બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 07:25 AM, 7 August 2026
FOLLOW ON
શેર કરો
1/6
કિશોરોની માનસિક સ્વાસ્થ્યને નુકસાન પહોંચાડવાના આરોપોમાં કોર્ટે Metaને અંદાજે 5,400 કરોડ રૂપિયા જમા કરાવવાનો આદેશ આપ્યો છે. આ રકમનો ઉપયોગ કિશોરોના માનસિક સ્વાસ્થ્ય માટે કરવામાં આવશે. જાણો આખો મામલો શું છે.અમેરિકાના ન્યૂ મેક્સિકોની કોર્ટે Meta સામે મહત્વપૂર્ણ નિર્ણય આપ્યો છે. કંપની પર આરોપ હતો કે તેના સોશિયલ મીડિયા પ્લેટફોર્મ્સના ઉપયોગથી કિશોરોમાં માનસિક સ્વાસ્થ્ય સંબંધિત સમસ્યાઓ અને અન્ય જોખમો વધ્યા છે. કોર્ટના આદેશ બાદ Metaને હવે અંદાજે 567 મિલિયન ડોલર એટલે કે લગભગ 5,400 કરોડ રૂપિયા રાજ્યના ખાસ ફંડમાં જમા કરાવવા પડશે.
આ તસવીર શેર કરો
2/6
ન્યૂ મેક્સિકોની ફર્સ્ટ જ્યુડિશિયલ ડિસ્ટ્રિક્ટ કોર્ટમાં આ કેસની લાંબી સુનાવણી બાદ જ્યુરીએ Metaના પ્લેટફોર્મ્સને લઈને ગંભીર ટિપ્પણીઓ કરી હતી. જ્યુરીએ માન્યું કે કંપનીના પ્રોડક્ટ્સ કિશોરોના માનસિક સ્વાસ્થ્ય પર નકારાત્મક અસર પહોંચાડે છે અને બાળકોના યૌન શોષણ સાથે જોડાયેલા જોખમોને લઈને પણ કંપની પૂરતી સાવચેતી રાખવામાં નિષ્ફળ રહી હતી. ત્યારબાદ કોર્ટે કંપનીને 567 મિલિયન ડોલર ચૂકવવાનો આદેશ આપ્યો.
આ તસવીર શેર કરો
3/6
કોર્ટના આદેશ મુજબ Meta પાસેથી વસૂલ કરવામાં આવનાર સમગ્ર રકમ ન્યૂ મેક્સિકો રાજ્યના ખાસ ફંડમાં જમા થશે. આ ફંડનો ઉપયોગ કિશોરોમાં વધતી માનસિક સ્વાસ્થ્યની સમસ્યાઓ માટે સારવાર, કાઉન્સેલિંગ, જાગૃતિ અભિયાન અને અન્ય જરૂરી સેવાઓ ઉપલબ્ધ કરાવવા માટે કરવામાં આવશે. રાજ્ય સરકારનું માનવું છે કે આ નિર્ણયથી અસરગ્રસ્ત બાળકોને મદદ મળી શકશે.
આ તસવીર શેર કરો
4/6
અમેરિકા ઉપરાંત ભારતમાં પણ Meta સરકારની નજર હેઠળ છે. તાજેતરમાં પ્રધાનમંત્રીના ડીપફેક વીડિયો, બાળકોના યૌન શોષણ સંબંધિત કન્ટેન્ટ અને AI દ્વારા બનાવવામાં આવતા ભ્રામક કન્ટેન્ટ જેવા મુદ્દાઓ પર કેન્દ્ર સરકારે Metaના અધિકારીઓ સાથે સતત બેઠક કરી હતી. સરકારએ આવા કન્ટેન્ટ સામે વધુ કડક કાર્યવાહી કરવાની માંગ કરી છે.
આ તસવીર શેર કરો
5/6
કેન્દ્ર સરકાર સાથેની બેઠકમાં Metaએ જણાવ્યું હતું કે તે ડીપફેક, બાળકોના યૌન શોષણ સંબંધિત કન્ટેન્ટ અને અન્ય વાંધાજનક સામગ્રીને ઝડપથી ઓળખવા અને દૂર કરવા માટે પોતાની સિસ્ટમ વધુ મજબૂત બનાવશે. કંપનીએ મોનિટરિંગ અને કન્ટેન્ટ રિમૂવલ પ્રક્રિયામાં સુધારા લાવવાની ખાતરી પણ આપી છે. જોકે સરકારે સ્પષ્ટ કર્યું છે કે માત્ર વચનો નહીં પરંતુ તેના પરિણામો પણ જોવા મળશે.
આ તસવીર શેર કરો
6/6
સરકારનું કહેવું છે કે CSAM, ડીપફેક, AIથી તૈયાર કરાયેલા ભ્રામક કન્ટેન્ટ અને અન્ય ગંભીર પ્રકારના વાંધાજનક કન્ટેન્ટને વધુમાં વધુ 3 કલાકની અંદર દૂર કરવાની વ્યવસ્થા અસરકારક રીતે અમલમાં આવવી જોઈએ. સરકારે સ્પષ્ટ સંદેશ આપ્યો છે કે જેટલી ઝડપથી આવા કન્ટેન્ટ સામે કાર્યવાહી થશે તેટલું લોકો, ખાસ કરીને બાળકો અને કિશોરોને થતું નુકસાન ઘટાડી શકાશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
