વેધર અપડેટ / ગુજરાત સહિતના રાજ્યો માટે આગામી દિવસો અતિ 'ભારે', આજે 20 રાજ્યોમાં એલર્ટ

Weather News: શ્રાવણ મહિનો ચાલુ થઈ ગયો છે, ત્યારે મેઘરાજાએ પણ પોતાના બીજા રાઉન્ડની ધમાકેદાર શરૂઆત કરી દીધી છે. ત્યારે ગુજરાત સહિત દેશના કેટલાય રાજ્યોમાં ભારે વરસાદ થઈ રહ્યો છે. હવામાન વિભાગે 28 જુલાઈ એટલે કે આજે દેશના કેટલાક રાજ્યોમાં ભારે વરસાદની ચેતવણી જારી કરી છે. આ દરમિયાન તાપમાનમાં પણ ઘટાડો થવાની ધારણા છે. રાજધાની દિલ્હીમાં પણ હવામાન સતત બદલાઈ રહ્યું છે. આગામી ત્રણ દિવસ દિલ્હીમાં ભારે વરસાદની આગાહી કરવામાં આવી છે.

28 અને 29 જુલાઈના રોજ પૂર્વી રાજસ્થાનમાં કેટલાક સ્થળોએ ભારે વરસાદ થવાની સંભાવના વ્યક્ત કરવામાં આવી છે. 29 થી 31 જુલાઈ દરમિયાન પશ્ચિમ હિમાલય ક્ષેત્રમાં ભારેથી અતિ ભારે વરસાદનો નવો રાઉન્ડ શરૂ થવાની શક્યતા છે. 28 જુલાઈના રોજ પશ્ચિમ ઉત્તર પ્રદેશ, ઉત્તરાખંડ, હિમાચલ પ્રદેશ, જમ્મુ અને કાશ્મીરમાં કેટલાક સ્થળોએ ખૂબ જ ભારે વરસાદ પડી શકે છે. 28 જુલાઈથી 2 ઓગસ્ટ દરમિયાન હરિયાણા, ચંદીગઢ, રાજસ્થાનમાં કેટલાક સ્થળોએ ભારે વરસાદની શક્યતા છે.

આગામી 7 દિવસ કેવું રહેશે હવામાન?

આગામી 7 દિવસ દરમિયાન પશ્ચિમ હિમાલય પ્રદેશ અને મેદાની વિસ્તારોમાં ગાજવીજ સાથે ઘણી જગ્યાએ વરસાદ પડી શકે છે. આજે 28 જુલાઈના રોજ ગુજરાતમાં અલગ અલગ સ્થળોએ ભારે વરસાદ પડી શકે છે. 28 થી 30 જુલાઈ દરમિયાન કોંકણ અને ગોવા, ગુજરાત રાજ્ય, મધ્ય મહારાષ્ટ્રના ઘાટ વિસ્તારોમાં કેટલાક સ્થળોએ ભારે વરસાદ પડી શકે છે. બંગાળની ખાડીમાં બની રહેલા નવા લો પ્રેશરના કારણે ગુજરાતમાં ફરીથી વરસાદનો તોફાની રાઉન્ડ શરૂ થઈ ચૂક્યો છે. મેઘરાજાની તોફાની બેટિંગના કારણે રાજ્યના કેટલાય વિસ્તારોમાં જળબંબાકાર થઈ ગયું છે.

વરસાદનો નવો રાઉન્ડ શરૂ

1 થી 3 ઓગસ્ટ દરમિયાન ઉત્તરપૂર્વ ભારતમાં ભારેથી અતિ ભારે વરસાદ થવાની સંભાવના છે. 1 અને 2 ઓગસ્ટના રોજ નાગાલેન્ડ, મણિપુર, મિઝોરમ અને ત્રિપુરામાં અલગ અલગ સ્થળોએ ખૂબ જ ભારે વરસાદ પડી શકે છે. 27 જુલાઈથી 2 ઓગસ્ટ દરમિયાન અરુણાચલ પ્રદેશ, આસામ અને મેઘાલયમાં ઘણી જગ્યાએ ખૂબ જ ભારે વરસાદ પડી શકે છે.

આ પણ વાંચો: મનસા દેવી અકસ્માતના બીજા દિવસે બારાબંકી મંદિરમાં ભાગદોડ, 2 ભક્તોના મોત

28 થી 31 જુલાઈ દરમિયાન મધ્યપ્રદેશ, છત્તીસગઢ, પશ્ચિમ બંગાળ, સિક્કિમ, બિહાર, ઝારખંડ, ઓડિશા, પશ્ચિમ મધ્યપ્રદેશમાં કેટલાક સ્થળોએ ખૂબ જ ભારે વરસાદ પડી શકે છે. આગામી 5 દિવસ દરમિયાન આ વિસ્તારોમાં ગાજવીજ સાથે ભારે પવન ફૂંકાઈ શકે છે. 28 જુલાઈના રોજ તમિલનાડુમાં કેટલાક સ્થળોએ વરસાદ પડી શકે છે. 28 થી 30 જુલાઈ દરમિયાન કેરળ અને દક્ષિણ આંતરિક કર્ણાટકના માહેમાં ખૂબ ભારે વરસાદની સંભાવના છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ