ગજબ! / 'જજ સાહેબ, ઊંટ નથી મળી રહ્યાં', શખ્સે મદદની ગુહાર લગાવતા હાઇકોર્ટે કહ્યું 'પોલીસ પાછા અપાવશે'

ઉત્તરપ્રદેશના મેરઠમાંથી ખૂબ જ અજીબ સમાચાર સામે આવ્યા છે. આ વ્યક્તિએ હાઈકોર્ટમાં જઈને ઊંટ પરત મેળવવા માટે મદદ માંગી છે. તે વ્યક્તિએ કોર્ટને કહ્યું છે કે, સાહેબ મને પોલીસ પાસેથી મારા 22 ઊંટ અપાવો, કોર્ટે આદેશ જાહેર કરીને લિસાડી ગેટ પોલીસ ઈન્સ્પેક્ટર પાસેથી જવાબ માંગ્યો છે. આ મામલે આગામી સુનાવણી માર્ચ મહિનામાં થશે. 

આ સમગ્ર મામલો વર્ષ 2019માં શરૂ થયો હતો. ઓગસ્ટ મહિનામાં પોલીસ તંત્રએ ઈદના અવસરે ઊંટની કુર્બાની પર પ્રતિબંધ મુક્યો હતો. આ દરમિયાન લિસાડી ગેટ પોલીસે મેરઠમાં રહેતા મોહમ્મદ અનસના 22 ઊંટ કબ્જે કરી લીધા હતા. અનસે દાવો કર્યો છે કે, હજુ સુધી તેને તેના ઊંટ પરત મળ્યા નથી. આ મામલે સિટી મેજિસ્ટ્રેટને ઊંટ પરત આપવાનો આદેશ આપવામાં આવ્યો હતો. ત્યારપછી અનસે વર્ષ 2022માં હાઈકોર્ટમાં અરજી કરીને ઊંટ પરત આપવા માટે મદદ માંગી હતી. 

હાઈકોર્ટમાં અરજી
મીડિયા રિપોર્ટ અનુસાર હાઈકોર્ટે 12 જાન્યુઆરી 2023ના રોજ ઊંટ પરત આપવાનો આદેશ આપ્યો હતો. હજુ સુધી આ આદેશનું પાલન કરવામાં આવ્યું નથી. હવે આ મામલે ફરીથી અરજી દાખલ કરવામાં આવે છે. આ મામલે પીડિતે જણાવ્યું છે કે, પોલીસે ઊંટ જપ્ત કર્યા છે, તો તે પરત પણ આપશે. હવે મામલે 18 માર્ચના રોજ સુનાવણી થશે. 

વધુ વાંચો: ભૂલથી વરરાજા સાથે જાનૈયાઓ આગલા દિવસે જ પહોંચી ગયા દુલ્હનના ઘરે, મચી દોડમદોડ, થઇ જોવાજેવી

પોલીસ પાસેથી જવાબ માંગ્યો
આ મામલે સિટી મેજિસ્ટ્રેટે જણાવ્યું કે, ઊંટ પાછા આપવાનો આદેશ જાહેર કર્યો હોવા છતાં પોલીસે 22 ઊંટ પરત ના આપ્યા હોવાનું સામે આવ્યું છે. આ સમગ્ર મામલે લિસાડી ગેટ પોલીસ ઈન્સ્પેક્ટર પાસેથી જવાબ માંગવામાં આવ્યો છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો