દેશ / મણિપુરમાં 3 મહિનાથી ચાલી રહેલી હિંસામાં અત્યાર સુધી શું શું થયું? સુપ્રીમ કોર્ટમાં ફાઈલ થયો સ્ટેટસ રિપોર્ટ

• મણિપુર પ્રશાસને SCને સોંપી સ્ટેટસ રિપોર્ટ
• રિપોર્ટમાં છેલ્લાં 3 મહિનાની FIRની માહિતી
• હિંસાથી લઈને બળાત્કાર સુધીનાં તમામ મામલાઓની માહિતી

છેલ્લા ત્રણ મહિનાથી મણિપુરમાં હિંસા ફેલાયેલી છે ત્યારે મણિપુર પ્રશાસનની તરફથી હિંસાનાં મામલાઓ અને તે સંબંધિત અન્ય ગુનાઓની બ્યોરોની સ્ટેટસ રિપોર્ટ સુપ્રીમ કોર્ટમાં જમા કરવામાં આવી છે. આ સ્ટેટસ રિપોર્ટમાં કહેવામાં આવ્યું છે કે અત્યારસુધીમાં બળાત્કાર અને હત્યાની માત્ર 1 જ FIR દાખલ કરવામાં આવી છે જ્યારે સામૂહિક બળાત્કાર કે બળાત્કારનાં કેસમાં 3 FIR સામે આવી છે. મણિપુર હિંસાનાં મામલામાં FIRની સંખ્યા 4694 છે જેમાં હત્યાની 72 FIR નોંધાઈ છે.

Manipur Violence: SC Sets up Panel of 3 Former Women HC Judges on Relief & Rehab

Committee headed by J Gita Mittal (former Chief Justice of J&K HC) & includes J Shalini Phansalkar Joshi( former Bombay HC judge) & J Asha Menon(former Delhi HC judge).#ManipurViolence… pic.twitter.com/llNPtZ0I4p

— তন্ময় l T͞anmoy l (@tanmoyofc) August 7, 2023

સુપ્રીમ કોર્ટમાં દાખલ કરવામાં આવેલ સરકારી રિપોર્ટનાં આંકડાઓ

1. કલમ 302/304- હત્યાનાં 72 કેસ
2. કલમ 376/376D- બળાત્કાર/સામૂહિક બળાત્કારનાં 03 કેસ
3. કલમ 302/304- હત્યા અને 376 બળાત્કારનો 01 કેસ
4. કલમ 354- મહિલાની નમ્રતા ભંગ કરવાનાં ઈરાદાથી તેના પર હુમલો કરવો કે જાતિય સતામણી કરવાનાં 06 કેસ
5. કલમ 436/435- આગ કે વિસ્ફોટક પદાર્થોનો ઉપયોગનાં 4454 કેસ
6. લૂટ/ચોરીનાં 4148 કેસ
7. સરકારી સંપત્તિને નુક્સાન કે નાશ કરવાનાં 4694 કેસ
8. જાહેર સંપત્તિને નષ્ટ કે નુક્સાન પહોંચાડવાનાં 584 કેસ
9. ધાર્મિક પૂજાનાં સ્થળોનો નાશ કે નુક્સાન- 46 કેસ
10. ગંભીર ઈજાનાં 100 કેસ

રાજ્યમાં કઈ રીતે બનશે SIT?
આ સાથે જ રાજ્યમાં મણિપુર પોલીસે SIT ગઠિત કરવાની માંગ કરતાં સંભવિત ટીમનો પ્રસ્તાવ મુક્યો છે. હત્યા કે અન્ય ઘૃણાસ્પદ ગુના સાથે સંબંધિત FIR માટે SITનાં નેતૃત્વ માટે એક એવા અધિકારી દ્વારા થવું જોઈએ જે SP રેંકથી નીચેનો ન હોય અને
SITમાં આટલા લોકો શામેલ થઈ શકે.

1. નિરીક્ષક 2
2. ઉપનિરીક્ષક 6
3. કોંસ્ટેબલ 12

આ સાથે બળાત્કાર અને અન્ય યૌન કે જાતિગત સતામણી સંબંધિત FIR માટે SITનું નેતૃત્વ એવી અધિકારી દ્વારા થવું જોઈએ જે SPનાં રેંકથી નીચેના ન હોય. ટીમમાં,

1. મહિલા ઈંસ્પેક્ટર 1
2. મહિલા ઉપ-નિરીક્ષક 2
3. મહિલા PC 4