નવી નિયુક્તી / પંજાબ કોંગ્રેસને મળ્યાં નવા અધ્યક્ષ, જાણો સોનિયા-રાહુલ ગાંધીએ કોની પસંદગી કરી

• પંજાબ કોંગ્રેસ અધ્યક્ષનું નામ જાહેર
• કોંગ્રેસે યૂથ કોંગ્રેસના પૂર્વ અધ્યક્ષને બનાવ્યાં પ્રદેશાધ્યક્ષ 
• અમરિન્દર સિંહ બરાડને સોંપી પ્રદેશાધ્યક્ષની જવાબદારી 
• નવજોત સિંહ સિદ્ધુના રાજીનામા બાદ ખાલી પડી હતી જગ્યા
• પંજાબમાં કારમી હાર બાદ સોનિયા ગાંધીએ સિદ્ધુનું રાજીનામું માગ્યું હતું 

પંજાબમાં કોંગ્રેસની કારમી બાદ તત્કાલિન પ્રદેશાધ્યક્ષ નવજોત સિંહ સિદ્ધુનું રાજીનામુ માગી લેવામાં આવ્યું હતું. ત્યારથી અત્યાર સુધી પંજાબ પ્રદેશાધ્યક્ષ પદ ખાલી પડ્યું હતું પરંતુ હવે કોંગ્રેસે આ જગ્યા ભરી દીધું છે અને યૂથ કોંગ્રેસના પૂર્વ અધ્યક્ષ અમરિન્દર સિંહ બરાડને પ્રદેશાધ્યક્ષ નિયુક્ત કરી દીધા છે. 

પ્રતાપસિંહ બાજવા ધારાસભ્ય દળના નેતા
કોંગ્રેસે પ્રતાપસિંહ બાજવા ધારાસભ્ય દળના નેતા બનાવ્યાં છે. સિદ્ધુ અને પૂર્વ સીએમ ચરણજીત સિંહ ચન્નીને કોઈ હોદ્દો આપવામાં આવ્યો નથી. 

Congress appoints party leader Amrinder Singh Brar (Raja Warring) as the Punjab Congress chief (PCC) and Pratap Singh Bajwa as the CLP leader for Punjab. pic.twitter.com/PNh8HXCvFu

— ANI (@ANI) April 9, 2022

કોણ છે  અમરિન્દર સિંહ બરાડ
 અમરિન્દર સિંહ બરાડ પૂર્વ મુખ્યમંત્રી ચરણજીત સિંહ સરકારમાં ટ્રાન્સપોર્ટ મિનિસ્ટર હતા તથા તેઓ યૂથ કોંગ્રેસના અધ્યક્ષ રહી ચૂક્યા છે. તેઓ રાહુલ ગાંધીની નજીકના નેતા હોવાનું કહેવાય છે. 

નવજોત સિંહ સિદ્ધુના રાજીનામાના એક મહિના બાદ કોંગ્રેસે કરી નિયુક્તી 

પંજાબ વિધાનસભા ચૂંટણીમાં કારમી હાર બાદ નવજોત સિંહ સિદ્ધુએ પાર્ટીના અંતરિમ અધ્યક્ષ સોનિયા ગાંધીના કહેવા પર પાર્ટી પ્રમુખ પદથી રાજીનામુ આપી દીધુ હતુ. ત્યારથી પાર્ટીના પ્રદેશ પ્રમુખનું પદ ખાલી પડ્યું છે. આ જ કડીમાં કોંગ્રેસ પાર્ટીએ શનિવારે પીસીસી ચીફ માટે અમરિંદર સિંહ બ્રારના નામ પર મહોર લગાવી દીધી છે.