દર્શકોના પૈસા વસૂલ / VIDEO : બુલેટ બોલ પર તૂટી પડ્યો, કચકચાવીને ઠોક્યો 106 મીટરનો તોફાની છગ્ગો, નાખી દીધો વાદળોની વચ્ચે

• વેસ્ટ ઇન્ડીઝના સ્ટાર ઓલરાઉન્ડર ડ્વેન બ્રાવોએ દેખાડી તાકાત
• ઊભા ઊભા જરાય તાકાત લગાડ્યાં વગર ફટકાર્યો તોફાની સિક્સ
• 106 મીટર ઊંચો ગયો બોલ, દર્શકોને જોવાની મજા પડી 

ક્યારેક ક્રિકેટ રસિયાઓને અણધાર્યું નવું જોવાનું મળી જતું હોય છે. ક્રિકેટની મેચમાં નવું થાય તો જ દર્શકોને મજા પડતી હોય છે. હવે દર્શકોને મજા પડે તેવી એક ઘટના ક્રિકેટમાં બની હતી. 

TO THE MOON🌕!

Dwayne Bravo with the BIGGEST SIX of the tournament!

1⃣1⃣5⃣/6⃣(17.2) pic.twitter.com/xDyWKy25nL

— Major League Cricket (@MLCricket) July 17, 2023

બ્રાવોએ 39 બોલમાં 76 રન બનાવ્યા
ગ્રાન્ડ પ્રેયરી સ્ટેડિયમમાં ડ્વેન બ્રાવોએ પોતાના બેટથી તરખાટ મચાવ્યો હતો. તેણે 39 બોલમાં 76 રન બનાવ્યા હતા જેમાં 5 ચોગ્ગા અને 6 છગ્ગા ફટકાર્યા હતા. તેણે સુપર કિંગ્સની ઈનિંગની 18મી ઓવરમાં એનરિક નોરખિયા સામે ઝંઝાવાતી છગ્ગો ફટકાર્યો. બોલરે બોલને ખૂબ જ ઝડપથી પીચ પર ફેંક્યો હતો જેના જવાબમાં બેટ લઈને તૂટી પડતાં બ્રાવોએ સ્ટેન્ડિંગ એરિયલ શોટ ફટકાર્યો હતો જે પછી બોલ સ્ટેડિયમમાં જઈને પડ્યો હતો. 

ડ્વેન બ્રાવોએ વાદળને ટચ કરાવી દીધો બોલને  
વેસ્ટ ઇન્ડીઝનો સ્ટાર ઓલરાઉન્ડર ડ્વેન બ્રાવો મેજર ક્રિકેટ લીગમાં શાનદાર બેટિંગ કરી રહ્યો છે. 17 જુલાઈએ રમાયેલી લીગની પાંચમી મેચમાં તેણે 76 રનની વિસ્ફોટક ઈનિંગ રમી હતી, પરંતુ તે પોતાની ટીમ ટેક્સાસ સુપર કિંગ્સને જીતાડી શક્યો નહતો. ભલે તે ટીમને જીતાડી ન શક્યો, પરંતુ તેણે પોતાની બેટિંગથી દર્શકોનું મનોરંજન કર્યું. આ દરમિયાન તેણે 106 મીટરની એક તોફાની સિક્સ ફટકારીને દર્શકોને જોવાની મજા કરાવી દીધી હતી. બ્રાવોએ એટલા જોરથી બોલ ઉછાળ્યો હતો કે તે વાદળમાં ગયો હતો જેનો વીડિયો સોશિયલ મીડિયા પર વાયરલ થઇ રહ્યો છે.

મેજર લીગ ક્રિકેટ ટૂર્નામેન્ટની મેચમાં કમાલ 
મેજર લીગ ક્રિકેટ ટૂર્નામેન્ટની પાંચમી મેચ વોશિંગ્ટન ફ્રીડમ અને ટેક્સાસ સુપર કિંગ્સ વચ્ચે રમાઈ હતી. વોશિંગ્ટન ફ્રીડમે ઓપનર મેથ્યૂ શોર્ટ (80)ની શાનદાર ઇનિંગના આધારે 6 રને મેચ જીતી લીધી હતી.