બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / સુરતના સમાચાર / નવસારીમાં પૂરની વિનાશલીલા, આર્મીથી લઈને રાહત કેમ્પ સુધીની તસવીરોમાં સમગ્ર સ્થિતિ
11 ફોટો ગેલેરી
Last Updated: 12:41 PM, 24 July 2026
FOLLOW ON
શેર કરો
1/11
નવસારી જિલ્લાના બિલીમોરા વિસ્તારમાં ભારે વરસાદને કારણે સર્જાયેલી પૂર જેવી પરિસ્થિતિ વચ્ચે NDRFની ટીમ દ્વારા રાહત અને બચાવ કામગીરી હાથ ધરવામાં આવી રહી છે. NDRF જવાનોએ અસરગ્રસ્ત વિસ્તારોમાં પહોંચીને 21 લોકોને સુરક્ષિત સ્થળે ખસેડ્યા છે. સતત વરસી રહેલા વરસાદને કારણે નીચાણવાળા વિસ્તારોમાં પાણી ભરાતા પ્રશાસન અને બચાવ દળો દ્વારા કામગીરી વધુ તેજ કરવામાં આવી છે.
આ તસવીર શેર કરો
2/11
નવસારીમાં ભારે વરસાદના કારણે અંબિકા નદીમાં પૂર જેવી સ્થિતિ સર્જાઈ છે. નદીના પાણી વધતા અનેક વિસ્તારોમાં પાણી ભરાયા છે, જેના પગલે જનજીવન પ્રભાવિત થયું છે. ગણદેવી સહિતના અસરગ્રસ્ત વિસ્તારોમાં રાહત અને બચાવ કામગીરી માટે NDRFની ટીમો તૈનાત કરવામાં આવી છે. દરમિયાન ભાઠા ગામના ગોળા ફળિયામાં પૂરનાં પાણી વચ્ચે એક માતા અને બાળક ફસાઈ ગયા હતા. ઘટનાની જાણ થતાં જ NDRFની ટીમ તાત્કાલિક ઘટનાસ્થળે પહોંચી હતી અને દિલધડક રેસ્ક્યૂ ઓપરેશન હાથ ધરી બંનેને સુરક્ષિત રીતે બહાર કાઢ્યા હતા. સતત વરસાદને કારણે પરિસ્થિતિ પર નજર રાખવામાં આવી રહી છે અને અસરગ્રસ્ત વિસ્તારોમાં બચાવ કામગીરી સતત ચાલુ છે.
આ તસવીર શેર કરો
3/11
વલસાડમાં અવિરત વરસી રહેલા વરસાદને કારણે અનેક વિસ્તારોમાં પાણી ભરાયા છે. આ દરમિયાન વલસાડ પોલીસે પૂરગ્રસ્ત વિસ્તારોમાં તાત્કાલિક રેસ્ક્યૂ કામગીરી હાથ ધરી હતી. પાણીના ધસમસતા પ્રવાહમાં ફસાયેલા 20થી વધુ લોકોને પોલીસે ભારે જોખમ વચ્ચે સુરક્ષિત રીતે બહાર કાઢ્યા હતા. કપરી પરિસ્થિતિમાં પોલીસ જવાનોની સતર્કતા અને હિંમતભરી કામગીરીથી અનેક લોકોના જીવ બચ્યા હતા. ફસાયેલા તમામ લોકોને સલામત સ્થળે પહોંચાડવામાં આવ્યા હતા.
આ તસવીર શેર કરો
4/11
નવસારીમાં ભારે વરસાદને કારણે પૂર જેવી સ્થિતિ વધુ ગંભીર બની છે. અગાઉ પાણીમાંથી રેસ્ક્યૂ કરીને ટાટા હાઈસ્કૂલમાં આશરો અપાયેલા લોકોને ફરી એકવાર સ્થળાંતર કરવાની ફરજ પડી છે, કારણ કે સતત વરસાદને કારણે શાળાના પરિસરમાં પણ પાણી ભરાઈ ગયા છે. જિલ્લામાં વરસાદી પાણીના કારણે જનજીવન પર વ્યાપક અસર જોવા મળી રહી છે. નવસારીના આશરે 250 માર્ગો પર પાણી ફરી વળતાં વાહનવ્યવહાર ખોરવાયો છે, જ્યારે નવસારી-સુરત સ્ટેટ હાઈવે પણ પાણીમાં ગરકાવ થતાં લોકોને ભારે મુશ્કેલીનો સામનો કરવો પડી રહ્યો છે. ભેશતખાડા, કાશીવાડી અને રિંગરોડ સહિતના વિસ્તારોમાં પાણી ભરાતા સ્થાનિકોની મુશ્કેલીમાં વધારો થયો છે.
આ તસવીર શેર કરો
5/11
નવસારી જિલ્લામાં પૂરની ગંભીર પરિસ્થિતિને પહોંચી વળવા માટે NDRF અને SDRFની ટીમો સાથે હવે સ્પેશિયલ મિલિટરી બટાલિયનને પણ મેદાનમાં ઉતારવામાં આવી છે. વહીવટી તંત્ર દ્વારા બચાવ અને રાહત કામગીરીને વધુ ઝડપી બનાવવા માટે આર્મીની મદદ લેવામાં આવી છે.
આ તસવીર શેર કરો
6/11
અંબિકા અને કાવેરી નદીમાં આવેલા પૂરના કારણે ગણદેવી તાલુકાના અનેક ગામોમાં ભારે નુકસાન નોંધાયું છે. હજારો વાહનો પાણીમાં તણાઈ જતાં કરોડો રૂપિયાની સંપત્તિને નુકસાન પહોંચ્યું છે અને અનેક વિસ્તારોમાં જનજીવન અસ્તવ્યસ્ત બન્યું છે.
આ તસવીર શેર કરો
7/11
વરસાદનું જોર ઘટતાં અંબિકા અને કાવેરી નદીનું જળસ્તર નીચે આવ્યું છે, પરંતુ પાણી ઉતરતા માર્ગો, પુલો અને જાહેર સુવિધાઓને થયેલું ભારે ધોવાણ સામે આવ્યું છે. કેટલાક મુખ્ય રસ્તાઓ હજુ પણ વાહનવ્યવહાર માટે બંધ રાખવામાં આવ્યા છે.
આ તસવીર શેર કરો
8/11
પૂરગ્રસ્તોને સલામત સ્થળે ખસેડવામાં આવ્યા હતા, પરંતુ કેટલાક આશ્રયસ્થાનોની આસપાસ પણ પાણી ભરાઈ જતાં લોકો ફરી મુશ્કેલીમાં મુકાયા છે. અનેક પરિવારો માટે હવે વધુ સુરક્ષિત સ્થળ શોધવાની જરૂરિયાત ઊભી થઈ છે.
આ તસવીર શેર કરો
9/11
ગણદેવી નજીક અંબિકા નદી પર આવેલા પુલની સેફ્ટી રેલિંગ તૂટી જતાં બચાવ કામગીરી માટે જતા માર્ગમાં અવરોધ સર્જાયો હતો. NDRFની ટીમે સ્થળ પર જ રસ્તો સાફ કરીને રાહત કામગીરી ફરી શરૂ કરી.
આ તસવીર શેર કરો
10/11
પૂર્ણા નદીના પૂરના કારણે શહેરને જોડતો મહત્વનો ઓવરબ્રિજ પાણીમાં ગરકાવ થઈ ગયો છે. પરિણામે પૂર્વ અને પશ્ચિમ નવસારી વચ્ચેનો સંપર્ક તૂટી ગયો છે અને હજારો લોકોને અવરજવરમાં ભારે મુશ્કેલીનો સામનો કરવો પડી રહ્યો છે.
આ તસવીર શેર કરો
11/11
પાણી ધીમે ધીમે ઓસરતું હોવા છતાં અનેક વિસ્તારોમાં વીજળી, રસ્તા અને આવશ્યક સેવાઓ હજુ સંપૂર્ણ રીતે પુનઃસ્થાપિત થઈ નથી. વહીવટી તંત્ર, સુરક્ષા દળો અને સ્થાનિક લોકો મળીને અસરગ્રસ્ત વિસ્તારોમાં રાહત અને પુનર્વસનની કામગીરી આગળ વધારી રહ્યા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
5 ફોટોઝ
Mangal Gochar 2026 / આજથી મંગળ બદલશે ચાલ! આ 4 રાશિઓ માટે શરૂ થશે ગોલ્ડન પીરિયડ, મળશે બમ્પર લાભ
ટોપ સ્ટોરીઝ
