ધર્મ / પિતૃઓને પ્રસન્ન કરવા મૌની અમાસના દિવસે અપનાવો આ 4 ઉપાય, બદલાઇ જશે રાતોરાત જિંદગી

• હિંદુ પંચાંગ અનુસાર તમામ તિથિનું વિશેષ મહત્ત્વ
• અમાસની તિથિ પૂર્વજોને સમર્પિત
• આ સરળ ઉપાય કરવાથી પિતૃદોષથી મળશે મુક્તિ

હિંદુ પંચાંગ અનુસાર તમામ તિથિનું વિશેષ મહત્ત્વ છે. હિંદુ પંચાંગમાં 12 અમાસ આવે છે. શાસ્ત્રો અનુસાર અમાસની તિથિ પૂર્વજોને સમર્પિત કરવામાં આવી છે. આ દિવસે જ્યોતિષ ઉપાય કરવાથી પિતૃદોષથી મુક્તિ મળી શકે છે. આ વર્ષે 9 ફેબ્રુઆરીના રોજ મૌની અમાસ છે. આ દિવસે કેટલાક સરળ ઉપાય કરવાથી પિતૃઓને પ્રસન્ન કરી શકાય છે. 

અમાસના દિવસે કરો આ સરળ ઉપાય
તર્પણ અને પિંડદાન કરો
જ્યોતિષ શાસ્ત્ર અનુસાર અમાસના દિવસે મૃત પૂર્વજો નિમિત્તે તર્પણ અને પિંડદાન કરવું તે ફળદાયી માનવામાં આવે છે. આ દિવસે પવિત્ર નદીના તટ પર ઉભા રહીને દક્ષિણ દિશા તરફ મુખ કરીને તલયુક્ત જળ અર્પણ કરો અને પિંડદાન કરો. આ ઉપાય કરવાથી ઘરમાં સુખ-શાંતિ અને સમૃદ્ધિ આવે છે તથા વંશ વૃદ્ધિમાં સહાયક થાય છે. 

ગરીબને દાન કરો
શાસ્ત્રો અનુસાર મૌની અમાસના દિવસે ગરીબ વ્યક્તિને દાન કરવું જોઈએ. આ દિવસે તમારી શક્તિ અનુસાર ચોખા, ધાબળો, તલ, મિઠાઈ, લોટ, ખાંડ તથા દૂધનું દાન કરવું. આ પ્રકારે કરવાથી તમામ દુ:ખથી મુક્તિ મળે છે. 

પશુ-પક્ષીને ભોજન કરાવો
મૌની અમાવસ્યાના દિવસે પશુ અને પક્ષીને ભોજન કરાવવાથી પિતૃ પ્રસન્ન થાય છે. આ દિવસે શ્વાન, કાગડો, કીડી તથા ગાયને ભોજન કરાવવું, જેથી પિતૃ પ્રસન્ન થશે. 

વધુ વાંચો: આજે આ રાશિના જાતકો ખોટા પરિણામો ભોગવવા રહે તૈયાર, જીવનસાથી સાથે તણાવના પણ યોગ

સૂર્યદેવને જળ અર્પણ કરો
જ્યોતિષ શાસ્ત્ર અનુસાર મૌની અમાસના દિવસે સૂર્યદેવની પૂજા કરવી જોઈએ. આ દિવસે તાંબાના કળશમાં રોલી, લાલ ફૂલ, અક્ષત, મિશ્રી અને જળ મિશ્ર કરીને સૂર્યદેવને અર્પણ કરવાથી લાભ થાય છે.