હોનારત ભૂલી ગયા? / દ્વારકામાં થોડા નફા માટે ભક્તોના જીવ સાથે રમત: ફેરી બોટમાં જોવા મળી ઘોર બેદરકારી

Dinesh

Last Updated: 03:53 PM, 2 January 2023

FOLLOW ON

શેર કરો

દ્વારારકામાં થોડા નફા માટે ભક્તોના જીવ સાથે રમત; લાઈફ જેકેટ વિના મુસાફરી કરવા સાથે બોટમાં પ્રવાસીઓની ભારે ભીડ પણ જોવા મળી

દ્વારકા આવતા પ્રવાસીઓની બેદરકારી
લાઈફ જેકેટ વિના પ્રવાસીઓની દરિયાની મુસાફરી
અઘટીત ઘટના બનશે તો જવાબદાર કોણ?

દ્વારાકામાં આવતાં પ્રવાસીઓની ઘોર બેદરકારી સામે આવી છે. પ્રવાસીઓ દરિયામાં લાઈફ જેકેટ વિના જ મુસાફરી કરતા જોવા મળી રહ્યાં છે. ફેરી બોટમાં પ્રવાસીઓ લાઈફ જેકેટ વિના મુસાફરી કરતા નજરે ચડ્યાં છે.

દ્વારકા આવતા પ્રવાસીઓની બેદરકારી
રાજ્યમાં બેદરકારી કે લાપરવાહીના કારણે ઘણીવાર વાર દુર્ઘટના સર્જાતી હોય છે જેના પછી તંત્ર જાગતુ હોય છે અને એક્શન મોડમાં રહેતું હોય છે પરંતુ થોડા દિવસમાં એ દુર્ઘટનાઓ ભૂલી જતો હોય તેવું લાગી રહ્યું છે. કારણ કે, દ્વારકા ફરવા આવતા પ્રવાસીઓની અને બોટ માલિકોની ઘોર બેદરકારી સામે આવી છે, જેમાં બોટની કેપિસિટી કરતા વધુ પ્રવાસીઓને બેસાડી મુસાફરી બોટ માલિકો નાનકડા નફા માટે કરાવતા હોય તેવા પણ દ્રશ્યો જોવા મળ્યા છે સાથો સાથ તમામ પ્રવાસીઓ લાઈફ જેકેટ વિના મુસાફરી કરતા હોય તેવું પણ જોવા મળી રહ્યાં છે. બોટમાં લાઈફ જેકેટ વિના દરિયામાં બોટ મારફતે મુસાફરી કરતા પ્રવાસીઓની ભારે ભીડ જોવા મળી છે.