દિલ્હી / એક.. બે.. ત્રણ.. બાદ ચારેયકોરથી લાફાવાળી, iPhone 17ના સ્ટોર બહાર જોરદાર ધબાધબી, જુઓ VIDEO

ભારતમાં યુવાનોમાં iPhoneનો ક્રેઝ દિવસેને દિવસે વધતો જાય છે. એપલની નવી iPhone 17 સિરીઝ આજથી ભારતમાં વેચાણ માટે ઉપલબ્ધ થઈ ગઈ છે. દિલ્હી અને મુંબઈના એપલ સ્ટોર્સ બહાર રાતના 12 વાગ્યાથી જ લોકોની લાંબી કતારો જોવા મળી રહી છે. દક્ષિણ-પૂર્વ દિલ્હીના સાકેત મોલ અને મુંબઈના બાંદ્રા-કુર્લા કોમ્પ્લેક્સ (BKC) સ્ટોર બહાર iPhone 17 ખરીદવા માટે ભારે ભીડ ઉમટી હતી. BKC જિયો સેન્ટર સ્ટોર બહાર ભીડના કારણે હાથાપાઈની ઘટના પણ બની, જેના લીધે સુરક્ષાકર્મીઓએ હસ્તક્ષેપ કરવો પડ્યો.

દિલ્હીના સાકેત મોલમાં સવારથી જ લોકોની લાંબી કતારો જોવા મળી. iPhone 17 સિરીઝને સૌથી પહેલા ખરીદવા માટે લોકોમાં ભારે ઉત્સાહ જોવા મળ્યો. ઘણા લોકો રાતથી જ કતારમાં ઊભા રહીને પોતાની વારીની રાહ જોતા હતા. એક ખરીદદારે જણાવ્યું કે, “હું iPhoneનો ચાહક છું અને નવી સિરીઝ લોન્ચ થતાં જ તેને ખરીદવા માટે આવ્યો છું. આ ફોનની ડિઝાઇન અને ફીચર્સ અદ્ભુત છે.” મુંબઈના BKC એપલ સ્ટોર બહાર પણ લોકોનો ધસારો જોવા મળ્યો. અહીં ભીડ એટલી બધી હતી કે અફરાતફરીનું વાતાવરણ સર્જાયું. BKC જિયો સેન્ટર સ્ટોર બહાર કેટલાક લોકો વચ્ચે હાથાપાઈની ઘટના બની, જેના કારણે સુરક્ષાકર્મીઓએ સ્થિતિને કાબૂમાં લેવી પડી. એક ખરીદદાર મનોજે જણાવ્યું, “હું અમદાવાદથી ખાસ આ ફોન ખરીદવા આવ્યો છું. સવારના પાંચ વાગ્યાથી હું અહીં રાહ જોઈ રહ્યો છું.

iPhoneની આ નવી સિરીઝ ખરીદવાનો ઉત્સાહ અલગ જ છે.” ભારતમાં iPhoneની દરેક નવી સિરીઝના લોન્ચ સાથે લોકોમાં ઉત્સાહનું વાતાવરણ જોવા મળે છે. આ પ્રીમિયમ સ્માર્ટફોનની ડિઝાઇન, ફીચર્સ અને બ્રાન્ડ વેલ્યુ યુવાનોને આકર્ષે છે. ખાસ કરીને યુવા વર્ગમાં iPhoneનો ક્રેઝ સતત વધી રહ્યો છે. નવી સિરીઝના લોન્ચ સાથે જ લોકો તેને ખરીદવા માટે આતુર થઈ જાય છે. આ વખતે iPhone 17 સિરીઝના નવા ફીચર્સ અને અપગ્રેડેડ ટેકનોલોજીએ લોકોનું ધ્યાન ખેંચ્યું છે. iPhone 17 સિરીઝ મુંબઈ, દિલ્હી, બેંગલુરુ અને પુણેના એપલના અધિકૃત સ્ટોર્સ પર ઉપલબ્ધ છે. આ ઉપરાંત, એપલની અધિકૃત વેબસાઈટ પરથી પણ આ ફોન ખરીદી શકાય છે.

વધુમાં વાંચો: Gen-Zએ સરકાર ઉથલાવ્યા બાદ પૂર્વ PM ઓલી પહેલીવાર દેખાયા, ભાડાના ઘરમાં કરી રહ્યા છે ગુજરાન

ઓનલાઈન ખરીદીનો વિકલ્પ એવા લોકો માટે અનુકૂળ છે જેઓ સ્ટોર્સ પર જઈ શકતા નથી. એપલે આ સિરીઝને વધુ સુલભ બનાવવા માટે ઓનલાઈન અને ઓફલાઈન બંને પ્લેટફોર્મ પર વેચાણની વ્યવસ્થા કરી છે. ભારતમાં iPhoneનું બજાર સતત વિસ્તરી રહ્યું છે. એપલની બ્રાન્ડ ઈમેજ અને ઉચ્ચ ગુણવત્તાના ફોન્સ લોકોને આકર્ષે છે. iPhone 17 સિરીઝના લોન્ચ સાથે એપલે ભારતીય બજારમાં પોતાની સ્થિતિને વધુ મજબૂત કરી છે. યુવાનોમાં આ ફોનની લોકપ્રિયતા એ દર્શાવે છે કે ભારતમાં પ્રીમિયમ સ્માર્ટફોનની માંગ સતત વધી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ