમ્બર 2020માં રાજકીય સંકટમાં નેપાળ ફંસાયું હતું જ્યારે ચીન સમર્થક ગણાતા ઓલીએ પ્રચંડની સાથે સત્તા સંઘર્ષ વચ્ચે અચાનક પ્રતિનિધ સભા ભંગ કરવાની અપીલ કરી દીધી.

સમાચાર એજન્સી ANIના સ્પ્લિન્ટર સમૂહના પ્રવક્તા નારાયણ કાજી શ્રેષ્ઠના હવાલાથી આ પુષ્ટિ કરવામાં આવી છે. તેમણે કહ્યું કે, કેપી શર્મા ઓલીનું સભ્યપદ તાત્કાલિક અસરથી રદ્દ કરી દેવામાં આવ્યું છે. જણાવી દઇએ કે, ઓલી વિરૂદ્ધ પાર્ટીમાં ઘણા સમયથી બળવો ચાલી રહ્યો હતો.

Nepal's Caretaker PM KP Sharma Oli (file photo) removed from ruling Nepal Communist Party by a Central Committee Meeting of the splinter group of the party.

"His membership has been revoked," Spokesperson for the splinter group, Narayan Kaji Shrestha confirmed ANI. pic.twitter.com/6vc91tt03k

— ANI (@ANI) January 24, 2021

પ્રચંડે ઓલી વિરૂદ્ધ શુક્રવારે કર્યું હતું પ્રદર્શન

આ પહેલા NCPના અલગ જૂથના નેતા પુષ્પ કમલ દહલ પ્રચંડે શુક્રવારે રાજધાની કાઠમાંડોમાં એક મોટી સરકાર વિરોધી રેલી યોજી હતી. આ રેલીમાં તેમણે કહ્યું હતું કે, પ્રધાનમંત્રી કેપી શર્મા ઓલી દ્વારા સંસદનો ગેરકાયદે ભંગ કરવાથી દેશની સંઘીય લોકતાંત્રિક પ્રણાલી માટે ગંભીર ખતરો પેદા થઇ ગયો છે.

તેમણે કહ્યું કે, ઓલીએ ન માત્ર પાર્ટીના બંધારણ અને પ્રક્રિયાઓનું ઉલ્લંઘન કર્યું છે પરંતુ નેપાળના બંધારણની મર્યાદાને પણ ક્ષતિ પહોંચાડી છે અને લોકતાંત્રિક પ્રણાલી વિરૂદ્ધ કામ કર્યું છે.