ચર્ચા / ''પહેલાની સરકારે પણ પેપર લીક કરવામાં...'', સંસદમાં પક્ષ-વિપક્ષ આમને સામને

પેપર લીક પર ચર્ચા આજે મંગળવારે લોકસભામાં શરૂ થઈ. મોદી સરકારે પેપર લીક સામે પબ્લિક એગ્જામિનેશન (અન્યાયી ઉપાયો નિવારણ) સુધારા બિલ રજૂ કર્યું, જેના પર 10 કલાક ચર્ચા થશે. કેન્દ્રીય મંત્રી ડૉ. જીતેન્દ્ર સિંહે સરકાર વતી ચર્ચા શરૂ કરી. તેમણે યુપીએ સરકાર દરમિયાન થયેલા પેપર લીક માટે કોંગ્રેસને બરોબરની ઘેરી હતી. ડૉ. જીતેન્દ્ર સિંહે જણાવ્યું હતું કે અગાઉની સરકારોએ પેપર લીક સામે અસરકારક પગલાં લીધા ન હતા. દરમિયાન કોંગ્રેસના સાંસદ ગૌરવ ગોગોઈએ કેન્દ્ર સરકારના બિલને માત્ર દેખાડો ગણાવ્યું છે.

સરકાર વતી ચર્ચાની શરૂઆત કેન્દ્રીય મંત્રી ડૉ. જીતેન્દ્ર સિંહે કરી. તેમણે યુપીએ સરકાર દરમિયાન થયેલા પેપર લીકને લઇ કોંગ્રેસને ઘેરી હતી. ડૉ. જીતેન્દ્ર સિંહે કહ્યુ હતું કે અગાઉની સરકારોએ પેપર લીક સામે અસરકારક પગલાં લીધા ન હતા.

લોકસભામાં મંગળવારે પેપર લીક પર ચર્ચા શરૂ થઈ. મોદી સરકારે પેપર લીક સામે પબ્લિક એગ્ઝામિનેશંસ સુધારા બિલ રજૂ કર્યું છે, જેના પર 10 કલાક ચર્ચા થશે. સરકાર વતી કેન્દ્રીય મંત્રી ડૉ. જીતેન્દ્ર સિંહે ચર્ચા શરૂ કરી. તેમણે યુપીએ સરકાર દરમિયાન થયેલા પેપર લીક અંગે કોંગ્રેસ પાર્ટી પર પ્રહારો કર્યા. ડૉ. જીતેન્દ્ર સિંહે કહ્યું કે અગાઉની સરકારોએ પેપર લીક સામે કોઈ અસરકારક કાર્યવાહી કરી ન હતી. કોંગ્રેસના સાંસદ ગૌરવ ગોગોઈએ જીતેન્દ્ર સિંહના હુમલાનો જવાબ આપતા સરકારના બિલને બનાવટી ગણાવ્યું હતું.

ગૃહમાં ચર્ચા શરૂ કરતા ડૉ. જીતેન્દ્ર સિંહે કહ્યું, "રેલ્વે પરીક્ષાનું પેપર 2009માં લીક થયું હતું. દિલ્હી AIIMS પરીક્ષાનું પેપર 2012માં લીક થયું હતું. પેપર લીક એ કોઈ એક રાજ્ય સુધી મર્યાદિત સમસ્યા નથી. પેપર લીક સામે ચોક્કસ કાયદાની જરૂર છે."

જીતેન્દ્ર સિંહે બિલમાં જોગવાઈઓ સમજાવી

પબ્લિક એગ્ઝામિનેશન (અન્યાયી ઉપાયો નિવારણ) સુધારા બિલ, 2026 પર બોલતા કેન્દ્રીય મંત્રી જિતેન્દ્ર સિંહે કહ્યું, "આ સુધારો કાયદાને વધુ કડક બનાવવા અને ઝડપી ન્યાય સુનિશ્ચિત કરવા માટે લાવવામાં આવી રહ્યો છે, જેનાથી આ બધી પરીક્ષાઓની વિશ્વસનીયતામાં વધારો અને પુનઃસ્થાપન થાય છે.... કલમ 10ની પેટા-કલમ 1માં જોગવાઈ કરે છે કે સંડોવાયેલા કોઈપણ વ્યક્તિને ઓછામાં ઓછી 3-5 વર્ષની સજા અને ₹10 લાખ સુધીનો દંડ થઈ શકે છે.

તેમણે કહ્યું કે આજે રજૂ કરવામાં આવી રહેલા સુધારા હેઠળ આ સજા વધારીને ઓછામાં ઓછી 5-10 વર્ષની સજા અને ₹50 લાખ સુધીનો દંડ કરવામાં આવ્યો છે. 2024ના કાયદામાં સેવા પ્રદાતાઓ માટે ₹1 કરોડ સુધીના દંડની જોગવાઈ હતી. તે હવે વધારીને ₹5 કરોડ કરવામાં આવ્યો છે. 2024ના કાયદામાં એમ પણ કહેવામાં આવ્યું હતું કે પ્રદાતાઓને આગામી 4 વર્ષ સુધી કોઈપણ પરીક્ષાઓ યોજવાથી પ્રતિબંધિત કરવામાં આવશે. આજે, આ સુધારા હેઠળ તે સમયગાળો 8 વર્ષ કરવામાં આવ્યો છે."

કેન્દ્રીય મંત્રીએ કહ્યું કે, આખરે સંગઠિત ગુનાના કેસોમાં, જ્યાં માફિયા ગેંગ્સ સંડોવાયેલી હોય છે, સજા પહેલા 5-10 વર્ષ હતી. તે વધારીને 7-10 વર્ષ કરવામાં આવી છે, અને દંડ પહેલા ₹1 કરોડ સુધીનો હતો. હવે તેને વધારીને ₹10 કરોડ કરવાનો પ્રસ્તાવ છે. સૌથી મહત્વપૂર્ણ બાબત જેનો પ્રધાનમંત્રીએ વીડિયોમાં ઉલ્લેખ પણ કર્યો હતો, તે છે ઝડપી ન્યાય સુનિશ્ચિત કરવો. અમે પરીક્ષાઓમાં અન્યાયી માધ્યમો સાથે સંકળાયેલા કેસો માટે ખાસ ફાસ્ટ-ટ્રેક કોર્ટની સ્થાપના કરીશું... અમે તેના માટે સમય મર્યાદા પણ નક્કી કરી છે. તપાસ 2 મહિનાની અંદર પૂર્ણ થવી જોઈએ, પછી ભલે તે કેન્દ્રીય એજન્સી દ્વારા હોય કે ખાસ ટાસ્ક ફોર્સ દ્વારા.

ગૌરવ ગોગોઈએ કહ્યું, "આ બિલ ફક્ત એક દેખાડો છે"

ડૉ. જીતેન્દ્ર સિંહ પછી, કોંગ્રેસ વતી ગૌરવ ગોગોઈએ ચર્ચા શરૂ કરી. તેમણે પેપર લીક અંગે મોદી સરકાર પર નિશાન સાધ્યું. ગૌરવ ગોગોઈએ કહ્યું કે સરકાર શિક્ષણ વિભાગ પ્રત્યે ગંભીર નથી. પેપર લીક વિરોધી બિલ ફક્ત એક દેખાડો છે. આ બિલ 2024 માં રજૂ કરવામાં આવ્યું હતું. તે સમયે સરકારે તેને ઐતિહાસિક ગણાવ્યું હતું.

ગોગોઈએ કહ્યું કે જૂના બિલમાં સુધારો કરીને તેને નવા તરીકે રજૂ કરવામાં આવ્યું છે. સરકારે 2024 માં પણ મોટી મોટી વાતો કરી હતી. તે સમયે લોકો યુજીસીને લઇ ચિંતિત હતા. NEET-UG 2024 ની પરીક્ષામાં 45 માંથી 41 આરોપીઓને જામીન મળી ગયા છે. તે સમયે ધર્મેન્દ્ર પ્રધાન શિક્ષણ મંત્રી હતા. રાજીનામું આપ્યા પછી ધર્મેન્દ્ર પ્રધાનનું સન્માન કરવામાં આવ્યું હતું. વ્યાપક ચર્ચાને બદલે સોશિયલ મીડિયા પર ધ્યાન કેન્દ્રિત કરવામાં આવ્યું છે.

આ પણ વાંચોઃ શું તમે જાણો છો? ભારતમાં એક એવા વ્યક્તિ હતા જેમના ઘર પાસે જ હતું પોતાનું રેલવે સ્ટેશન!

કોંગ્રેસના સાંસદે વધુમાં કહ્યું કે ધર્મેન્દ્ર પ્રધાનના શિક્ષણ મંત્રી તરીકેના કાર્યકાળ દરમિયાન 21 બાળકોએ પોતાનો જીવ આપી દીધો. રાજીનામું આપીને જ્યારે તેઓ સંસદમાં પ્રવેશ્યા ત્યારે ભાજપના સાંસદોએ તેમનું સ્વાગત એવી રીતે કર્યું જાણે તેમણે પાકિસ્તાન સાથે યુદ્ધ લડીને આવ્યા હોય. એનટીએના વરિષ્ઠ અધિકારીઓ એક ખાસ સંગઠન સાથે સંકળાયેલા છે. સરકાર NTA ચેરમેનનું રક્ષણ કરી રહી છે. બાળકોની વેદના સમજવી જોઈએ.

તેમણે કહ્યું કે સરકારના વલણથી હતાશ વિદ્યાર્થીઓ આત્મહત્યા કરી રહ્યા છે. આજે વિદ્યાર્થીઓ નારાજ અને દુઃખી છે. વિદ્યાર્થીઓ સરકારને પ્રશ્નો પૂછી શકતા નથી. પેપર લીક થવાથી વિદ્યાર્થીઓ પર માનસિક દબાણ આવી રહ્યું છે. વિદ્યાર્થીઓ તેમના પરિવારોને જાણ કર્યા વિના દિલ્હી આવ્યા અને વિરોધ પ્રદર્શનમાં જોડાયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ