6 ફોટો ગેલેરી

મુંબઇ / iPhone ઓર્ડર કર્યો હતો, પાર્સલ ખોલતા જ ગ્રાહકના હોશ ઉડી ગયા, કોર્ટે કંપનીને ફટકાર્યો લાખોનો દંડ

Last Updated: 01:12 PM, 24 July 2026

FOLLOW ON

શેર કરો

Mumbai: ઓનલાઈન શોપિંગ છેતરપિંડીનો એક વિચિત્ર કિસ્સો પ્રકાશમાં આવ્યો છે. મુંબઈના એક ગ્રાહકને તેના પાર્સલમાં Apple iPhone 14 Pro ને બદલે દાઢી વધારવાનું તેલ મળ્યું. હવે મુંબઈ સબઅર્બન જિલ્લા ગ્રાહક તકરાર નિવારણ પંચે પોતાનો ચુકાદો સંભળાવ્યો છે.

1/6

1. ફોનને બદલે બીજુ કંઇક નીકળ્યું

મુંબઈ ગ્રાહક પંચે ફ્લિપકાર્ટ અને એક વિક્રેતાને ₹1.81 લાખથી વધુ રકમ ચૂકવવાનો આદેશ આપ્યો છે, જ્યારે એક ગ્રાહકને iPhone 14 Pro ને બદલે પાર્સલ ખોલતા તેલ મળ્યું. ફ્લિપકાર્ટ અને વિક્રેતાને ગ્રાહકને ₹1.81 લાખથી વધુ રકમ પરત કરવાનો આદેશ આપવામાં આવ્યો છે.

આ તસવીર શેર કરો

2/6

2. સમગ્ર કેસ જાણો

મુંબઈના પવઈ વિસ્તારના ફરિયાદીએ 22 એપ્રિલ 2023 ના ફ્લિપકાર્ટ પરથી નો-કોસ્ટ EMI પર ₹1,11,793 માં Apple iPhone 14 Pro 128 GB ખરીદ્યો હતો. ફરિયાદી મુજબ ચાર્જર અને કવર બરોબર ડિલિવર કરવામાં આવ્યા હતા, પરંતુ બીજા દિવસે આવેલ મુખ્ય પેકેજ ખોલતી વખતે મોંઘા ફોનના બદલે દાઢી વૃદ્ધિનું તેલ અને પેકિંગ સામગ્રી મળી આવી હતી.

આ તસવીર શેર કરો

3/6

3. સોલ થયેલી બતાવી ફરિયાદ બંધ કરી દીધી

ફરિયાદીએ એપ્રિલ અને મે 2023 વચ્ચે વારંવાર ફ્લિપકાર્ટ કસ્ટમર સપોર્ટનો વારંવાર સંપર્ક કર્યો અને બધા દસ્તાવેજો પૂરા પાડ્યા, પરંતુ કંપનીએ રિફંડ વગર કે રિપ્લેસમેન્ટ આપ્યા વગર ફરિયાદને વારંવાર સોલ થયેલી બતાવી અને પછી બંધ કરી દીધી.

આ તસવીર શેર કરો

4/6

4. કમિશનનો આદેશ

આ મહિનાની શરૂઆતમાં કમિશને તેના આદેશમાં જણાવ્યું હતું કે અસરકારક રાહત આપ્યા વિના વારંવાર ફરિયાદો બંધ કરવી એ અયોગ્ય વ્યાપાર વ્યવહાર છે. કમિશને જણાવ્યું હતું કે ઈ-કોમર્સ કંપની વેચાણમા મદદ કર્યા પછી કોઇ ટ્રાંજેક્શનથી પોતાને અલગ કરી શકતી નથી, ખાસ કરીને જ્યારે ગ્રાહક તરત જ સંપૂર્ણપણે અલગ પ્રોડક્ટ મળ્યાની જાણ કરે છે.

આ તસવીર શેર કરો

5/6

5. સેવામાં ખામી માની

પેનલે જણાવ્યું હતું કે ખોટી પ્રોડક્ટ ડિલેવરી કરવી, તેને પાછી ના લેવી, રિપ્લેસમેન્ટ કે રિફંડ ના આપવું અને પછી ફરિયાદ બંધ કરવી એ સેવામાં સ્પષ્ટ ખામી છે. તેથી પ્લેટફોર્મ અને વેચનાર બંને સંયુક્ત રીતે જવાબદાર છે.

આ તસવીર શેર કરો

6/6

6. ગ્રાહકને વળતર આપવું પડશે

કોર્ટે ફ્લિપકાર્ટ અને વેચનારને 22 એપ્રિલ 2023 થી વાર્ષિક ₹111,000 ની મૂળ રકમ, 9% વ્યાજ દરે, માનસિક તકલીફ પેટે વળતર તરીકે ₹50,000 અને કાનૂની ખર્ચ તરીકે 20 હજાર રૂપિયા 45 દિવસની અંદર ચૂકવવાનો નિર્દેશ આપ્યો છે.

આ તસવીર શેર કરો

સંકળાયેલા મુદ્દાઓ

Apple Phone Online Shopping E-commerce Company