ન્યાયિક / ખોરી દાનત વગર સગીરાની પીઠ-માથા પર હાથ ફેરવવો લજ્જા ભંગ ન ગણાય- હાઈકોર્ટનો મોટો ચુકાદો

• લજ્જાભંગ પર હાઈકોર્ટનો મહત્વનો ચુકાદો
• પીઠ અને માથા પર હાથ ફેરવવો મહિલાનો લજ્જાભંગનો કેસ ન ગણાય
• આરોપીને હાઈકોર્ટે છોડી મૂક્યો 

 બોમ્બે હાઈકોર્ટની નાગપુર બેન્ચે 28 વર્ષીય એક વ્યક્તિની સજાને એમ કહીને રદ કરી દીધી છે કે, કોઈ પણ જાતના ખોટા ઈરાદા વિના માત્ર સગીર છોકરીની પીઠ અને માથા પર હાથ ફેરવવાથી તેની લજ્જાભંગ ન ગણી શકાય. આ કેસ 2012નો છે, જ્યારે એક 18 વર્ષીય વ્યક્તિ પર 12 વર્ષની છોકરીની લજ્જાભંગ કરવાના આરોપમાં કેસ નોંધવામાં આવ્યો હતો.પીડિતાના જણાવ્યા અનુસાર આરોપીએ તેની પીઠ અને માથું પર હાથ ફેરવતાં કહ્યું હતું કે તે હવે મોટી થઈ ગઈ છે. હાઈકોર્ટે આ ઘટનાને લજ્જાભંગ તરીકે ગણવાનો ઈન્કાર કરી દીધો. 

Act Of Touching A Colleague's Hand Does Not Constitute The Offence Of Outraging Modesty Of A Woman: Bombay HC [Read Judgment] https://t.co/bhbzt4WtQ3

— Live Law (@LiveLawIndia) June 17, 2019

જસ્ટિસે શું કહ્યું 
જસ્ટિસ ભારતી ડાંગરેની સિંગલ બેન્ચે આ સજાને રદબાતલ ઠેરવતાં કહ્યું હતું કે એવું લાગતું નથી કે દોષિતનો કોઈ બદઈરાદો છે પરંતુ તેના શબ્દો પરથી એવું લાગે છે કે તે પીડિતા સાથે બાળકની જેમ જ વર્તી રહ્યો છે અને તેનો કોઈ બદઈરાદો નથી. જસ્ટિસે જણાવ્યું હતું કે, "સ્ત્રીની લજ્જાભંગ કરવા માટે બદઈરાદો હોય તો જ કેસ બને છે. તેમણે કહ્યું કે 12-13 વર્ષની પીડિતાએ પણ કોઈ અસ્પષ્ટ હેતુનો ઉલ્લેખ કર્યો નથી. તેણીએ કહ્યું કે આરોપીના શરીર પર હાથ ફેરવવાને કારણે તેને ખોટું થયાની લાગણી થઈ હતી. 

Wow @TwitterSupport
A user can easily outrage the modesty of a woman but if @PoonamJoshi_ in response only tells him that his mother should teach him how to respect women,is considered violation of twitter rules and you locked her account for 11 hours
Is this for real? pic.twitter.com/FgcQRmoEMR

— Sakshi Joshi (@sakshijoshii) March 10, 2023

શું બની હતી ઘટના 
પીડિતાએ કહ્યું કે 15 માર્ચ, 2012ના રોજ એક યુવાન દસ્તાવેજો આપવા મારા ઘેર આવ્યો હતો ત્યારે તેણે મારા માથા અને પીઠ પર હાથ મૂક્યો હતો જેનાથી તે ગભરાઈ ગઈ અને મદદ માટે બૂમો પાડવા લાગી હતી. ટ્રાયલ કોર્ટે તેને દોષી ઠેરવ્યા બાદ અને છ મહિનાની જેલની સજા ફટકાર્યા બાદ આ વ્યક્તિએ હાઈકોર્ટનો સંપર્ક કર્યો હતો. હાઈકોર્ટે પોતાના ચુકાદામાં કહ્યું કે ટ્રાયલ કોર્ટનો નિર્ણય યોગ્ય નથી અને પ્રથમ દૃષ્ટિએ એવું લાગે છે કે વ્યક્તિએ કોઈ ખોટા ઈરાદા વગર, કોઈ વિચાર કર્યા વગર જ વર્તન કર્યું હતું.