- નવાઝુદ્દીન સિદ્દીકીની નવી ફિલ્મ ટીકુ વેડ્સ શેરુ રિલીઝ
- ફિલ્મમાં રોમાન્સ કરું ત્યારે શું હું વૃદ્ધ દેખાઉં છું?
- મેં પ્રેમનો અનુભવ કર્યો છે એટલે રોમેન્ટિક રોલ કરું છું
નવાઝુદ્દીન સિદ્દીકી અને અવનીત કૌરની ફિલ્મ ટીકુ વેડ્સ શેરુ 23 જૂને એમેઝોન પ્રાઇમ વિડિયો પર રિલીઝ થઈ ગઈ છે. જણાવી દઈએ કે નવાઝુદ્દીન સિદ્દીકીની નવી ફિલ્મ ટીકુ વેડ્સ શેરુ ફિલ્મનું ટ્રેલર થોડા દિવસો પહેલા જ રીલિઝ થયું હતું જેમાં નવાઝ તેના કરતા 28 વર્ષ નાની અભિનેત્રી અવનીત કૌરને કિસ કરતો જોવા મળ્યો હતો.
નવી પેઢી રોમાંસની બાબતમાં 'નલ્લી' છે
આ ટ્રેલર રિલીઝ થતાંની સાથે જ ઈન્ટરનેટ પર લોકો આ વાતને લઈને એમને ટ્રોલ કરી રહ્યા હતા. આ સાથે જ ફિલ્મ માટે તેમની જોડીની ટીકા પણ થઈ છે. કારણ કે નવાઝ 49 વર્ષનો છે અને અવનીત 21 વર્ષની છે. હવે નવાઝુદ્દીન સિદ્દીકીએ આ વિશે વાત કરતાં કહ્યું હતું કે નવી પેઢી રોમાંસની બાબતમાં 'નલ્લી' છે. એટલા માટે શાહરૂખ ખાન સહિત તમામ સિનિયર કલાકારોને રોમાન્સ કરતા દેખાડવા પડશે.આજકાલ વ્હોટ્સએપ પર જ બધું થાય છે. પ્રેમ હોય કે બ્રેકઅપ. તેની પાછળ એક કારણ છે કે રોમાંસ ફક્ત એવા લોકો જ કરી શકે છે જેને રોમાંસ જીવ્યો હોય. બીજું કોણ કરી શકે?"
ફિલ્મમાં રોમાન્સ કરું ત્યારે શું હું વૃદ્ધ દેખાઉં છું?
નવાઝુદ્દીન સિદ્દીકીએ કહ્યું હતું કે "જ્યારે તમે ઉંમરના તફાવત વિશે વાત કરો છો તો એ કેવી રીતે વાંધો છે? શું તમને લાગે છે કે હું વૃદ્ધ દેખાઉં છું? હું 10 વર્ષ પછી પણ રોમેન્ટિક ભૂમિકાઓ કરવાનું ચાલુ રાખીશ. હું આમાં વિશ્વાસ કરું છું અને એ પાર્ટ ભજવવા માટે હું મારી જાતને જાળવી રાખીશ. શાહરૂખ ખાન પણ આ કરે છે અને તે આમ કરી રહ્યો છે કારણ કે લોકો તેને રોમેન્ટિક હીરો તરીકે જુએ છે. શાહરૂખ રોમાંસનું પ્રતીક છે. તે આજના જમાના અને દિવસ જેવું નથી, જ્યાં લોકો વોટ્સએપ પર પ્રેમમાં પડે છે અને વોટ્સએપ પર બ્રેકઅપ થાય છે. '
મેં પ્રેમનો અનુભવ કર્યો છે એટલે રોમેન્ટિક રોલ કરું છું
આગળ વાત કરતાં તેને કહ્યું કે અમે ખરેખર આ બધુ અનુભવ્યું છે. એક સમય હતો જ્યારે મે ત્રણ વર્ષ સુધી મારા ગામની એક સ્ત્રીનો પીછો કર્યો. હું સખત ગરમીમાં તેના ઘરની બહાર રાહ જોતો... કારણ કે હું પ્રેમમાં હતો. પ્રેમ ખરેખર મહત્વપૂર્ણ છે. તે તમને શીખવે છે કે કેવી રીતે રોમેન્ટિકાઇઝ કરવું. આ વિશે તમે જાણો છો? જો તમે કોઈને પ્રેમ કરો છો, તો તેને લઈને તમારામાં જૂનુન હશે. જો તમને તમારું કામ ગમે છે, તો તેને લઈને જૂનુન હશે. રોમાંસ માટે તેને લઈને જૂનુનની હાજરી મહત્વપૂર્ણ છે. તેથી હું ફિલ્મો પ્રત્યે ઉત્સાહી છું અને ફિલ્મોમાં કામ કરું છું.'
.jpg)
શરૂઆતમાં મને ફિલ્મોમાં માત્ર એક સીનનો જ રોલ મળતો
આ સાથે જ નવાઝુદ્દીને તે વિશે પણ વાત કરી હતી કે જ્યારે તે ફિલ્મોમાં નાની ભૂમિકાઓ ભજવી રહ્યો હતો. તેને કહ્યું કે "હું જે નાની ભૂમિકાઓ ભજવતો હતો તેના પરથી લોકો મને જોવા લાગ્યા હતા. મારી પહેલી ફિલ્મ સરફરોશ હતી. મેં આ ફિલ્મમાં ખૂબ જ નાનો રોલ કર્યો હતો. જે બાદ મને ફિલ્મોમાં માત્ર એક સીનનો જ રોલ મળતો હતો. આખરે, મેં કંટાળીને નક્કી કર્યું કે હવે મારે એક ફિલ્મમાં બે સીન જોઈએ છે. અચાનક, મને કાસ્ટિંગ ડિરેક્ટરનો ફોન આવ્યો કે, 'નવાઝ ભાઈ, ફિલ્મમાં એક સીન છે, તમે કરશો? અને મેં કહ્યું, ' હવે બે સીન મળશે તો જ ફૂ ફિલ્મ કરીશ એક સીનવાળી ફિલ્મો માટે મને ફોન ન કરતાં.' ત્યારપછી મને ઓછામાં ઓછા બે સીનવાળી ફિલ્મોની ઓફર મળવા લાગી. મેં મારા જીવનના 5-6 વર્ષ આવી રીતે કામ કર્યું પછી મેં નક્કી કર્યું કે મારે ત્રણ સીન તરફ આગળ વધવું છે અને આ રીતે મને મોટી ફિલ્મો મળતી રહી.
