શિક્ષણ / ICSE કે CBSE.. બાળકના ઉજ્જવણ ભવિષ્ય માટે કયું શિક્ષણ બોર્ડ વધારે સારું? જાણો ફાયદા

હવે નવા શૈક્ષણિક સત્રની શરૂઆત થઈ ચૂકી છે, અને ઘણા વાલીઓએ બાળકોનો પ્રવેશ કરાવી દીધો છે અથવા પ્રવેશ માટે પ્રયત્નશીલ છે. આવા સમયે ઘણા વાલીઓના મનમાં પ્રશ્ન ઊભો થાય છે કે ICSE અને CBSE માંથી કયું બોર્ડ વધુ સારું છે. બંને બોર્ડના કેટલાક મૂળભૂત તફાવતો છે, જેને ધ્યાનમાં લેતા એ સમજવું જરૂરી છે કે આપણા બાળક માટે કયું બોર્ડ વધુ યોગ્ય રહેશે.

CBSE બોર્ડથી અભ્યાસ કરવાના ફાયદા

• સિલેબસ સરળ અને સંક્ષિપ્ત હોય છે, જેમાં ખાસ કરીને વિજ્ઞાન અને ગણિત પર વધુ ધ્યાન આપવામાં આવે છે.
• તમામ સ્પર્ધાત્મક પરીક્ષાઓ જેમ કે JEE, NDA અને NEET માં CBSE ના સિલેબસમાંથી જ વિષયો પૂછાતા હોય છે.
• દેશ અને વિદેશમાં CBSE સાથે સંકળાયેલી શાળાઓની સંખ્યા સૌથી વધુ છે.
• જો વિદ્યાર્થીને વારંવાર શાળા બદલી કરવી પડે તો CBSE બોર્ડ વધુ અનુકૂળ રહે છે.
• આ બોર્ડમાં હિન્દી અને અંગ્રેજી બંને માધ્યમમાં અભ્યાસ કરવાનો વિકલ્પ હોય છે.

ICSE બોર્ડથી અભ્યાસ કરવાના ફાયદા

• સિલેબસ થોડો વધારે વિસ્તૃત હોય છે, જેમાં સિદ્ધાંત અને પ્રાયોગિક અભિગમ બંનેનો સમાવેશ થાય છે.
• અંગ્રેજી ભાષા પર આંતરરાષ્ટ્રીય ધોરણ મુજબ મજબૂત પકડ મળે છે.
• સર્જનાત્મક અને પ્રોજેક્ટ આધારિત અભ્યાસ પદ્ધતિ પર ભાર મૂકવામાં આવે છે.
• જો વિદ્યાર્થીને વિદેશમાં શિક્ષણ લેવું હોય તો ICSE ની અંગ્રેજી આધારિત શિક્ષણ પદ્ધતિ મદદરૂપ થાય છે.
• આ બોર્ડમાં કમ્પ્યુટર, આર્ટ, કુકિંગ અને ફેશન જેવા વિષયો પણ હોય છે.

CBSE કેમ વધુ સારું છે?

• જો બાળકને સરકારી કે સ્પર્ધાત્મક પરીક્ષાઓની તૈયારી કરાવવી હોય.
• જો બાળકનો રસ ગણિત અને વિજ્ઞાનમાં હોય.
• જો વાલીઓ એવી નોકરીમાં હોય કે તેમને વારંવાર બદલી થતી હોય.

ICSE ક્યારે પસંદ કરવું?

• જો વિદ્યાર્થીને અંગ્રેજી ભાષામાં પકડ મજબૂત બનાવવી હોય અથવા તેને આર્ટમાં રસ હોય.
• જો તમે બાળકને વિદેશમાં અભ્યાસ માટે મોકલવાનું વિચારી રહ્યાં હો.
• જો તમે બાળકને ક્રિએટિવ ક્ષેત્ર જેમ કે મીડિયા, ડિઝાઇન, લખાણ વગેરેમાં મોકલવા ઈચ્છો છો.

વધુ વાંચો: મંત્રીઓના પગાર વધ્યો, સરકારી નોકરીઓનો પણ પટારો ખુલ્યો, જાણી લો ફટાફટ ડિટેઈલ

શિક્ષણ જીવનનું મહત્વનું પાસું છે. બાળકની ક્ષમતા અને રસ પ્રમાણે તેની પસંદગી કરવામાં આવે તો તે વધારે યોગ્ય સાબિત થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ