આગાહી / ભીષણ ગરમી વચ્ચે દેશના આ રાજ્યોમાં થશે વરસાદની એન્ટ્રી, જૂનથી સપ્ટેમ્બર સુધી એલર્ટ જાહેર

આ વર્ષે ભારતમાં ચોમાસું સામાન્ય રહેવાની શક્યતા છે. હવામાનની આગાહી કરતી ખાનગી એજન્સી સ્કાયમેટના જણાવ્યા અનુસાર આ વર્ષે જૂનથી સપ્ટેમ્બર દરમિયાન 868.6 મીમી વરસાદ થવાની સંભાવના છે. અનુમાન મુજબ આ વર્ષે ચોમાસા દરમિયાન વરસાદની ટકાવારી 96-104 ટકા રહેવાની શક્યતા છે. નોંધનીય છે કે આ પહેલા 12 જાન્યુઆરીએ જાહેર કરવામાં આવેલી આગાહીમાં એજન્સીએ ચોમાસું સામાન્ય રહેવાની વાત પણ કરી હતી. સ્કાયમેટના અંદાજ મુજબ સિઝનની શરૂઆતમાં થોડો વિલંબ થઈ શકે છે. તેની પાછળનું કારણ અલ નીનોથી લા નીનોમાં પરિવર્તન હોવાનું કહેવાય છે. ઉપરાંત સમગ્ર સિઝન દરમિયાન વરસાદનું વિતરણ વૈવિધ્યસભર અને અસમાન રહેવાની શક્યતા છે.

લા નીનોના કારણે ચોમાસાનું પરિભ્રમણ વધુ તીવ્ર બનશે

દેશના ચોમાસા અંગે સ્કાયમેટના મેનેજિંગ ડાયરેક્ટરે કહ્યું કે અલ નીનો ઝડપથી લા નીનોમાં ફેરવાઈ રહ્યું છે. લા નીનો વર્ષોમાં ચોમાસાનું પરિભ્રમણ તીવ્ર બને છે. ઉપરાંત સુપર અલ નીનોનું મજબૂત લા નીનોમાં સંક્રમણ ઐતિહાસિક રીતે વધુ સારી ચોમાસાની સ્થિતિ બનાવે છે. સ્કાયમેટના જણાવ્યા અનુસાર સિઝનના બીજા ભાગમાં સ્થિતિ પહેલા કરતા વધુ સારી રહેશે. દેશના દક્ષિણ, પશ્ચિમ અને ઉત્તર-પશ્ચિમ વિસ્તારોમાં પર્યાપ્ત અને સારા વરસાદની અપેક્ષા છે.

આ રાજ્યોમાં સારા વરસાદની શક્યતા

મધ્યપ્રદેશ અને મહારાષ્ટ્રમાં ભારે વરસાદની સંભાવના છે. જો કે, જુલાઈ અને ઓગસ્ટ દરમિયાન બિહાર, ઝારખંડ, ઓડિશા અને પશ્ચિમ બંગાળમાં ઓછા વરસાદની અપેક્ષા છે. ચોમાસાની શરૂઆતમાં ઉત્તર-પૂર્વ ભારતમાં વરસાદ સામાન્ય કરતા ઓછો રહેવાની ધારણા છે. તમને જણાવી દઈએ કે ઉત્તર ભારતમાં ઉત્તર પ્રદેશ, પંજાબ, હરિયાણા અને રાજસ્થાનમાં ખેડૂતોની સારી એવી સંખ્યા છે. દેશની લગભગ અડધી ખેતીની જમીન સિંચાઈ માટે ચોમાસાના વરસાદ પર નિર્ભર છે, જેમાં સિંચાઈના અન્ય કોઈ સાધન નથી. આ વિસ્તારમાં ડાંગર, બાજરી, શેરડી, કપાસ અને સોયાબીન જેવા પાકો લેવામાં આવે છે.

વધુ વાંચો : ચૂંટણી ટાણે ગરમી ગાભા કાઢશે, હવામાન વિભાગે આપી ખતરનાક ચેતવણી

ચોમાસા દરમિયાન પણ હીટ વેવ ચાલુ રહેશે

દેશમાં ચોમાસાની સાથે હીટ વેવની પણ શક્યતા છે. ભારતીય હવામાન વિભાગ (IMD) એ આગાહી કરી છે કે ઓગસ્ટથી જૂન દરમિયાન દેશના વિવિધ ભાગોમાં 10 થી 20 દિવસ સુધી ગરમીનું મોજું રહી શકે છે. સામાન્ય રીતે આ સમયગાળો 4 થી 8 દિવસ સુધી ચાલે છે. સ્વાભાવિક છે કે આ દિવસોમાં લોકોને ગરમીનો સામનો કરવો પડશે.